BB用品 - 最後的選擇!!

陀BB時做過好多比較, 最後買齊

但偏偏發現...比較到最好...真係要用落先知係咪最好!!!!

先講講....

奶樽篇:

初時我揀好多MAMA誠意推介既TT

我係BB展一SET買架~~~

結果發現排氣唔好...可能係呀B自己問題..

搞到肚仔好多風,,,成日都嘔奶奶


結果問下d有經驗既fd, 同mama會既朋友...

佢地叫我試下排氣好出名既bfree or dr. brown

於是坐言起行,,,果日即刻叫戴生先買bfree試左先↓↓↓↓

我選擇既係用寬口樽身,,,

零件其實都好多...洗要逐樣拆...計埋排氣管/排氣蓋,,拆散晒足足6件野要洗..

但見呀b食得好左...肚仔無咁多風...咁麻煩d都要用啦!!!

但呢個奶樽落到呀媽手上...佢已經話麻煩...

結果我買左set dr. brown係放係外家.....↓↓↓↓↓

佢個排氣蓋少一層..咁媽咪睇落無咁麻煩...(其實係無我符~~hahaa)

買左唔通唔用咩...final飲奶奶有氣問題就解決左...

總結: bfree & dr brown 呢兩隻brand我會長期用!!!!

尿片篇:

之前一心諗係諗住用huggies

但某一晚呀囝無啦啦醒左....喊...

左摸右摸先發現......佢背脊濕晒!!!!原來係條片漏尿!!!

當然...可能係呀b比較翻訓,,,亦可能係我換片問題!!!

但咁樣1次....已經怕怕....唔係怕呀b嘈醒自己~~

係怕天氣凍..驚呀b攝親!!!

所以即刻上網搵下邊隻好~~~

結果我同戴生決定乜鬼都試下wakakakakakkakakaa

唔試又點知邊隻好!!!

首先試無人唔識既pampers~~~

呢隻超薄乾爽 同另一隻  特級綿柔我地都試過!!!

我自己切身覺得(完全主觀, 不喜勿插!!!)....我會比較覺得超薄乾爽好用d

特級綿柔係幾軟熟....但有時4hrs....換一次片...我覺得都會好濕...i mean黐住bb個pat pat

反而....超薄乾爽無呢個問題....

第二隻試係.....merries~~~

呢隻堅出名...但亦堅係好貴,,,,,但但但亦係堅好用!!!

圖案靚, 軟, 薄, 吸水, 乾爽....我覺得好全面好ok!!!

只係超巿價錢真係好恐怖...17x...折左都唔平得去邊果隻!!

但又為左呀b個pat pat...我地而家都有keep住用...但就成日去卓悅 / 相熟葯房入貨

真係平好多...14x一包...仲想點~~計返每一片其實同pampers差唔多價錢...

第三隻試係.....噓噓樂~

其實佢出名平..萬寧成日有特價....

仲有防漏邊(腰邊都有個吸水層!!)...但缺點係比較厚身...

我只係會夜晚最後果條片先比呀b著...此終我覺得厚...日頭用好似無咁方便嘛!!haha

但碼數唔係間間萬寧齊..要係大間d先有~~呢個又係弊處

所以我見差唔多入貨..多數入多d..廢時下下搵~~

總結: 黎緊呀b七個月大...轉L碼, 我同戴生會決定全部轉用MERRIES (日間) / 噓噓樂(訓覺)

護理篇:

之前睇左好多介紹,,,,,一心諗住揀d低敏無味既沖涼液 / 潔膚液..

C巴 / CUREL / 強身我都用過~~~但感覺真係一般..

由其C巴個PAT PAT膏,,,我仲好記得呀B出世第三日仲係E院

個PAT PAT開始紅同出粒粒..我用C巴....紅係退左~~但D粒粒仍在...

結果...咁橋我有朋友又差唔多時間生...

佢醒左一枝mustela pat pat膏sample比我試下...

wow......work wor!!!!好快無晒事...仲白白滑滑~~~

自己初時對呢個brand真係唔多識架!!

但search下...原來枝pat pat膏好出名!!真係失禮=.=

所以我開始逐樣試下試下...而家基本上全部都用晒mustela

你要我推介...除左pat pat膏, 我會推介埋以下

可能呀b皮膚比較乾..好易出粒粒...or 好鞋

所以我係建議下試左呢隻潤膚膏....

搽完work喎!!!!佢連汗疹都k.o.埋!!!!我唔係賣廣告...我真金百銀買,,,hahaa

事實係有實證架!!!

某日我返半日,,,咁戴生湊住佢...cos呀b皮膚都係易敏感, 我每餐食飽奶奶都會同佢抺一抺面,搽一搽lotion潤返下

咁果日放工回來...嚇左跳囉!!!!

見嘛?!?!?! 半邊面敏感...又紅又有少少腫...

但見佢無R..即係唔痕....我就即刻同佢洗面...搽一搽枝潤膚膏...

我真係keep住每餐搽......

到左夜晚已經....退左七八成↓↓↓↓↓↓

臨訓前我仲同佢黎個厚dd當mask敷下...cos佢訓左唔會成日卒返面仔...

之後第二日已經無事喇~~所以我真係信呢隻brand..

另外講到沖涼...好早期我話已經買左curel,,,,貪佢低敏無味..

啱晒bb用...但一用...發現又真係沖左好易無沖...wakakakakakkakaka

可能無味關係.....and洗頭仔好似有d"笠"..

可能呀b多頭髮問題啦....所以我呢個媽痴又再向mustela入手..

試埋佢隻沖涼液↓↓↓↓↓

我覺得好ok....係有香味..但未去到好重香料...

最緊要...洗完個頭係爽先.....又唔傷眼...一枝都用到2-3個月....haha

如果你話mustela邊隻用品唔好...我會話濕紙巾...

堅重香料味...我買左都無比呀b用

自己返工用算.....

以上就係我既最後選擇...

分享完畢...hahaaa