意見分歧?!?!?!!!

咩事搞到我無晒心機繼續打blog...

其實都係d煩野...

係同朗朗有關....

自上年7,8月開始其實開始引身左好多問題

咩問題??

就係我地同老人家湊小朋友方法上有好多差異..

當然..婆婆真係湊得好好..

但礙於外家環境及習慣問題...

好多野都阻礙左朗朗身心發展

先說如朗朗病,,,,我會請假即刻同婆婆帶朗朗睇e生

咁正常常識都知..大人及小朋友病係需要多d休息先會快d康復~~

但奈何外家成日會處於一個嘈雜聲音既地方..

公公有少少撞聾...所以說話很大聲..

有時朗朗食好葯睡了10分鐘左右就被他吵醒了...

sigh............

 

其實我做囡好多都能諒解...因為公公都唔會為意自己聲量

但戴生佢未必會..

好多事情上....我就變左做磨心...

太多事了...要打真係打到手軟..

關於教育 / 零食 / 飲食 / 作息規律方面上戴生同公公婆婆不能達到共識

當然...戴生都尊重我父母...

佢會之後離開了家先同我傾返件事

其實我覺得一切都可以忍耐...只要朗朗生活開心就可以

無可否認...朗朗開朗愛笑性格...

都要歸功婆婆的...

不是婆婆教導...她不會這樣開朗, 不怕生保..

本想著一直忍耐住戴生投訴...繼續比婆婆湊到2歲準備入學之制..

我在家姐口中得知...

婆婆其實都好大微言....為的是我同戴生每晚也來探望朗朗...

(註: 朗朗一至四晚是在婆婆家睡)

要成日煮多戴生一個人飯很辛苦..

其實我已經由day 1叫佢求其煮..or唔駛煮..

我聽到其實好sad...唔通...唔比戴生見個囝??

煮多個人真係好辛苦??

自問平日回外家不是玩囝only,,

我回去後朗朗所有野我都會做返

餵食 / 沖涼 / 洗奶樽等等等...

我知我有比錢婆婆湊唔等於大晒..

個囝係自己生既...我會盡返做媽媽責任..

但我做磨心做得太累人了~~

壓力真係好大~~~

係有一晚戴生又一次忍唔住公公太嘈..嘈醒了朗朗

這次他為這樣第N 次黑面~~

而我EQ終於容忍不了~~~

我真係要爆..我喊了~~

好似個火山咁..積埋積埋..一野爆晒~~

我隨即係街同戴生爆發以下內容:

.................................................................................................................

夠了...好醜果2個都係我父母~~

你黑面??我知你係為左個囝~~

但你有無理過你老婆感受~~~無佢地無你老婆~~

凡事將心比己,,我從不對你家人黑面~~

點解你可以咁做...你有無理過我咁鍚佢地..你咁樣我好難受

萬一佢地見到你咁..佢地會點~~

OK..夠了...呢半年我受夠了忍夠了~~

我知你係為左朗朗好....但我真係好攰~~

每日返工放工..放工返外家睇朗朗做東做西...我攰..但無怨言

final仲要睇你面色聽你說話

有好多野我都同公公婆婆有分歧..

但可以點???

咁不如請工啦~~~我真係好攰好攰..

我唔想再咁樣糾纏落去~~

呢個長期心理戰我捱不住..我輸了...

好痛..個心好痛~~

 ............................................................................................................

之後我停了...狂喊 

可能戴生呢十年都未見過我咁..

佢果刻係呆左............

之後拖住我say sorry...話可能見到朗朗病心情唔好

佢唔係有心...但佢都同意請工人..
(本身佢都唔LIKE)

每日兩邊走確實很累人...

大家都攰了.....

***************************************************************

所以呢幾個月..

我就係煩著這個問題....

工人其實我唔like...

但到呢個moment我要接受~~

或者對大家都係一件好事來~~

婆婆都接受左請工人...

今天就去簽約..

工人三月就到港..

希望一切順利,,

而大家可能會擔心婆婆心情...

放心..佢無事的..

因為她都覺累了~~~

她說間唔中來我家湊朗朗去下街吧~

或者更舒服寫意..

我希望...真的能夠唔再傷害任何一個人...

****************************************************

 後記:

某一日我含淚感概地在FB寫了以下內容...

或許我想讓戴生知道...

世上最疼我及疼我身邊所有的,,,就是我的母親~

◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎

感慨地...未來半年..朗朗生活上會有些轉變~
但絕不是婆婆湊得唔好, 而只是唔想婆婆再辛苦下去~
朗朗: 婆婆,,妳要記住,,媽媽在產房十級痛時..守在產房門外的是妳~
媽媽生完我, 第一時間望都無望我..去問媽媽還好嗎的都是妳..
晨早起身煲、燉、煮補品給媽媽的都是妳..
daddad & mama唔得閒, 帶我睇dr.的都是妳.
常常煲湯水給朗朗的都是妳..
由我出世照顧到我差不多1歲的都是妳..
媽媽&朗朗都是知道的,,,以上說話媽媽好想親口對婆婆講..
但媽媽要settle好情緒&眼淚先跟妳說..
看見你腳痛/又為左朗朗攰到病..這個決定為的都是唔想你再辛苦了~
請不要質疑自己對朗朗的付出, 不要想太多, 不要唔開心
(全是我的擔心, 希望係我多心)
i promise 會湊朗朗keep住見你~~elon & i會永遠愛你...
感慨...完~

◎  ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ ◎ 

 謝謝我擁有一個愛我及懂教朗朗禮貌不做港童的媽媽

各位放心...

我同戴生無傷感情...亦無影響關係...
 經此...或許大家更了解對方

而我心情OK了很多~~

我現在會盡自己所能去補償婆婆..

令婆婆開開心心..

希望日後順順利利吧~~