攪拌機 vs 手動磨蓉器

話說朗朗開始唔肯食野..

都係吽牙引起...

但問返d 前輩級朋友...

佢地話bb吽牙係會無胃口...

但其實好味既野佢地都會食..

但朋友都聲明,,大人覺得好味既野...唔等於小朋友覺得好味~~

朋友就suggest搞多d唔同種類既果蓉比佢加落糊仔試下

okok...好聽話咁去試下

*************************************
某一日....

朗朗見到我同戴生係度食apple..

佢又出佢樣衰式笑容問我地拎來食..

點知..佢出奇地鍾意~~

咬到唔停口...

一拎開就喊=.="

咁比佢咬啦~~點知個朗朗又大貪..

咬左舊蘋果肉入口..我諗住細細粒應該唔會啃親呱~~

結果...又作嘔~~~

即刻幫佢拎返出黎....避過一次=> 洗波波池既災劫!!

之後佢喊都無理佢..

我去磨蓉先比佢食..怕左佢

講開用來磨蓉既攪拌機...

咁其實我好早期都係淘寶部國貨既攪拌機

但黑仔的我...攪左三次--部機宣佈退休

 ok fine~~~

我唔再淘...係香港買返個有保養既

左揀右揀...我就揀左philips呢隻乾濕兩磨既mini攪拌機~~

保養兩年~~

用佢黎磨蘋果蓉...

快~~~靚正~~~

我仲係到shape下佢..

驚屎佢唔夠蓉咁~~哈哈

 磨完出黎...都幾滑流~~

咁戴生見到咁大碗(其實係半個富士蘋果)

佢就話可唔可以撈糊仔架~~

咁索性做埋一餐啦~~

一言驚醒夢中人~~~所以我就撈埋落糊仔到..

朗朗而家係食緊呢食糊仔↓

 味道ok...但我嫌佢好難搞得均勻..
(可能係我問題啦~haha)

下次會轉其他款試下~~

是日結果...朗朗係ok的

清左6oz糊仔+半個富士蘋果~~

大成功~~~

************************************
咁好啦~~

多數星期日下午我地都會湊返朗朗返外家~~~

咁多數星期日佢果幾餐都係我自己搞返..唔駛麻煩婆婆/公公

係外家無攪拌機,,只係得d鐵既磨蓉器(仲要生生地秀,十世未用過咁)~~

 咁我當然唔放心用黎磨蓉比朗朗食~~

是日婆婆又同家姐去左行街街..
 
咁公公就係果句"乜你咁麻煩架而家d後生..用匙羹挖出黎咪得囉"

但是日發生個小插曲,,,你們可能會笑屎↓↓

※ ※※※※※※※※※※※※※※※※※※※※※
到左差唔多朗朗第四餐...

我就開始係廚房用spoon挖梨蓉比朗朗口ready撈糊仔食啦~~

我好努力挖..其實唔難...但人手挖點都要d時間啦~~

呀公又係咁催...戴生都唔敢出聲(敬老)

我就係咁話呀公"你催咩,,,又唔係你做..呀朗又未扭計"

咁好啦~~係煩音中我完成左碗梨蓉...

挖出黎當然無攪拌機咁細滑..但都ok啦~~

咁我出去廳諗住撈好d糊仔拎返入廚房

點知呀公話洗碗 (佢自己食飯後d碗)

okok..咁我出去繼續整...

點知...無啦啦醒起...呀公會唔會當我碗梨蓉係垃圾倒左去~~

我實在太了解我自己呀爸~~~~~~~~~

 簡直係晴天霹靂!!!!!!!!!!!!!

我無左2/3碗梨蓉.....但eq叫我冷靜冷靜~~

咁呀公都勁唔好意思..

我自己出返廳繼續撈埋碗糊仔..

呀公就無啦啦拎隻spoon話幫我挖返~~

ok...咁不如我自己挖....我拎佢比我隻spoon挖..

挖完滿心歡喜撈落d糊仔到..

但神推鬼摃...我就去食下自己隻手指睇下d梨蓉甜唔甜..

點知我一食!!!!!

 

 食左啖洗潔精落肚!!!!!!!!!!!!!!

我即刻九秒九衝左入去廁所吐返出黎..

同溂口!!!!

之後...我exactly  係呢個樣出返廳

 結果即係..我本身1/3碗梨蓉+新整果2/3個新梨蓉全部報銷=.="

因為枝spoon有洗潔精...

禾係怒啤呀公...之後淨係餵朗朗食齋糊仔+5安奶就算~~

我已經無心機再整落去..........

至於呀公..又係笑笑口扮無野囉~~

禾以後..邊個比呀朗既食用工具我都會洗多次!!!

 ※※※※※※※※※※※※※※※※※※※※※※※※※※

 故事到呢..

我就決定買多個可以磨蓉既野

但戴生話又買攪拌機乜都雙份真係好金喎!!

所以我上網睇下咩好用...

就比我發現呢個

 我係荷花到買....九十幾蚊一套

返到屋企洗下去~~

 配件都幾齊...

呢個係所以瓜果類都ok..係菜/肉唔得

唯有靠呀婆快靚正利剁碎之手幫助~~哈哈
 

 呢個真係唔差..磨出黎既蓉同攪拌機差唔多@.@"

咁係外家..唔怕無生果食啦~~

仲可以渣橙汁...朗朗好like ar!!

希望我keep住呢個心..整多唔同既野比朗朗食

佢肯食...乜都試下啦~~~