shopping 記~

好....好消息~~

朗爸拎左我隻usb返工....

咁即係tw d相..多謝晒~~~

我....本著有拖無欠精神..

打住朗朗其他野先啦~~哈哈~~

別見怪

近排公司雖忙..

但閒時我都有繼續shopping~~

去分解我體內既攰+壓力..哈哈

shopping主角當然係朗朗啦~~~

今期買d咩~~

屎忽痕...無啦啦想買張sofa仔比朗

就等朗訓著我就自己摸黑上淘寶搵啦~~

又比我搵到喎~~~

揀左兩張

 首先係呢張麵包超人..rmb198 

 可以做床仔

第二張係..

 呢張..有幾隻色..我like綠色...399

 佢係老翻pikxxxxxx啦~~

但見佢sofa無logo....心郁郁

2間都問左運費

麵包超人直送住宅要加收rmb150

綠色呢張就加收rmb 80

咁...再睇埋內容....感覺好似綠色果張無咁易變型

因為佢話用咩25D咩棉做芯...(我都唔識,,,斷估無痛苦..hoho^^)

so....問下戴生就即買啦~~

3日到貨..勁快呀!!

 一拆出黎..朗朗就急不及待坐落去~~

但有無發現....黎到係有logo=.="

 翻出來的樣子

問及客戶..佢只回覆...這是正品唷~~~~(多謝晒@.@)

btw...確實係幾實淨架~~

希望唔好咁快變型啦~~

而家訓下午覺..就係sofa入面...good~~

不過唔明點解次次都要伸隻腳出來=.="

(姐姐問題..哈哈)

**********************************************************

又某一天,,,同朗朗去打歲半針..

單拖上....見有時間...同佢去左aeon行一陣

咁橋我前排又拎左200蚊aeon cash coupon

又有bb展..睇下有咩掃啦~~

去到就見到d 涼鞋折上折..

即會員2個九折...即刻去睇...因為朗未有涼鞋過summer~

 teva hkd329

 adidas hkd199

兩對折左扣埋coupon

teva 扣左 hkd 66.5

adidas 未扣hkd 161.19 (仲可以買少少野)

但whatsapp朗爸問...

最後都係揀teva..

所以就埋單hkd66.5

抵到我邊行邊笑呀!!

哈哈...

其後就比朗自己行陣

 又係度搗亂=.="

玩唔夠10mins,,,我"的"走左佢去健康院了

是次約左下午...嘩~~原來下午等好耐架

約兩點....搞到4點先走人咁滯=.=

不過是日朗朗合作...

打手臂無喊...good boy ar!!

但朗已過晒鐘食野..

落樓下餅店買左兩個盒桃cup cake比佢

清晒..@.@

之後快趣回家餵粥仔啦~~~

*****************************************************

後記

多謝各位關心朗朗呀~~

好感動真係....叫我點捨得唔打blog

講返朗朗好返後情況

佢食野...忽然...好左(touchwood ar!!)

 

唔知係咪出牙仔已經無咁痛定咩~~

可以清得晒d野今期...萬幸..

 叫做比咩食咩啦~~

希望佢好好地keep住啦~~

今次咁樣病一病...真係好彩有姐姐係度

咪我多多大假都搞唔掂..

心內真係好感激姐姐日間幫我睇住朗朗

同最重要佢幫我定時餵葯(我99講明唔識餵)

 要定時食抗生素關係

所以一定要依時食...

病緊段期間..我出動左係台灣買回來既吸鼻器

真係吸得好勁~~

成抽鼻涕...好堅~~

不過吸左佢又真係訓得舒服得多

係呢個moment....就覺得呢部野值得買~~

再次多謝大家關心..

我要好好調理下朗朗身子先得!!!

嘿嘿

近排~

剛收到iris個留言..

個hotmail提示....亦提示埋我真係好耐無update個blog!!!

