BEBE - 床架+床褥

真係懶到出汁,,好耐無寫BLOG..

雖然層樓未知賣唔賣得成,,但我同mr tai都係要plan定同睇定黎緊要買咩傢俬..

因為..
* 賣得成..新居都要新床
* 賣唔成..舊居重新裝修都要新床..

就係貢簡單~~kakaa

so我就得閒無x痾就會同mr tai去下傢俬舖睇下~~

先講講床架先~~
我地睇左實惠同ikea..但發現實惠真係唔多款..

同埋d 款好似好普通咁..so已經唔考慮實惠到買床架~~

咁我同mr tai就去左ikea到睇啦~~

我自己心目中就一定床下要有櫃(唔好浪費床底位置嘛!!)

點知mr tai見到張有床頭櫃既..就好鍾意~~

↑↑ e個就係床頭部份,,佢放野既地方係側邊..幾特別唷~~

↑↑ 床身部份就係有兩個大櫃係下面, 又合晒我要求..顏色簡單清純白就係我地心水..

so都已經mark定會入e張床~~hahaa

***********************************************************************

至於床褥,,,我地係IKEA又未搵啱..可能我地有d要求~~

因為mr tai 頸及腰骨唔多好...so床褥真係唔可以亂買~~

結果我地相反地又係實惠搵到做緊promotion既愛皇健.

個推銷員首先介紹一張大約六千多元既護脊床褥比mr tai試下~~

點知mr tai一試...就唔想起返身..左碌右碌(先生...公眾地方來架~你想點=.=")

我睇到佢咁..我就坐下試下..又真係巧舒服..佢好似你訓果個位..果個位就包及托住你既身體咁..好舒服...

咁mr tai同個推銷員傾左好耐...佢都心郁郁..

但個推鎖員之後仲叫佢試埋張特級護脊...我睇到個價錢..真係有d O左嘴

我都係一個C9數既人...過萬一張床褥..真係試下就好~~

點知一試...心諗-------------->"大鑊!!!"

因為mr tai讚到天上有‧地下無=______________="

但確實,,e張我都有試..又真係大不同六千幾果張...

之後個推鎖員話黎緊都會係實惠擺...會有discount..可以做到under 10k

咁我地計下,...一張床褥好話唔好聽..都可以訓到十年八載...計返條數又真係ok既~~

最最最緊要係....mr tai唔好訓到腰酸背痛嘛~~~

so...我地床褥既target亦都選好啦!!!

yeah~~~

~~後記~~
賣樓情況仲要等到十一月中..快d啦~~
咪真係乜都趕唔切婚前搞掂=.="
↓
↓
↓
↓

緊張ing

confirm婚鞋

今日無無聊...同媽咪出左去太子金都行街..

點知媽咪睇中左對勁閃既婚鞋...佢仲要訂造..

因為要水台+3.5吋..要求勁高...不過佢開心就乜都得啦~~

訂造價450...十二月可以取貨..hhaa

之後就到我去...本身我都睇中左對四吋..勁閃勁靚...都只係365

店員首先拎左對唔同款.但合我size既試穿...我覺得超穩陣呀!!仲好舒服tim!!

都心郁郁想買架啦~~~點知..當我問佢拎我想要果個款試下著上腳靚唔靚時..

又話無..拎左對吋半比我試=.="....要就要訂造...

咁我唔著上去點知好唔好睇呢???比左錢你訂造後先試下好唔好??

我過唔到我自己囉...佢個勢都好似迫你快d買快d買咁..

但幾百蚊...係我心目中係ok..但未至於亂咁駛囉~~

亦唔甘心係被迫咁駛..佢無得比我試就走人啦~~無謂冒驗啦~~haha

之後去左第二間...

我一直都只係睇d 閃布+閃石款...但反而無留意絹布既款式..

係媽媽推介下...我就試左對絹布三吋款..

咦~~又幾好喎!!!著落仲好舒服...好舒服...仲唔似三吋高~~

係我著住係舖行左一轉..左揀右揀下...我都係決定買左先..價錢ok..285...

但買完e款...我又諗...如果我著紅晚裝貢點算呀!!??!?!
駛唔駛買過對襯晚裝呢???又自尋煩惱中....

之後購買心情未停過...買完婚鞋...又去左睇褂鞋...但金都無一間睇得中..

結果又係淘寶時間啦......
比我睇中左兩對↓↓

牡丹裙褂鞋

大馬褂鞋..

