工人..你幾時肯來呢?!

話說之前講請工人..

其實都係11月開波搵agent..

12月揀人...

等到1月尾先有文件簽..

agent仲promise我三月尾前一定到人~~

fine!!!!

咁到3月中....

我仲未收到消息..咁照常理就去問下啦~~

點知話個工人文件有d問題..

要再等下

到3月中後..再問..

有好消息啦~~話可以安排27號到港, 等埋驗身report...29號接人

勁理想啦+勁開心啦~~

點知...到 3月25號仲未見佢地re-cfm我

又打去再問...之後答覆係delay既

問佢啦...

佢答我因為印尼人做野好慢

所以今次講左唔代表佢會訂機票

我已經有少少著燈...但朋友介紹既..我忍!!

我都好耐心等..到28號我問佢有無消息~~

佢又話無..叫我耐心等下

我終於忍唔住爆...

 

"我唔係想急.. ,,將心比己..比你等咁耐你會點..

之前拖到1月先有文件..我都算..

而家又一拖再拖..仲要係無reason..一味話佢地印尼做野

你地合作伙伴無交流架,,你地唔駛set個期比佢地慢架~~

慢都有個限度架~~~你咁樣收左錢又無了期

你叫我點??我個囝邊個湊???

我只係要一個真正reason 都咁難??

果邊做野慢都有個譜架..我唔覺得呢個係真正reason囉!!!"

好啦~~爆完..

佢都好好聲氣話再查下..

幾個字後就覆我話係仲欠一份文件??

我把火又著左

續說

"又差份文件??咩文件..上週唔係話已安排今週到???

而家又話差份文件.,.乜一時一樣??

老實我對你地已經好容忍..

而家一搞..足足4個月...我唔知為乜野

朗朗又要臨時比人湊..如果係當時唔好promise我

係..我知無話一定..但你地未收錢時唔係咁講??

我而家可以點?去消委會投訴呀??"

ok...潑婦罵完..

佢地唔知係咪驚..即搵最大粒boss同我傾

boss都好nice既其實..

佢話一定幫我盡搞...

 最最遲4月中一定交到人....promise!!

我而家可以做..唯有等...

唉~~~好無奈....

我希望佢公司最大粒出動真係有好消息啦~~~

我覺得佢地服務態度唔差

但唔代表可以咁樣一拖再拖...

影響晒我預算

而家又要麻煩婆婆幫手湊多2星期...唉~~~