Elon 成長記 - 2個月

呀b第二個月, 開始識少少反應...

佢既反應唔係見你會笑...係會成日口郁郁..你以為佢好似想講野咁

又會無啦啦有個微笑...好似好老積咁

但d人話2個月大bb, 睇野仲係唔係咁清楚...

呀囝呀囝,,,究竟你係真係知媽咪引緊你...

定你自己同自己玩緊?!!?!?!

btw,,,見到你笑...我都好開心...哈哈...

話晒對左成個月....一舊飯...點都想你有d反應..互動下嘛!!!

講返第二個月成長狀況先~

elon食奶奶狀況:

由於本人自己問題,, 過左第一個月已經停左人奶..

全奶粉....變為每餐食5oz, 有時din起上黎...8oz都同你飲晒

我都唔知佢係咪遺傳左我既大食!?!?

elon尿片size : NB轉S碼了

elon 健康院報告:

今個月仍要返去打針,

白喉, 破傷風, 無細胞型百日咳及滅活小兒麻痺混合疫苗(第一次)

肺炎球菌疫苗(第一針)

打針反應,,,,可能仲細...

打完喊2聲即收..算好好.....

有mama教落..有理無理,.,,打完針食左退燒水先..

但呢兩枝姑娘話唔會燒...so都唔太擔心,,,唔食住....

但體溫keep住一個鐘頭check一次~~

身長維持52cm, 重量升至11磅...(可能全奶粉飽肚d.,,都係我問題=.=唉)

反應正常,,,今次健康院會檢查埋bb身體,

骨骼, 眼球, 頭骨等等發展正唔正常...呀b 全pass~~

都跟住成長線發展....nice!!!!!

elon溝通狀況:

開始識得口郁郁...未識發聲...(喊除外!!)

有時會笑...但你唔知佢係咪因為你而笑...hahaaa

訓覺時間多...所以陪玩時間仲未需要...

c9心情狀況:

呀b2個月大我就要返工..

坐月心情其實無咩...只係攰...身心果隻!!但幸福的, 開心的

呀B最後我決定左比媽咪湊....此終坐月期間睇到好多野~~

邊個會對呀B係最好, 得到最好既保護~~

雖然我同戴生都幫呀B申請左救世軍嬰兒暫託...

但條龍尾基本上你係見唔到...

佢暫時口頭話等到呀B六個月應該可以入學(我係陀BB時 8個月入紙申請)

但到this moment.....呀b都快7個月..都未有聲氣....=.="

婆婆湊...我係最放心...我湊bb既方法都係學佢...

給最好比最好!!!!我唔係偏心媽...只係睇到既野係眼前...就會比呀b得到最好咁解!!!

但由於我同外家距離有一段時間....媽咪就建議湊埋夜晚...

咁即係逢sunday晚湊比媽咪, 逢星期五晚先湊返走...

我仲記得頭1,2日....我真係........超唔捨得呀b

夜晚無左呀b係屋企....我開始晚晚喊...係控制唔到自己情緒~~

初時唔敢比媽咪 & 戴生知道.....自己係廁所喊完先出黎扮傷風..(因眼紅鼻紅)

但到第三晚, 我已經頂唔住了...

係屋企訓住係床喊...比戴生發現左....我就喊得更加竭c底里...din左咁!!!
(我真係好似有d失控,,,我真係好掛住個囝)

佢即刻call 媽咪......呀媽打黎安慰我...講左好多野...最令我安心就係呢句

"呀囡, 你信唔過媽咪??呀b我會好鍚佢架, 你唔好咁啦~你掛住呀b, 你放工晚晚過黎啦~~我煮埋飯比你食好無,
唔好喊啦傻女, 你搞到媽咪好擔心, 你唔好搞到自己抑鬱, 到時呀b邊個照顧, 佢仲好需要你架,
你知嘛,,你喊呀b知架...你10月懷胎陀住佢,,你地已經心連心, 佢感應到架...佢而家又喊喇(我又真係聽到喊聲)
果下我好低能咁即刻為左個囝收聲...."

keep住媽咪同我傾左半個鐘, 我家姐就幫我媽咪湊住呀b先...

果日後...我開始要同自己講, 為左呀b生活更好...又唔想請工人...我要堅強d..

唔可以少少事就哭哭啼啼!!!!!!

就呢件事 ---- 我一度曾經懷疑過自己係有少少抑鬱....食唔安訓唔落

返工掛囝,,,放工掛囝,,,din到沖緊涼都諗起個囝.......

但屋企人關心真係好重要...戴生不停安慰陪同...媽咪不停關懷...

連平時好少出聲關心我既爸爸都出聲叫我唔好咁...正傻女

我知...我有好多人support.,...我 & 呀b會好快樂!!!!

but,,,,我無計錯....我足足用左成個半月時間,,,自己先冷靜下來...

而家生活係一星期比一日自己relax下,,,

如無街去,,,就成個星期都返外家...我知係麻煩到媽咪...

但無計,,,我真係發囝瘟=.="