經mr tai過目,,仲買左...而家等收貨...希望實物都ok啦~~

期待呢...

人玩我玩

有個FD SEND左條LINK比我

叫我參加E個婚照比賽..雖則我有自知之名..

但志在參與..我都決定放張我覺得影得幾型既落去啦~~

各位多多支持...雖則..頭獎印度之旅本人無咩興趣..haha

投票請click↓↓↓謝謝

多多支持

 

 

 

有變???

本身話十月就開波裝修既..

但突然又收到業主立案法團話洽購賣樓有進展..

由於樓齡都有返咁上下..其實如果真係賣得出,,咁緊係唔想浪費d裝修錢啦~

但而家又話最快要等十月尾先知道夠唔夠九成主戶肯支持出售..

而家我同mr tai個心又十五十六啦=.="..

裝修??唔裝修??

唉!!!!!!!!!!!!!!!!!!!!!!!!

開始有d擔心...大吉利是賣唔出,,,再裝修夠唔夠時間呢!??!?!?!?!!(要預2個月時間裝修)

堅係十萬個問號出現左....

不過mr tai就無我咁緊張..佢永遠覺得實搞得掂..大不了咪買左張大床先=.="間屋唔駛整住....但我諗住婚後可以休息下唔駛再煩其他野嘛~~

我又緊張大師上身啦..到時如果搞到唔上唔落..未買大床... 貢我點去安床唷?!?!?
新婚唔通訓酒店?!?!!?唉唉唉~~

希望船到橋頭自然直啦~~~

我諗我又婚前煩惱緊張症!!!!

so我要為自己打打氣!!!!加油呀!!!!!

得意裝飾

係29/9又係網上訂左一批婚禮當晚用來裝飾用品..

係30/9下午就收到貨...真係快到你唔信囉~~haha

其實今次訂e d野都只係當日裝飾既一部份..

但我都足足考慮左一段時間先去入貨...

廢時又比人話敗家啦~~

↑↑
1) 貼紙- 用來黐上硬咭紙,放係入口處
2) MEMO CARD...裝飾或for 朋友寫上心聲

3) 左手邊上排..枱號牌(遲d會補上no.)
4) 上排中, 簽到台指示牌(會更改繁體文)
5) 中間大頭公仔, 黐上硬咭紙製作紙板公仔
6) 下排左..利是封(開門利是封)
7) 下排右..貼紙 (製作坐位表之用)

暫時都無人話我敗家,,仲讚幾得意...希望我快d完成啦~~hahaa

進度表 - 倒數5個月

酒席：帝廷 (20圍)

Pre-wedding ：藏愛 (6月已影, 預計9月尾可取)

時辰吉日 ：銀姑 - 已提供

註冊：朋友boss到場註冊

禮服：IN WEDDING -  1 WG + 3EG, 男禮3套, 伴娘裙

裙褂：冠南華 

餅卡：to be confirm

請帖：帝廷附送

BID DAY攝影攝錄：純美新娘

BID DAY SNAPSHOT：朋友K先生

場地佈置:人形紙板(初稿中),酒樓送易拉架未揀相造,場地由兄弟姊妹團幫手整理

回禮-小禮物:  to be confirm 

化妝:Magic Make Up House - Mandy(包媽咪,奶奶,新郎,家姐,大嫂)

婚紗晚裝鞋:  to be confirm 

出門旗袍紅鞋：to be confirm

Nu Bra：已購

指甲：to be confirm

花車：朋友車做花車, 朋友代租16座旅遊巴

新娘花球套餐:  to be confirm

婚戒:  to be confirm

來賓簽名筆: to be confirm

Rundown：寫都未寫過=.="

兄弟姊妹飯聚： 預計下年頭1月

姊妹裙、兄弟領帶/腰帶：to be confirm

座位表:酒樓代辦

檯號牌：ready 中

婚宴歌曲：to be confirm

成長片段相：to be confirm

當晚送給雙方家長花束：to be confirm

新人睡衣、利是封、敬茶茶具、上頭用品、紅傘 etc.: 媽咪代辦

過大禮： 下年1月尾

花車裝飾： to be confirm

家居裝修： 10月中動工

家私： 10月中開始選購..預計12月入屋

蜜月旅行：北海道

數埋數埋,,真係好多野都未搞...我係時候要加把勁..

近排好忙....忙見工, 忙籌婚事, 忙理裝修材料....累..但仍要多謝mr tai一直從旁協助!!