能學懂尊重? 全字悶爆篇~

其實一直真的很想發洩一下..

有睇開我blog既媽媽們都知我同99住~~

其實我一直同99溝通係少..

拍拖時係...結左婚都係...

幸好屋企能有我私人空間...

所以生活一直都沒有問題..

戴生還覺得..少溝通還好...唔好太多爭拗~~

某程度..我99對外係一個不計較的女人..

我亦知道一個女人湊大兩個囝係有幾辛苦..

戴生要去孝順佢,,同佢一齊住我從來無反對過~~

但自朗朗出世....

睇到既野真係好似越來越多...

亦開始覺得不受尊重....

有時真係好Q灰咁諗...我在這家只係一台生囝機器嗎??

我認我小氣的....

好記得朗朗出世後滿月...我開始有帶佢落下街..

但99就成日想抱住抱住...

多數我都無理...有一次戴生同我同朗朗返外家...

回來後...就沖涼...我沖先...

點知沖沖下無水....99就黑起塊面(佢已沖涼,,各位可能問點解佢要黑面,, )

咁我無理佢...事關兩個廁所..我唔係沖佢果個...無影響佢丫!!

我成身泡都未出聲..仲要睇你面色~~

but我比面戴生...忍~~

到第二日我竟然聽到99同d朋友講..

"個個沖都無事, 係呀恩(即係我)沖先就黎爆大街水喉"

o....no...what is 個個沖都無事??戴生都未沖...

okok...我99睇高左我...我有念力去迫大街條水喉爆裂而令到自己一身都係泡..

呀...嗯.....係我錯我錯!!!

忍忍忍~~

但我對住戴生都好直接...我有同佢講返件事...

之後我諗佢有話返99 ...

所以99之後就唔敢再亂講野....

直到有時戴生要返工..得我同呀b係home..

有時我想去個小解...好好聲氣叫99睇住呀b先~~

點知...我痾完....褲都未拉高已經聽到門聲!!

出到去....熄晒燈.....佢帶左佢出街

唔同我講聲就帶朗朗出街已經唔係第一次..

係N咁多次~~~

佢有無尊重過我係朗朗既媽咪???

 我無權知道佢去邊???

外套又唔帶, 片又唔換, 襪仔又唔著~~

有時過埋飲奶時間都未見人...

老實..你坦白同我講, 我唔會唔比你帶...

我仲會著到朗朗好靚仔咁比佢抱出街...有乜所謂..

但點解次次都要鬼鬼鼠鼠???

趁我去廁所 / 洗奶樽 / 整緊粥仔 / 曬緊衫就黎料

當然...我都有同戴生講(註:我只係講, 絕對無怨既聲氣)

佢都有同返99講,,係唔係一日要帶佢落四五次街應酬你d朋友先安樂??

佢無出聲....

我覺得有d野唔應該由我做新抱把口出聲...

因為我尊重你係我老公既媽媽~~

但你可唔可以尊重返我!!!!

我都係朗朗既媽媽!!!!!!

自我安慰的想....戴生還幫我講說話...不幸中之大幸!!

更年期完畢....

呻完!!!