回顧: 朗朗大病一場

十一月中.....某一天

婆婆零晨4點打比我...

說朗朗好唔妥.....唔肯訓...好扭計...

係咁咳...仲有嘔~~~

咁我細問下.....無燒...我又唔想送急症室(因驚住院仲多菌)

咁我再問..除左咳...仲有無其他病徵?!

咁婆婆又話無...ok..

我話明天一早同佢登記睇dr. yip

咁就收線...但我已經擔心到訓唔好~~

再朝早六點.,,,到家姐打來

好緊張講 "屎啦屎啦~~呀朗隻眼都腫埋呀!!"

我話"吓!?!?!?!!?!?!?!?!"

我叫佢send張相比我睇下

↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ ↓ 

睇完張相..我肉都赤埋~~~

但又做唔到d咩...一到九點即打去book dr. yip

飛返過外家接朗朗 / 婆婆 一齊出去~~

去到診所...姑娘話朗朗有少少燒...38.5度

再經dr. yip診斷係普通感冒咳.....好在無痰

而隻眼仔就係可能卒眼細菌感染...

咁開左止咳/收鼻水/滴鼻/滴眼水....就埋單回家比朗朗食葯休息

食左第一日葯...

朗朗病情無好轉不特止...咳情況仲差左..仲有埋痰

吓吓都咳到嘔晒.....

咁婆婆又半夜打來話不如明天再睇e生..

但我因為公司urgent job要遲少少join..

所以我book左...叫婆婆先去..我後join

今次婆婆問e生點解食左仲差左~~

e生話d咳水係有助鬆返條氣管..幫佢咳返d痰出黎

婆婆愛孫心切...一野駁埋e生度↓↓

"咁佢而家真係鬆晒,,,唔係咳晒出黎...係嘔晒出黎"

"佢其實係咪氣管敏感定感冒呀e生??"

e生就答婆婆"可能都係..............."

我反應係↓↓

唔係下化e生...乜一時一樣呀!!

咁我問e生...咁今次駛唔駛食青蛙粉呀!!

佢話佢診所無...開葯單比我去葯房配...okok

咁佢轉過d 氣管葯...但照收返一個價錢...

其實都幾無奈..

btw....對朗朗..幾錢都無所謂啦~~~

而呢次..我都請左幾日假自己湊返朗朗....

一來自己睇實個囝..二來比婆婆抖下啦~~

*********************************************************

轉葯...食後第3-4天都keep住燒下退下..

咳無停過~~~~

咁樣唔掂....有燒即係身體出現問題...

結果同戴生商量決定轉e生...

咁去st. paul睇返dr. mo

我有同dr. mo講返dr. yip既內容

咁dr.mo 再靜靜咁同朗朗check下.....

 之後好認真同我&戴生講

"喇...daddy mama唔好驚住...朗朗今日第4日燒啦..差唔多5日了

 佢要食抗生素, 因為要幫佢打仗..佢自己打唔到~~

只要完全退燒就無事

 但食埋都退唔到就要入院詳細檢查係咩由因~~"

我果下真係驚一驚...但都要信e生啦

結果今次d葯真係好多好多~~

大人睇到都驚..更何況小朋友丫~~~

朗朗要食4日抗生素...

不過葯力有效...

食左第一日...已經完全退燒..無再燒返~~

感恩.............

不過朗朗經此一病...又瘦左3lbs..

唉~~~~~~~~~~~

btw...肥瘦唔緊要...媽媽只希望你健健康康啦~~