所謂辛苦得黎至在駛~~
係有saving下...買下野係可以得到心理平衡既 <= 我既人生大道理
(戴生應該會斬我,,wakakakakaa)
所以又無聊打下今期買左d咩...
首先...某日同個fd去左tst有bb開倉...
其實無期望有咩荀野執..至在去行下..
佢地劃分好多個counter...唔可以一齊比錢架~~
滿300先可以簽卡
但兩條友無帶cash下上左去~~勁爆
好..先去sanrio counter啦~~
個朋友想買KT貓比囡囡
先睇下個fd果對先~~
我揀架~~係咪好靚靚先~~
呢對hello kitty高筒鞋..特價左269
而男裝又無咩款..
但呢對新幹線又OK喎!!有閃燈架..特價左259
咁果度話明開倉..買2對有extra 6折, 買3對有extra 7折..
結果款式問題..我地都係揀左呢兩對..有6折已經好happy la
朋友再另外係sanrio掃左如下
有d係其他counter啦~~
final 我對新幹線只係155 only..好抵丫
但我買專登買大一個size..for下年著啦~~~
*********************************************************
好...再去第二個counter...運動牌子...
我同朋友一齊揀左對傳統西瓜頭波鞋
因為斷碼咁滯..
好在偏偏有而家啱著既size..實在太抵啦~~不能自拔呀~~
129一對only...想點先~~唔買我會心有不甘..哈哈~~
結果是日係開倉我既戰利物係..
新幹線波鞋 : 155
adidas 波鞋: 129
adidas小童tee: 85 (因為唔夠300我湊數先買埋)
adidas小童tee: 85 (因為唔夠300我湊數先買埋)
thomas mini水樽: 45
抵呀!!!!!
後記: 想買平野記得帶cash 呀!!
再後記: 回家一看朗朗d鞋盒↓↓↓
我諗我真係要stop唔好再買鞋喇~
咪真係..著唔晒
p.s..有d係朋友送架~~~wakakakaka
********************************************************
某人....我sick leave(氣管敏感咳)
睇完醫生就約左婆婆同朗朗去飲茶~~
是日大爺好學唔學..學呀公..擔牙纖=.="
搞到成個呀伯咁=.="..所以真係唔好係小朋友面前做咁多衰野
有果樣學果樣架真係=.="
之後飲飽茶就去左行斗斗城~~
比我睇到竟然有個特價區喎...(我第一次見咋!!)
c9心態當然係咁摷下啦~~
比我搵到荀野喎!!!
vtech學習電腦 266 半價130...
其實4-7歲先啱玩...但c9心態...半價./...真係好抵
又好新淨喎~~係有少少花左..但我接受啦~~
最緊要...有枝筆..畫完d公仔..按下個剔制..個公仔識跳舞架~~
朗朗好鍾意~~所以仆鎚買左~~
第二就係呢部大野...車仔..
婆婆一直想買比佢玩下..佢話小朋友點都要有部車仔喎!!
原價269.9..折左190
唔可以話平好多...但其實又真係抵既...
呢個款我覺得唔錯...個彈彈波..彈時會出聲架~~
返去到..其實係全新無花...即刻覺得好抵~~
朗朗同樣好鍾意~~~我未裝發聲器..我去拎鏍絲批時
佢趁我唔為意..已經自已翻轉架車坐左上去
係啦~~你招積喇~~
不過無買錯..佢真係日坐夜坐..日推夜推=.="
即刻覺得回左本~~heheee
***********************************************************
再來....自朗朗出世後..
我都變左怪獸粉絲團...
那天去完斗斗城...婆婆睇中左個單眼仔背囊仔比朗朗..
但成二百幾蚊...我直覺話比我知係淘寶貨
所以我stop左婆婆..
上淘寶搵下~~
又比我搵到喎
一買就...買埋自己果份..wakakakakaka
真係不得了呀...其他唔講啦~~
講返個背囊都係rmb29.9..抵到爆啦~~
小model朗朗示範下上身係點先~
都唔錯架~~
如果再細少少就好喇~~哈哈~~
學人擺post..heheee
********************************************************
再來~~~
係好好好耐之前..同朋友講起幼稚園interview 有機會玩mega bloks
又咁好彩..想買之時..係一歲生日會抽中左袋mega bloks..
所以我就想買張配megabloks既枱..
係斗斗城係有..但唔平架...成399..
又去淘下有無好野啦~~
點知比我搵到個rmb105..計返都平dd喎!!
個款係一模一樣架~~哈哈~~
但送左公司..我十世先拎返屋企..
同時今期我亦訂左個書架比朗朗..
個波波池,,可以暫時退休一下了~~
無錯..三大箱野...
最大果箱係櫃來...砌好再介紹下,.,平靚正~
講返個玩具枱仔先~~
完全係可以配返megabloks既積木黎玩架~~
翻轉個底版仲可以當枱仔用...好good ar!!
另外個書架就係咁...
砌好就係咁
好實淨..只係rmb99..
運費係有少少貴..但都抵過us貨先嘛!!!
放左係呢個位...朗朗而家仲學識埋將d書放返入去~~
希望一直keep住自己執返好d書啦
但玩具佢就.....................
係時候要迫下佢執返d玩具了~~
救命=.=".............
今期又破產...記錄完畢...哈哈~~~
嘩, 你呢期真係喪買野喎! 不過唔買野我心理會更加唔平衡.
回覆刪除對鞋仔好抵呀! 我都好鍾意買鞋 (俾自己同個仔)! wahahahahaha
計埋都係一千幾百..唔喪架啦~~
刪除女人每月要心理平衡下架嘛..咪好易內分泌失調引致提早更年~wakakakaa
你何止鍾意買鞋..仲好鍾意買好野比田鼠b..睇你部scooter已經知..kakaa
二百幾蚊個背囊响淘寶rmb29.9買到??斗斗城都食水好深吓喎
回覆刪除hahaha...唔係斗斗城..係同一個商場另外d舖...我打得唔太清楚..kakaa~
刪除不過果間野真係食得好深..一件小童tee都幾舊水=.=
雖然買好多,但真係樣樣都好抵呀!朗朗model好型呀!你買咁大舊野,屋企有位嗎?我成日都唔敢買大舊野!
回覆刪除多謝讚賞先~hehee
刪除其實我暫時買呢d size都夠位放..但再大d就真係無位了~~
上次睇中個千秋都被迫放棄..嗚~~
買野比BB真係好開心㗎!
回覆刪除係呀,.,.真係開心過買野比自己架~wakakakaa
刪除張枱同個書架我都有興趣呀,可唔可以share條link呀?
回覆刪除好呀!!你去呢度睇下丫^^
刪除megablock桌: http://item.taobao.com/item.htm?spm=0.0.0.0.PvTT2l&id=18359813574
書架: http://detail.tmall.com/item.htm?id=36565803940&spm=a1z09.5.0.0.5KUMzs