Elon成長記 - 9個月

朗朗又到10個月大了~~

時間真係好快.....但竟然有d不捨~~哈哈

好..而家又好好回顧下朗朗9個月進展~

行為狀況:

仍然都係一個百厭星,,,無時停..

而家鍾意玩 車車...真係多得呀公灌輸=.=

另外開始扶住野行...佢成日以為自己可以鬆開雙手平衡到咁企

但次次都係撻生魚...呢隻囝都過份自信

今期鍾意跳舞...聽到音樂就起勢咁un + 拍手

見到熟悉既人..開始唔會一舊木咁

 

一見到就會pooh pooh pooh．．．係..佢咩人都叫pooh~.~"

byebye佢識..但永遠你叫佢byebye佢唔會so你..真係激屎人

另外...今個月都學識鍚鍚...但唔係次次肯鍚架~~有性格囉呢d咪係,,都唔知似邊個~

至於講野,,除左pooh pooh~~

朗朗9個月都學識, ar............婆 / 爸爸 / ar..............be(係我隻貓)

偏偏唔叫mama..佢曾經叫過兩次..但之後無再叫過...唉~~~~灰爆~

 btw,,,慢慢黎...實會識既...差在幾時~~hahaa

另外...而家識得比我地"哦......."(hold住長聲咁哦)...

佢就知自己做錯野...初時會望下你...個樣係驚

之後就開始扁咀....之後你再哦落去...佢就....嗚~~~喊出黎~~

哈哈~~~暫時我都會鬧仔...但唔係叫好惡~~

我只係想佢知..自己做錯野....

記得有日...佢食飽糊仔...我多數等佢食晒先一次個抹...

咁我放盤水係high chair枱面上..我只係幾秒無望實

成盤水...比佢倒左落地..

我知佢唔係有心...但我想比佢知咁係唔啱..

我就好嚴肅咁望住佢....我同佢講"邊個曳曳..."

我知佢係驚緊(因為佢個樣由笑晒口變到呆晒望住我"

我再講"邊個曳曳倒左媽咪盤水落地"...佢開始扁咀...

我就同佢講"唔係次次做錯野喊就ok, 下次唔準咁"

之後佢係咁伸手要我抱返...一抱即笑=.="又係演技派bb~

btw...我知而家話佢咩, 佢都未必明...但我覺得講左...我會覺得對佢好d~~

因為個個bb吸收能力,,我當然希望朗朗吸收到我個msg~~

食奶狀況:

仍然都keep住食7.5oz..

但由於吽牙....有時都要分兩次食..

而家開始實行3餐奶+2餐糊或粥當正餐~~

咁樣食法....食奶反而好左~~

今期吽牙....但食佢like既果蓉糊都keep到食6oz糊+半個生果蓉..

佢唔like食粥住..okok...咁食住米糊先啦~~

希望快d吽完牙,,無咁忟陣仔啦~

身體發展: 

今個月無地方量...我同戴生好無聊趁朗朗訓覺用把尺量

一定唔夠健康院準...大約76cm...又高左

體重....無磅到...但我隻手臂話我知...呢隻朗係重左既~~

出牙情況..

門牙四隻出齊...而家出緊上面門牙側既兩隻~~

 尿片size - 轉晒L碼....

與大人溝通方面: 

今期見到咩人都係叫pooh pooh / 婆婆 / 爸爸 / ar......be 係無意識咁叫~~

哈哈~~不過佢開始學你口型..但未必發到聲

開始有更多互動性...

開始同佢say no...佢會停一停

同佢say 噓...佢會靜一靜..

同佢玩遊戲...佢會有更多既反應..

例如避你..擋你...打返你...

最叻就係學我地叫呀be(隻貓)上大脾

我地會拍大脾然後叫"ar be"

無人教佢..呢d佢自己學...佢好鍾意ar be

佢而家每次坐係我地大脾..無論見唔見到ar be

佢都會拍我地個大脾 ...之後叫...ar be ar be ar be...長氣到不得了

如果呀be肯跳上去..佢仲開心到會尖叫~~哈哈~~

湊B 9個月感受

每陪伴呀朗多一個月,,

 愛佢之情就更深....

係第9個月入面...我深深感受到一樣野係...

無論幾多人鍚朗朗都好~~朗朗平時幾唔怕生保乜人都跟都好~~

今個月我發現....朗朗最需要果個都係我!!

點解我咁講,,,,

 

我發現好多時...朗朗扭計 / 唔開心 / 眼訓 都會搵媽媽...

平時就算老人家點做天使都好...

我又點鬧個仔點怒啤個囝都好..

個囝點都會扭都要扭返去我身邊...邊個抱都唔得..

唔通...呢個就係媽媽既威力!??!?!

咁都好...比d鍾意成日湊佢去街扮天使既人知道....真正既天使,,係無人可以取替

(smart既mama一定知我暗示d咩~~wakakakakakkaaa)