2013年7月2日 星期二

朗朗出牙仔!!

一直說朗朗"牛"牙,,,終於都"牛"到個牙頭仔出黎喇~~~




細細的兩隻....

本身都無為意的, 但上星期朗朗無啦啦開始好扭計

平時夜晚拍兩野飲埋奶奶就肯訓....但上星期奶都唔飲...又不停喊(佢係眼訓)..又唔訓又扭...成個人都好忟陣咁~~

所以..果晚..我無啦啦叮一聲諗到..."你唔係出牙仔唔舒服呀??"

之後就好爆咁伸左隻手指入朗朗個口到...一摸!!!!!有料到喎!!!!!



唔食奶奶 + 勁扭計原因就係呢兩隻牙仔...

touchwood,....無發燒,,,萬幸....婆婆話牙仔屎又未必個個小朋友會痾(我家姐細過有痾,我細過時就未痾過)

所以我都唔想朗朗痾牙仔屎!!!!佢會好唔舒服架!!!!>,<

但另一邊又好開心...朗朗真係開始大...唔再係無牙佬啦~~haha

希望佢對牙生得靚仔d啦~~

講開出牙自然牙肉痕....又係講下邊隻牙膠好!!!

朗朗試左三隻...要我主觀分邊隻最好..我會咁分~~~

第3位: sophie 長頸鹿



呢個sophie係朋友送比朗朗....聽聞好出名又無毒...

朗朗初時都幾鍾意....

但多數咬頭.....但今期佢開始咬埋腳....

腳隻有d長...好多時咬咬下...唔知係咪掂到個喉嚨呢

朗朗就作嘔架喇!!..so玩sophie真係要睇實佢~~


另外拎上手問題....我覺得朗朗拎得有d"呢hea"...

成日都跌...同埋我覺得sophie有少少甩色咁...所以....我而家好少比佢咬~~

但作為一件普通玩具,,呢個都不錯...但如果要我自己買...又情願買其他玩具...haha


第2位 - Haram 香蕉型固齒器 (牙膠) 

呢個牙膠我係BK forum睇到好多媽媽讚就跟住去買

我係荷花買...唔貴,...幾十蚊...

短短一條....幾啱朗朗手形.......初時都驚個頭尖尖地..

會唔會又令朗朗反胃!?!?!?



但比左朗朗玩...我呢個"驚" 意全消

事關衰囝佢鍾意翻轉咬....哈哈~~~

佢唔鍾意咬尖果邊架~~好搞笑~~~次次比佢咬尖果邊,,佢自己會調返轉架!!!

但底部都有d凹凸紋..一樣可以按摩牙肉

咬到面形扭曲中↓↓↓


第1位 - Pigeon



就係呢款...朋友送...但我都睇過幾錢~~唔貴.....廿幾蚊(吉吉島)

點解話佢最好...一來兩邊都係闊...朗朗扶住中間條野時...唔怕越扶越落而甩左(即係闊果邊可以頂住佢隻手)

咁變左唔駛成日同佢執牙膠....


另外兩邊都係有凹凸紋磨牙...

朗朗真係好鍾意...我次次比佢揀...都係揀返呢個架~~~

so我點能夠唔放佢第一位...朗朗鍾意...我又唔駛成日執

一舉兩得!!!!


呢d都係我主觀角度...

有更好既牙膠....mama們記得介紹下


5 則留言:

  1. 2,3位都有,不過始終係鍾意手指多d
    [版主回覆07/04/2013 10:03:02]佢都好鍾意咬手指架~~但次次都比我stop!!!(婆婆湊就除外)
    我連去街都拎埋個牙咬比佢..哈哈~怕左佢食手指~

    回覆刪除
  2. 咬得好開心喎!我都見好多人買sophie呀,好似都要百幾蚊!
    [版主回覆07/04/2013 10:04:29]係呀..我無記錯...aeon而家賣188..有時會有折..
    你仲有時間..可以等佢平d先入貨^^

    回覆刪除
  3. 蘇菲同香蕉都有, 不過兩款佢都唔係太鍾意...食左好短時間咋!
    [田鼠b回覆07/09/2013 14:24:02]好明顯係啦
    [版主回覆07/09/2013 14:05:49]咁最後佢係咪揀食手指?haha

    回覆刪除
  4. pigeon呢隻個設計幾好, 條蕉我驚督親bb,sophie我又真係驚佢會嘔...
    我竟然咁快就留意定d牙膠, haha, 我bb才一個多月的說 :P
    [版主回覆07/09/2013 14:06:30]哈哈~~我超明白你...
    果時我都好快留意定...睇得黎差唔多架喇~^^
    pigeon真係好好.....咬^^

    回覆刪除
  5. 第1位 - Pigeon <-- 這也是柑b的飛佛!!
    [版主回覆07/09/2013 14:06:38]haha...good choice!!!

    回覆刪除