Elon成長記 - 15個月

又到15個月啦~~

又記一記呢個月朗朗成長狀況~~

行為狀況:

15個月相對14個月...真係每月都見到佢有進步!!!

說話方面--
上個月先話佢點都唔識叫公公...但今個月已經識叫公公,,而唔再係"ar pooh ar"~

公公當然好開心啦~~每日放工回來都聽到個孫叫自己喎!!!

  

公公連工作上既不滿都呻少左呀!!

今期我記錄中..佢識多左好多動物名..可能睇apps同書仔多..

而家一見到動物就識叫,,tiger/lion/dog/cat/馬/牛/豬/鴨呀....唔知點解後者佢係like講中文~~

不過佢肯講..乜語言都ok啦~~

情緒方面 --
呢個月留意到佢一唔鍾意就會mi實個咀..之後好似發皮四咁兩手向下fing一下~

起初唔為意佢係發皮四..但過多幾次..

留意到每逢唔比野佢玩or無人理佢or不稱心事佢就會咁~~

每當佢咁我都會stop佢..叫佢no...同佢講返唔可以發皮四(當然我唔知佢明唔明啦.但照講)

多數佢都會喊..而家少少事都先扁咀架喇...諗住無人會鬧佢咁款~~

但我多數都幾強硬,.,,要佢同發皮氣既人say sorry(佢會做過手仔放額頭既動作當sorry)..

多數佢都肯既...但有次佢發婆婆皮四叫佢say sor..佢發悔氣做..隻手快速放上放落...

我就真係喝佢叫佢做多次,,咁做好無禮儀..佢又真係做多次...

so有時我覺得佢真係明大人講咩,,只係有時扮唔明=.="

p.s. 後期我發現點解佢識用呢個動作,,原來係婆婆有時不為意做出黎..
       佢有樣學樣-,-多謝晒

 

進食狀況:

而家婆婆開始煲返粥仔比佢食..

仍維持一日2奶2粥...粥多數食一碗...奶就飲9安

而家仲鍾意食包...同瑪麗餅...哈哈~~

開始我地大人食乜佢都過來叫聲um....示意要食~~

今期佢仲學人渣筷子...

由於外家地方唔大..所以戴生唔返去食飯時..又開左playmat時

多數就係地下食...所以朗朗就多數會搶筷子..有樣學樣..學我地夾餸食~~

見佢咁有興趣..咪走去買對兒童學習筷子step1比佢玩下(其實3歲先用..kakaa)

買到比佢..佢又好like喎...仲夾到一生第一粒花生...(請鼓掌....)

招積樣!!!

今期佢好黐呀姨...呀姨就好啦~~朗朗餵佢食T.T

 而家多數食飯..佢都會有個碗..佢自己會學夾(當然唔係次次得啦,,)

佢夾唔到..就學篤...連雞翼都篤到..比個勁佢=.=...

所以而家多數食埋dinner先同佢沖涼...dirty貓黎@.@

身體發展: 

15個月

今個月真係標高左...係明顯地..高度87cm...體重26lbs(重左dd)

仍然著90碼/2歲既衫/褲....鞋著us5碼

尿片都係大碼..但開始唔啱=.="..但仲有幾包大碼...用晒先轉啦~hahaa

出牙情況..

上面 -- 4隻門牙..2隻大牙..

下面 -- 4隻門牙,,,大牙出緊2隻

今個月多左2隻牙..(可能上個月谷緊我睇唔到...haa)

與大人溝通方面: 

15個月..

同上個月情況一樣...但佢今個月識得叫我講返謝謝

話說我坐playmat唔著拖鞋既...咁我坐坐下攰得滯..轉下個姿勢郁左郁~~

朗朗可能以為我想起身..走去幫我拎拖鞋....我都覺得佢乖仔

但拎到我面前...遞起我眼前..但個口係咁講"謝謝,,,謝謝"

我諗住拎..佢唔放手比我...仲係咁講"謝謝..謝謝"..

我果下先意識到..個衰豬係要我同佢講"謝謝"

咁我同佢講謝謝啦~~佢又真係鬆手比我喎!!仲走去拎埋第二隻拖鞋比我..

當然又重覆要我講謝謝啦~~XD

我果刻係有d suprise架~~不過亦證明左朗朗已經知道咩情況係要講謝謝~

朗朗啱..remind左我...我要求佢要對大人有禮貌時...大人都要對佢有禮貌...

所以而家我要求佢做咩都同佢講唔該同多謝!! 呢d就係身教吧~~

另外一樣sweet既野係...而家每次返去外家睇朗朗時..

一入門口..個衰豬就會衝去門口...我除鞋..佢就會過來鍚啖我..

之後扮怕羞走返去婆婆到...

你地話呢....幾辛苦返工...都值返晒啦!!!!

另外除左謝謝...亦開始教佢"你好嘛/i love u/ 好or唔好/ 係or唔係..."等等...

但某日發現我地成日教..偏偏無教佢認識五官...

哈哈~~~所以今期都開始教..但唔急..先教眼同鼻先~~

佢而家知係邊個位..但次次叫佢指..都成隻手掌拍左落塊面到=.="

呢d係咪叫敷衍應下我地就算..

哈哈~~~

 

15個月報告完畢~~