計劃台灣之旅part 2 - 申請證件

好...繼續上篇話題....

訂好晒住宿..

咁就要快手搞埋戴生/婆婆/朗朗既特區護照~~

初五那日...戴生仲放緊假~~

我就放1300hrs

政府部門就開工...兩條友係無預約下..

施施然咁約埋婆婆去入境處到搞護照~~

哈哈~~好啦~~~本身係去九龍灣果間..

去到...派晒籌..

 

戴生一心諗下午有80個籌..2點先開始派

我地2點10分去到已經byebye

咁職員就叫我地去藍田分局試下啦~~

好...即刻打的過去~~~

過到去又係....................派晒

 

婆婆勁無奈...我就只係識係度傻笑~~wakakakakakkaa

2條友(我同戴生)唔預約就諗住walkin有籌

實在太大安旨意了..

 

final我地變左藍田半日遊..

去左間酒樓飲下茶..hea左成個下午...

之後就去左影證件相..

朗朗人生第一個證件相....

 係呆樣一個,,,

 (題外話:有無覺得呢個樣似返我呢 ??)

好啦~~~

結果....最後....決定拎form apply算

************************************************

所謂事不宜遲..

係公司網上apply 續期...

好順利咁幫戴生/婆婆續左....仲可以慳返d證件相(只要soft copy)

之後朗朗under 11歲又未有i.d. card

所以要書面申請

好啦~~填晒三張form...夾晒文件~~

好那有型貼個郵票..

lunch就走左去寄~~

以為實無屎...

戴生無啦啦打黎"喂....你貼左幾多錢郵票呀??"

我仲好理直氣狀話" 1.4囉!!"

 

戴生 即刻爆我"小姐...上年10月已加價1.7啦~~~"

你咁多張紙仲要只係寄1.4你唔覺得有問題咩!!!

個刻我先醒一醒...

點解我唔知加左價架!?!??

我湊囝湊到我個人真係乜時事都唔鬼知!!

好sad囉..

我唔係sad要再搞過~~

係sad無左朗朗3張證件相..wowow我覺得好過癮架嘛!!!

咁好啦~~我上網勁睇下郵費不足會點處理啦~~

有d人話政府文件會繼續幫你寄..

但會收返對方雙倍錢等等..

仲屎左去郵局問有無解決方法

郵局suggest我再apply啦~~無謂浪費時間..

咁好啦~~拎多份form啦~~~

返到去...朋友叫我不如等多一星期打去入境處問下啦~~

唔好再寄住...

咁我都覺得係喎...或者仲有一線希望呢..

結果..我就寄出第7日打比入境處問下情況..

佢地隔左30mins就回電話無朗朗既申請記錄..

好灰......

但都無計啦~~係自己失魂...嗚~~

唯有再apply過..

但今次戴生決定佢拎上總局入郵箱...夠穏陣嘛!!

好~~結果我又拖下拖下...17號先諗住拎返屋企比戴生交form

就正正係17號....朝早10點~~

戴生就好急咁打黎話..

唔駛啦~~過左數..

我仲諗緊係咩過左數..

原來係朗朗申請護照張票過左數~~

wow...suprise!!!

真係我愛香港郵政呀!!!!!

好在又咁橋我拖下拖下未比戴生交~~

咪連朗朗餘下三張相都無埋(無soft copy)

錯有錯著...

證件搞笑錄就記錄完畢

************************************************

戴生直到今日都仲寸緊我"係你好彩咋今次"

 

知喇知喇!!!

我會睇多d新聞架啦係!!!!!