ELON第一次病病-.-

朗朗係大約五個月多d既時候

就第一次病病啦~~

唔知係咪關我無餵人奶..搞到佢d抗體差d

見醫生時,,,醫生都話"乜咁快黎呀,,,正常過左六個月先黎料架喎!!"

我心諗...你估我好想帶呀囝見你咩

入到去...基本檢查..醫生話朗朗好多鼻水...

係感冒....但開d葯既葯性有限...此終bb仲細唔可以食太多葯~~

可以做就係止左先..等佢自己慢慢好

如見係好左..就要停葯~~

其實我上好多forum都睇過係咁架喇~

但為左朗朗,,,見下醫生安心d...

*****************************************************************************************
但係第二日...我要返工...婆婆打比我話朗朗成個B呆晒..又咳得勁左~

個樣好陰公....下刪百字

總之講到好嚇人,,一定要去睇多次咁啦!!!!

好啦~~~咁婆婆話自己帶佢去睇OK,,唔駛我放假去~~~

睇返同一個醫生...醫生轉左隻葯比佢...

醫生都係果句....話要等佢自己好...全間診所得5隻葯啱你個BB食...

我唔係唔想幫...係你出去都係得幾隻葯啱5個月既BB食 (註:醫生係好NICE咁講)

所以唯有試下新葯好唔好d..

*************************************************************************************************

到左第三日....我又係返工...婆婆又打黎講返同第二日既說話

有時我唔係話太緊張...小朋友有邊個唔會病喎!!

但比婆婆講多兩句...我個心都慌鬼埋!!!!

又話呀B唔肯飲奶呀..無屎痾呀!!!個人呆晒呀~~~唔出聲無反應呀~~

仲有好多好多啦~~~我話即刻入急症啦~~婆婆又話唔駛=.="

但又係咁繼續講.....嚇到我即刻請左半日假...

經同事介紹book左st. paul 幾出名既兒科dr. mo睇~~

未夠鐘,.,,叫婆婆帶呀b去和民食個lunch先慢慢過去

一去到見到朗朗....精神過我囉=.="↓↓

繼續玩餐牌, 搶電話,,有笑又ee 哦哦~~

我係度問呀婆 "呀媽...你係咪玩我呀?!!!!"

婆婆就即刻話"咩呀..佢今朝真係好陰公仔架~~~而家好d咋..睇下專科好d...個心定d嘛!!"

咁好啦~~~食飽過去

今日唔係好多人....good!!

好快見到e生....

e生好nice..一路check 朗朗, 一路同佢玩, 一路同我地講病狀...好pro囉~~兒科果然唔同~~

咁dr. mo話朗朗係支氣管炎...但聽返佢已經自我康復中...所以唔駛食抗生素..

但就開足四種葯去比呀b食...希望止到咳先~~

但dr. mo都講, 見好就要停...此終仲細~~~

埋單...估都估唔到仲平過我平時睇d街邊診所=.="

返到屋企...食左2日葯...朗朗咳已經減退左好多....

可能係葯亦可能係朗朗自己康復...唔理啦~~好返媽咪就開心晒~~~

但就此病一病...衰豬瘦晒~~~

我又係時候要努力谷返肥呢隻豬仔喇!!!!

臭豬~~~你要永遠健健康康...

有病比晒媽咪啦~~~媽咪幫你頂晒去!!!!乖~~~~~~~~~~~