Elon成長記 - 14個月

好耐無打成長記...

係時候記錄一下...

今日14個月....

時間真係好快....又係果句..

媽媽唔捨得你咁快大....但又想你經歷多些

做人呀媽真係前後矛盾..思覺失調

行為狀況:

14個月啦~~

識行..未識走..識爬上sofa,,落sofa...連房張高床都識慢慢落~~

去飲茶食野坐BB chair唔駛再用帶縛住..可以自己坐好~~

說話方面..詞語/單字識講

婆婆/嫲嫲/daddy/mami/呀e/伯伯/謝謝/奶奶/比比/牛/豬/馬/拜拜(拜神個拜..kaka) etc.

但偏偏呀公佢仲未識叫....搞到呀公成日呷晒醋~~hee

鬧佢識得扮可憐....做錯野肯say sorry..一隻手放額頭仔..跟住講sor..

訓前會say goodnight..but佢只係做動作..yes sir既動作..佢自創,,我無教..hee

而家換片好似同佢打仗咁...激戰完一輪先完成~~唉~~

大個左..貪玩..換片幾分鐘都唔可以錯過=.="

另外...開始會用咀仔鍚人..用咀仔鍚完人會做兩隻手按住塊面扮好冧..好搞笑~~

 食奶狀況:

都係一日2奶2固體...當然婆婆湊時可能得1餐固體...

btw...有時小食會食固體就當係架喇~~唔可以要求婆婆做太多~~

朝早/臨訓...可以飲到8-11oz...

 

固體而家最愛食..蕃茄芝士abc粉 / 三文魚蕃茄蘿蔔粟米粥 / 蒸水蛋 / 烏冬 / 白飯

粥...只係like用湯墊既粥..好識食!!!

固體唔係餐餐都可以食到一碗大人碗..但有時可以食碗半~~

真係睇心情~~

 

小食最愛係藍莓/火龍果/apple/橙..基本上係生果佢都ok~~

零食only比星星餅...

身體發展: 

14個月

高度84cm...體重25lbs

著90碼/2歲既衫/褲....

鞋著us5碼~~fit size~~~有少少位鬆~~

出牙情況..上面4隻門牙..2隻大牙(1隻出左,1隻出緊)

下面就2隻門牙,,,門牙左右都出緊2隻

即總計暫時10隻牙仔~~

尿片方面...都係大碼片....未去到加大~~hehe

與大人溝通方面: 

而14個月..我開始教佢要有禮貌...

做野有要求....想大人比野佢玩時...佢第一時間只係識叫..丫丫丫丫~~

但經我長期洗腦(都係2-3個月..hoho)...

教佢要野時要叫人, 要講"比比", 同要講"謝謝"(佢係講射射=.=)

食野要講"um", 講比比..唔容許佢搶人野~

 

當然..有時佢心急係唔會記得講,,換轉老人家見佢想喊想喊or心急個樣已經比左..

但我係度時..係唔會理..唔講就唔好要啦~~基本禮貌來~~

唔想朗朗學左..飯來張口, 錢來伸手~~喊就乜都有~~no way!!我接受唔到囉~

記得上星期五...朗朗上我公司拜年...戴生就去左同事gathering..我後join...

兩母子就去左行tst大大間既斗斗城...我睇中左個電子鼓..咁比朗朗試玩..

佢又好鍾意..全場玩具唯獨呢個一放底佢就喊~~

本身都打算買比佢..但佢喊喎!?!??!

一個媽呆左係度諗左陣...佢喊我就買..係咪 = 縱容??

之後..我自己推住架車好白痴唔理朗朗識唔識聽..對住朗朗講

"好啦~~你喊呀??咁你同個鼓鼓say byebye啦~~個鼓係唔鍾意喊既小朋友架~"

之後朗朗喊得仲大聲~~一路喊一路指住個鼓,,再一路媽媽媽媽媽~~

我仲講.."你喊..媽咪今次係唔會買比你架..好啦~say bye bye啦~~下次再黎探鼓鼓"

之後朗朗又好搞笑喊住" 嗚(扁咀mode)....byebye"

哈哈~~咁又慳返幾百...

我諗而家開始...真係要調節下朗朗...避免港童誕生~~

       

14個月報告完畢~~