經過漫長既等待....
係姐姐confirm到達一星期前
朗's婆婆因感冒引致耳水不平...
要好好休息
亦即係話...婆婆唔駛湊朗朗既日子提早左一星期
姐姐未到既呢個星期...由朗's嫲嫲頂住先
真係好感激婆婆呢一年多來既照顧, 愛護...嗚~~
我唔打咁多..廢時又係公司喊..哈哈~
入返正題...
姐姐係上週五準時到達香港..
咁我當然等埋驗身報告先接人
星期六就同朗爸上去接姐姐啦~~
agent確實..係送左一年勞保比我地..
份勞保包既我地都ok(主要可claim門診/牙科)
之後就帶工人搭bus...(係,,唔想咁豪華搭的士)
橙色衫的就是我家姐姐了..
(留意..朗爸keep住扮黑面的)
姐姐唔笑...個樣確實都有d好凶...
但對住我地講野就即刻有笑容..希望日後都係~
但對住我地講野就即刻有笑容..希望日後都係~
第一日...入到屋企
8頁家規送左比佢自己慢慢睇..
安置好一切...
佢都主動問我有咩要做
(佢國語好好..溝通零問題..英文就有限公司..)
第一日...其實唔知叫佢做咩
就叫佢幫我收衫摺左放櫃桶..
教左一次..家居訓放邊, 出街衫放邊, 等等等..
我就無理佢...由佢係房自己慢慢搞..
一搞...成粒鐘....入去睇下點解搞咁耐..
原來佢幫我成間房執過晒
我係有d suprise...佢都算幾自動波
佢執完都差唔多六點左右, 就出黎問我駛唔駛煮飯
佢咁主動...就比佢自由發揮一次
我地買左餸就比佢..由得佢自己諗點煮..
第一日晚餐如下
賣相ok...但味道偏淡..
佢話係台灣工作...照顧嫲嫲(老人家)...要清淡一d
okok...咁我叫佢下餐可以落返多少少鹽..
食飯喇........佢諗住等我地食完自己企廚房食..
咁我又接受唔到...so叫佢同枱食啦~~
之後執野..切生果..洗碗果d搞到77,88...我九點就比佢休息
到第二日我有街去....回到家...
佢自動波自己掃地/抹地/洗晒兩個廁所...抹全屋既窗
再重新執一次朗朗衣櫃既衫..
喇...我對住佢真係無讚..
但我暗自比佢都有70分(尚有進步空間)
第二天晚餐..
我覺得幾好味~~
希望天天進步啦~~
至於最重要一環..
朗朗鍾唔鍾意姐姐呢,...
答案係......................超鍾意=.="
其實平時我地係唔需要姐姐照顧朗朗
佢只係做家務..煮三餐
但姐姐佢都醒水...係我地要沖涼時..佢主動睇住朗朗直到我地搞掂晒為止
佢第二晚已經係咁拉住姐姐要姐姐陪佢玩
如果我日頭...比姐姐湊埋朗朗
朗朗應該....唔多跟我=.="
好在...暫時呢個安排...
都ok.....
直到今天...姐姐工作第5天..
我係ok佢既表現..
希望佢唔係頭3個月係咁啦~~
我不時提醒自己...真係唔好開心得太早..
好開心你個姐姐ok呀!朗朗鍾意係最緊要嘅!而且佢識國語國同煮飯好勁呀!又主動做野真係ver good bor! 你真係會輕鬆好多,係good start ar
回覆刪除希望真係一個好開始..多謝你呀iris~~
刪除一個好工人是非常重要的!哈哈.. 不過呢,我唔俾工人成日抱O仔,私心唔想個仔太「貼」工人呀... XD
回覆刪除你呢個私心..我都有~~hahaaaXP
刪除恭喜你呀, 單睇你描述, 你請呢個工人姐姐好唔錯喎, 最緊要佢自動波嘛, 煮啲餸又好似唔錯咁
回覆刪除我唸我同你模式差唔多, 都係婆婆幫手湊, 要兩邊走真係好攰, 所以蛇仔明滿一歲我都想請工人, 但我唸我遇到最大嘅阻礙係婆婆, 佢係超錫粒孫, 嗰日我係咁易提吓話想蛇仔明跟返我, 佢超大反應, 第二日仲打俾我喊
唉, 我都不敢想像 -_-
嘩!!!我完全明白你處境呀!!!
刪除蛇仔明又係婆婆度過夜?定你湊返夜晚?
我媽都有喊架~~但你到時真係請姐姐..要比個適應期婆婆
我而家日日同朗朗打電話返去比婆婆,,同婆婆裝左WHATSAPP..日日SEND朗朗D相比佢...同埋叫佢得閒上黎坐...佢先好D咋~~
呢個適應期會有D長..但為左老人家好...忙D都要做~加油呀!!
等咁耐都係值得既!
回覆刪除暫時我覺得..確實等得有價值...希望佢KEEP住啦~
刪除肯自動波做嘢,真係好好喎! 我家姐姐下個月到,希望可以有你哋咁好彩,請到個好嘅姐姐
回覆刪除祝你好運!!!但真係記住記住先嚴後善...
刪除我而家都係擺起個僱主款..heee
如果小朋友鐘意個姐姐,起碼已过了第一关!
回覆刪除但依個星期,你記得要检查番佢做既野0k否?唔ok,要即時出声!隔一個星期,要再检查佢是否依你教的方法去做,因有d姐姐做做下又用番佢自己個套做!最后,頭幾次出糧時要提佢放假去街時唔好学坏,又或有什么仍要改善呀!当然,有什么好的,要讚佢,亦要keep住做咁好!
多謝你提醒呀!!
刪除我新手請真係要留意多d...thankssssssssssssss ^3^
超正你個姐姐。我覺得佢離鄉別X(唔識打)都幾慘。佢好就讚但緊會擔心啦!咁朗朗邊個湊呀?
回覆刪除係呀..我有少少同理心既...見佢真係盡力做..我都會比佢休息下~~
刪除而家其實主力嫲嫲湊朗朗..工人姐姐負責家務...當然嫲嫲唔得閒,,姐姐就要放低手頭上工作..睇左朗朗先
恭喜你請到個好姐姐,睇佢煮飯都幾OK喎,我之前炒個係勁到要我煮埋畀佢食,所以你等咁耐都抵啦
回覆刪除煮埋比佢食@.@"...
刪除呢個好經典喎~~~咁你而家仲有無請姐姐??
炒咗姐姐再炒埋自己,返屋企變身做埋姐姐果份唔使再請啦﹗
刪除我個印傭姐姐都到左一星期, 暫時睇都幾肯做野, 但就成日唔明我講乜...
回覆刪除問佢乜都話"係, 太太"
之後係咪仲係咁好就要睇下喇