Elon 成長記 - 7個月

不知不覺又一個月....朗朗又長大一個月進入第8個月了~~

時間真係過得好快...又記錄第7個月有咩變化及進步先

(係....又係手殘相....多多見諒~~hahaaa)

行為狀況:

開始更需要大人陪伴..陪玩....

大個..真的比較黐人....玩得唔耐就爬去你身上...

你唔應佢機...佢就係咁R你件衫..哈哈....

而家最鍾意我同佢玩"點蟲蟲..蟲蟲飛"、BOO BOO GI

同埋最最愛觸電遊戲(即係你比兩隻手指佢..佢捉住你..or又學你竪起隻手指ET接觸時..大人唔該扮din婆狂震or狂嗌...)

次次都笑到咔咔聲!!!佢開心...真係幾攰都玩

至於爬行方面...仍然係"冷"....間唔中會屹pat..但不到兩步又變返冷=.="

但我問過做健康院護士既朋友....

一般佢地著重唔係屹唔屹pat..而係識唔識得企or行多d

點樣去爬其實並不是太重要..但最好就step by step..爬左先開始教佢行

話小朋友四肢去觸摸得呢個世界越多...對外來事就唔會太過害怕...容易適應...

又講左去第二度...不過都係share下...等同朗朗一樣未識屹pat爬既父母們..唔駛太擔心啫

另外...朗朗而家扶住圍欄...都會識行or識企...

所以我一切由佢自然發展...急都急唔來吧~haha

健康院方面:

今個月唔駛返健康院...

食奶狀況:

仍然維持7oz,

今個月開始無比糊仔...佢成日咳..驚糊仔甜上加甜

所以主打...煲粥仔(而家唔可以咁爛,佢鍾意有得咬下)、飯仔(係..大人食果d飯..可以溝下碎菜, 蛋黃, 魚肉都ok..記住盡量走鹹!!)...

另外煲字母粉(細粒過手指尾指甲果隻!!)比佢食...朗朗都好鍾意食!!!

所以佢吞嚥方面其實我覺得不錯~~當然間唔中都會"啃頸"..haa但就好少~~

以上食物多數一日1-2餐...視乎佢情況&大少爺心情啦~~哈哈

身體發展:

今個月成日睇醫生..真係唔返健康院都知佢幾重

今個月有20lbs啦~~~開始抱佢會手軟=.="

但所有媽媽都會擁有一雙.."力的表現"臂彎!!!!哈哈~~即係粗晒!!!

另外...長度去到7xcm(無量到..hoho但應該唔會短左呱)...玩rody隻腳掂到地啦~~我諗係長左既~~!!

著衫開始著到80碼先啱...70碼已經變左小貼身(視乎款式啦).hahahaa

下面2隻牙隻生長良好.....而家上面右邊都見牙頭...睇得出似我!!!大門牙~~(戴生係細細隻!!haha)

但又發現上面左邊又未有料到喎!!!唔係咁搞笑呀...=.="...變左單牙仔!!!...

不過由佢啦~~實會生既..差在幾時~hoho

尿片size...病完一個月..由願定轉L碼...又可以去返M碼=.="唉..............

興大人溝通方面:以我角度...我覺得佢開始識叫人..

但唔係叫...係吠..WAKAKAKAKAKAKA

因為我試過背住佢....佢就會老牛聲"嗚......呀...."好似d狗狗ready發惡既聲咁..哈哈

一望返住佢..就會笑...又唔出聲...

另外而家真係大個...識得大人邊d係鬧佢..邊d係話佢

我好記得有次去茶樓...我實比d齋腸粉佢食...佢平時好鍾意...

果日唔知係咪堂家姐又一齊去...顧住玩...

佢學人"boooooo"返晒d腸粉出黎...

我無鬧佢...因為覺得無必要...但我無出聲地....係有(怒)啤佢.........

果一下,,,,佢嗚一聲喊左出黎..真係快過打針!!!

so...我好肯定佢係識睇人眉頭眼額...尤其係我&婆婆!!!!

另外...經我同我家姐日教夜教..屎教爛教....呀b終於學識....係識識地咋...學byebye

我地唔係教佢揮手就=byebye/...我地教佢隻手要開合果隻byebye...

所以係需時d...但而家開始識...確實有d成功感~~hahaa

其他野..會再慢慢教下佢...

一步一步黎啦~~我都唔想自己&朗朗咁大壓力hahaa

湊B 7個月感受

今個月其實無咩呻...

因為whole month 病...

學懂一句啦~~~小病是福...

日後要好好保養身子....先有能力好好保護朗朗...

呢句野...永遠記在心呀!!!!

************************************************
後記..

唔知d小朋友係咪新陳代謝快..

頭髮真係生得好快..see ↓↓

朗朗: 我出牙呀...我要咬咬咬!!!

朗朗至愛....搖控!!!!

擔返口大雪茄呢~~~

最後...d汗越黎越勁...真係頂唔住又剷頭....

變身↓↓↓

短頭髮係好涼快...但老實.....好老積=.="

長頭髮過癮d......一個頭真係好影響一個人既樣...哈哈~~~~