Elon成長記 - 7個月

朗朗又踏入一個新階段

咁又一個月...七個月大了~~~好似好快咁...老實我有少少唔捨得佢咁快大~haha

好啦~~~點唔捨得都要記錄下~~第時做個美好回憶~~

行為狀況:

開始識得睇眉頭眼額..

好多時你用惡少少既語氣say "no"...佢已經識得扁咀架喇~~

知你鬧緊佢.....唔開心...


有時食奶奶唔聽話...啜左又吐返出黎...係度玩奶=.="有時含住好多..吐到成頸都係...火都黎

我會細細力打佢大脾仔架~~~示意咁做係唔得...同佢講"no...唔準吐出黎"

佢有時會喊...但有時知你嬲就會識氹返你....呻隻手比你咬..佢會呻到你咬佢為止...

好搞笑....你再唔理佢..佢就呻高d..拗埋腰...因為佢知道你肯同返佢玩就=唔嬲嬲朗朗..

有時都比佢吹脹~~hahaaa點嬲得落丫

至於爬方面...朗朗仍然處於"冷"既階段...

朗朗...你幾時肯屹pat爬呀???hahaaaa

另外...手指仔開始好靈活運動...佢而家最鍾意玩呢個玩具↓↓↓

好多圈圈....佢會好專心...用d手指仔將d圈圈推來推去...玩好耐都得!!

當然....專心過後....呢個圈最後都係比佢咬...哈哈~~~

食奶狀況:

今個月可能出牙仔...胃口一般..

每餐keep住比6oz佢...都會飲淨ddd

間唔中先有次唔夠喉要再補奶...

但食糊仔 / 粥仔方面又ok wor~~

可以食到大人碗既大半碗粥/糊, 再另外加3-4oz奶奶

今期我最愛煲呢三種粥比朗朗, 佢好鍾意食!!

1) 蕃茄三文魚片粥+一粒笑牛牌芝士...

2) 南瓜肉碎粥

3) 我無影相...就係雞肝粥...聽聞對出牙仔有幫助...

而朗朗三隻粥最愛就係雞肝粥...其實無咩味...

我都係放切碎既雞肝+一片薑煲...之後再用匙壓爛晒再比佢食..

佢係搶住食!!!haha...又係成功之選!!!

p.s. 題外話: 個陶瓷粥智能煲我又係淘..堅好用!!!hahaaa但煲既時間預左有d長..預至少1.5hrs先綿...

身體發展:
磅重今個月無返健康院無磅...但抱上手係重既

長度同上個月差不多..70.5cm....0.5cm既差別~~~

牙仔發展情況..ok...開始出黎啦~~~~搞到扭計左好多!!!

不過我知父母點都要面對呢個時期....加油呀!!!

尿片SIZE: M/L 碼, 已經開始著L片...夏天...鬆d佢會舒服d..

與大人溝通方面:
仍然都係多多聲氣..成日係到口upup..但又未識叫mama..wakakakaa我好期待呀!!!

大個了...開始識得黐人...首位當然係湊佢既婆婆....

其次就係我........總叫我努力無白費..haha



一見到多數會係第二個度飛撲過來..佢真係以為你一定會接住佢架~~~好爆..

抱佢果個真係要小心....

另外就係識得嗲人.....攬住你....頭仔係你膊頭...你輕輕拍下背花..

佢好冧架...可以冧好耐唔郁...

湊B 7 個月感受(即廢up篇)

其實開始習慣左而家每日來來去去既生活模式...

亦發現湊一個小朋友絕非簡單既事..

話說戴生前幾天問我.....

"我地會唔會請個姐姐返黎...無咁辛苦!!"

我當堂打左個突!!!我即刻追問佢...."點解無啦啦要請姐姐??你覺得婆婆湊得唔好?定點"

戴生回覆係"我只係怕你辛苦啫..成日兩頭走...放工要返外家,,,,夜晚返屋企又要做家務"

我之後就爆左出黎 (放心..我係心平氣和咁爆)

而家呀b都七個月...無啦啦又轉新環境比佢叫佢重新適應...好似唔係幾好

其次...我覺得無人湊得比婆婆會再好...除非我唔做野!!!!!

我覺得朗朗咁鍾意笑..都可能係受婆婆影響...

一個開心環境下長大既小朋友...當然會開心d...自然成日笑得多d

我唔想去改變....

試問...有邊個家長唔辛苦....當然有d請到好既工人姐姐...係一件好事

但自己..或者未必適應同個陌生人住....

and我唔會覺得姐姐會好過婆婆....

算啦~~唔好去改變了.....我而家過得好好...

做人媽媽....身體疲勞不算什麼...

當見到小孩有健康身體.....開心成長...

已經係最大既回報...

戴生聽畢...都好認同....

之後講左句..."咁喇喇臨生多個比婆婆湊埋喇~~~"

有人傻左....

但點都好啦~~~

我地有plan....朗朗係差唔多入學我地先會計劃下一個...

有d野真係唔可以亂黎~~~

記錄完畢~~haha