 

話update個tw trip

遲遲未update...總有d原因

公司忙住搬

公司忙住清七年既文件

公司忙住做d新野

加上全家病晒~~~

先講返朗朗..

朗朗係上個月十七日..

無啦啦發燒

仲要燒到39.x

餵左退燒水都唔退..

就帶佢去st. paul見dr. mo

話佢喉嚨發炎....引起發燒

亦即係....病毒感染..

暫時唔需要食抗生素..

但完葯仲未完全回復到正常體溫..

就要再覆診~~

呢幾日..我身心都超攰..

呀朗除左發燒...仲患上痴媽B症

行開半步都喊

食野情況....差...全固體停..

粥都唔肯食...奶只係少量...少到可以一日得幾安

dr. 比左4日葯..

我餵到第3日..果晚...朗朗仍然係唔願玩..

唔願食...只係識叫我"抱呀..抱呀"

抱住就想訓與唔訓之間..

個人唔舒服到翻下眼果d樣..

我喊左出黎...

我係度心諗..點解小朋友要受呢d苦

朗朗從來無試過病到連玩都唔想玩

真係好心痛....果刻..雖然未完葯...但d燒又退下燒下..

佢又係咁既狀態...我已經拎起電話約明天覆診了~~

某程度...我知道佢係要自己打下仗..

但三日都係咁..連奶都要我灌佢先全日飲到8安..

我真係好心痛

抗生素..食啦~~~幫佢打左呢場仗先啦~~

我真係唔忍心再睇到佢咁...

朗爸初時係反對我咁早帶佢覆診

佢角度..醫生係專業..我地唔係..so要聽醫生話..

但我無理佢..我話當我自己買個安心

我點都要明天覆診~~

咁朗爸都耐我唔何

亦係同一晚,,,,朗飲last餐奶奶,,,

飲左第一安...勁咳(佢本身都有咳)

果下咳..嚇屎我呀!!

佢嚇左兩滴血出黎呀!!!

朗爸果下真係識驚喇~~

問我駛唔駛帶佢上急症..

但我見佢無再咳血...我就話觀察下先

直到第二日返去睇..

果然係食抗生素...

醫生話佢咳血係痰入左肺..

咳時用力咳損左喉嚨...

所以先有血...之後無再咳血就唔駛再擔心~

回家後..

食左兩次葯.,..我個頑皮朗朗終於回來啦~~

開始有返精神...

由每餐2安奶有返少少胃口上到5安(我知要佢胃仔慢慢黎)

好感恩..我個人定晒...肯食野先有力氣打仗嘛!!!

雖然仍然都係痴媽B...但至少佢肯玩先~~

 朗朗係食第二日抗生素...已經能夠完全退燒回到正常體溫

個人安心晒..

呢張相係上個月廿幾號..

係咪瘦晒呢..

係醫院磅...呢個病搞到佢無左兩磅幾呀~~陰公~~

唉~~~

到朗朗病好....接著到朗爸...

 之後就到我....

今次...我算叻女...最後先中招...

感恩

在此我真係乜都唔求..只求大家身體健康..

人就會開心快樂~~

************************************************************

我決定...做又36唔做又36..

有時間放低手頭野都會update下個blog先..

黎緊我會密d架喇~~

我唔想與各位媽媽say goodbye呀~~~

heheee...thanksss

台灣回來啦~

hihi~~

我第一次同朗朗之旅順利完結~~

有喜亦有悲...詳情之後慢慢打...

 

而本人直到今天...都覺得仲未攰完..哈哈

適逢我放一放假...公司又好左生意~~

回來做到隻蟹咁~~

多謝晒~~~

為免大家誤會我停blog...

整返個台灣之旅預告篇先~~

得閒再update!!!(又呃post)

唔講咁多..去相~

 一落到台灣機場...好似返故鄉咁...hyper到不得了!!

 感覺幾豪華既民宿...真係好正..想住多幾日!!

 上引水產..真係好新鮮!!讚!!

預告住咁多先~~

又開工.....唉~~~