忙爆的飲宴

某一星期日...是戴生小學同學的結婚大日子..

由於我都識新娘子..所以都獲邀請參與...萬幸萬幸~~

 去到....新人們都好忙影相...敬茶...

我地就乖乖坐下自娛...等叫先影相...

好啦~~未開席....大約八點....先餵埋朗朗...

咁都好合作...飲晒7.5oz奶奶..

咁就比佢坐bb chair...比條牙仔餅佢自娛..

我就同朋友吹下湊仔經啦~~

點知...無啦啦....朗朗咳..

仲要咳到... 面都紅晒...

我同戴生都心知不妙架喇=.="

結果..果然係...嘔晒~~~~~

仲要嘔濕晒件恤衫, 牛仔褲, 襪...

好在有位媽媽係度幫下手...

戴生都幫唔到d咩..wakakakakaa

咁兩個c9合力抱左呀b入廁所...幫佢抺乾淨...

除左d濕既衫....朋友忽然問左句"你有帶多套衫仔比朗朗嘛??"

我果下.....................

 大檸樂!!!!!我無預到呢一著...

平時出街都會帶....偏偏今晚無...頂!!

咁經過兩個c9係廁所研究...

先除左朗朗d衫褲襪...用我地大人外套包住佢先..

朋友就負責送返佢入去會場比戴生..

我就9秒9仆落去樓下h&m買衫...

好在朗豪坊就係對面...誰不知.....h&m裝修左~~

無左童裝!?!?!?!?!又晴天霹靂!!!!

 唔係咁搞笑嘛...想買先無...

人急..個腦真係好易實...

左諗右諗先記得再對出條街有間gap~~

又急步過左去(我好驚呀朗凍親)

咁見到連身衫..就買果d啦~~懶得再襯..

再加對襪仔...叫職員剪埋牌..

又急步跑返去酒店...

上到去...現場環境已經清理得乾乾淨淨..

我就同朗朗換返套衫...

換完終於鬆一口氣....

但成身汗....咁戴生就負責抱住朗朗...

我就食野...

影下相....咁~

到走人都好順利...朗朗亦無扭肚餓...

咁一切以為安好...既moment...我地返到屋企樓下附近~~

戴生無啦啦又接call...話要返工..

咁我明天又要返工喎!!!唉~~

2個好無奈咁對望...即係朗朗變左明天無人湊...

又打的急回外家放低比婆婆...

幫手同朗朗沖埋涼...沖埋奶奶比婆婆餵就走人..

是晚真係攰到....塌皮~~

十級經典....

我發誓...我以後都要帶多套衫出街!!!!

 

***********************************************

btw.....我都祝新人幸福美滿...新婚快樂!!!

難忘的一個wedding~^^