第2個情人節@朗朗

又到一年一次情人節..

今年2014仲係中西合璧

當然....我同戴生都咁多年~~~

其實年年都唔會去食吸血大餐~~~

一係求其茶記, 一係指定節日供應元氣..

唔會特別破費買d咩~~

但自從朗朗上年既出現~~~

我地節日就更加覺得唔需要用錢去換浪漫~~

實行有囝萬事足~~

回憶下上年先~~

朗朗仲係一舊飯...只係得兩個幾月

果日戴生同我lunch出去食個拉面就當慶祝

但都好溫馨好開心

一舊飯呀!!!笑都未識笑咁款...哈哈~~

但今年..已經14個月啦~~~

識e e哦哦...

仲送左一份好大既禮物比我~~

甜到入心入肺..就係.........

就係鍚鍚啦~~~哈哈

佢係情人節前終於肯主動鍚人..

只要豬咀,,,叫佢鍚鍚..

佢就會過來咀返啖~~

 真係仲冧過比情人鍚~~

發囝瘟又喪鍚個囝~~~

好啦~~睇完我d醜態...

講返今年先~~

之後話過朗朗好like個音樂鼓

我比媽媽們提醒左~~

朗朗樣樣唔扭,,係扭呢個一定好鍾意~~

so二話不說果日就去左買比個囝~~hhaa

情人節..就送左比佢

朗朗見到勁開心..

叫佢講乜都講乜,,叫佢鍚就鍚~~

哈哈~~~乜都抵返晒啦~~

 真係買左架~~

 有板有眼~~

打下又篤下..

有人讚佢..就萬歲~~~

果然無買錯呀!!!哈哈

 *********************************************************

講完朗朗又講下自己~

今日返工...公司大廈管理處又送花啦~~

 真係一年一枝..都唔錯~~

戴生仲話: 係我叫管理處代送架

真係多謝晒喎=.="

放工就回外家湊朗朗返屋企..

其實我同戴生完全無plan過今日要做d咩..

但臨收工...戴生話不如去食元氣(我飛佛^^)

咁我當然ok啦~~~元氣呢個節日唔加價嘛!!!

但朗朗去到已經....謝左~~

 哈...坐住都訓呀!!

婆婆話佢係外家佢做管理處...通屋走..

乜都拎下放下...無訓午睡過

唔怪得之~~

咁仲好啦~~我同戴生自己慢慢食~~

食飽就回家啦~~

 

其實生左朗朗..心態唔同了

最緊要一家健健康康..

食乜都好味啦~~~

 

各位媽媽....願您們與大情人小情人永遠開心幸福呀

情人節快樂!!!!