朗朗近況 - 2歲3個月

又好耐無打過blog..

最大原因係懶啦~~

好多謝blog友仲記得我...哈哈

講下自己同朗朗近況..

工作上有一些變動啦~搞到有d力不從心...

但一d情況下我係暫不能轉工住既...

而朗朗...而家已經2歲多啦~~

比大家見下近照先..hehee

係唔係好靚仔先(唔係都唔好講出口)

 

係呢幾個月...朗朗都要準備好多野

最重要係準備k1面試..

回想...果2個月真係忙到跌渣!!!

不停in...其實我報既學校不多..

一隻手數得晒...但朗朗係細b

好多地方點都同大b有d差別~

btw....我知佢盡左力

所以係收信果期....我都處於失望-絕望-無望既階段

d信唔係rejected就係waiting

終於等等等...等到政府指定交學卷後既日期

過多2日...終於有學校打黎話後補有位

我果下真係喊左出黎..

呢間學校雖唔係第一志願

但係我第二志願....以快樂學習為本..著重德育品格

希望今年九月...朗朗可以開開心心上學啦

而家既朗朗已經係開籠雀..

好多野講,,好多野問..

點解架? 仲咩野呀? x n次

不過我地都盡量滿足佢既求知慾..

黎緊開學前,,要加緊戒片進度..

而家去poopoo自己出聲無問題

但去vivi仲係唔多肯出聲..或者痾左先講

唉~~~~希望開始唔凍...再地獄式訓練下佢啦~

至於我....今年亦有新一頁

放心...我同老公感情仲係好好~~hehee唔係婚變

今年七月,,,朗朗要做哥哥啦~

剛剛夠五個月,,,已照左係妹妹黎...hehee

真係無秘密....

就係因為妹妹...所以唔轉得工住

 

生埋細妹..我正式收山修身..哈哈

希望一切順順利利啦~