20k吸塵機的另一選擇!!

之前講過試過一部20k 既ritello...

當然...呢個價錢真係唔係人人接受...

我呢個淘精....又係淘寶搵下有無d差唔多既吸蟎product..

又比我發現左呢部...

其實都考慮左一段時間...話晒係電器.....

我驚換貨好麻煩....但價錢相對ritello又真係抵好多喎!!!!

功能上...呢部吸塵轉數當然唔夠ritello黎啦~~ritello講緊係2800轉

呢部就得1800...但我覺得都夠用既

同埋呢部就無空氣淨化.....而ritella就有~~

但c/s講明呢部噴返出黎既air都係乾淨,,因為比水過濾過先出黎...咁未用過唔知啦~~

另外...就係佢呢個功能....引到我注意↓↓

個吸蟎拍打器...好似好勁咁...and佢都好多好評...

本著"本屎無大礙, 唔試點知好唔好既精神" 又buy左~

亦引埋戴生個朋友(佢都對ritella有興趣,但嫌貴)....一共買左兩部set裝

配件就係以下咁多樣野...

當然有講價....但講極都係平少少...2部埋單rmb900=.="

算啦~~~同自己講...平過ritello好多架喇~~

送東莞集運就包郵, 直運香港每部rmb120..咁我當然送東莞....

而集運處運返香港運費都唔平...成惠hkd140(一部計)..但我係用信心保證既順豐...haha所以貴dd
而家計返同佢直送都係差dd...早知直送慳返d時間=.="豬~

ok啦~~買左返黎.....我就仲未用(病鬼左無心情用)

但戴生個朋友已經開封試左...

實物就係咁架喇....一模一樣無色差的...都幾似酒樓d吸塵機 (我指size..haha)~~

至於吸床方面.....原來真係一d都唔弱....

可以睇下呢張相...佢來回左張床兩轉....↓

d水已經咁樣....當然我地唔肯定係咪蟎...

但同上次示範真係差唔多...亦覺得水上面白色一層係"蟎"來的...

因為佢朋友話吸地下係無呢pat白色野!!!係吸完床先有~~

另外排氣口噴出黎亦無灰塵....各方面黎講....佢好滿意呢個價錢有呢種效果!!!

今次真係比我淘到"寶"...慳返唔少錢~~

我諗我好返晒....要開始吸下張床...為一家人健康...努力努力!!!!!