朗朗又病了~照顧篇

早於三星期前,

朗朗已經開始有幾聲咳...我心知不妙的..

但諗住睇下情況,..因為此終仲細...去醫院...醫生都係唔建議食葯..

咁婆婆就餵左d保嬰丹比朗朗...

初期都好左d...但反反復復....最後仲咳到有埋痰聲..

keep住飲奶奶後 or 訓醒後就係咁咳....呢個時間自己又高燒到104度...

簡直只能用四字形容 " 非人生活 "

係..戴生係幫到dddd手, 但問題在於..男人識既野有限..識唔代表做到..

而婆婆又開始有d頂唔順..因朗朗成日嘔奶,,又咳..婆婆都有dd體力透支..

99又係咁咳...幫唔到手湊朗朗...咁結果...我想抖下唔返外家睇朗朗已經不行..

頂硬上吧~~

呢個時期點照顧朗朗又記錄下...

的確係唔睇西醫, 朗朗又病既時間...

我地係會比中葯呀b食...當然係大家都識既brand

保嬰丹我會揀余仁生, 媽打同朋友都推介好過位元堂...

有鼻水and少少咳都可以食佢...初起食左好快好!!!

我地多數係專門店買,,做埋member價錢同屈人/萬0 折左差唔多...

另外...猴棗末就揀左位元堂...無他...因為唔知頭唔知路一早買錯左

呢隻專for化痰止咳, 余仁生都有出, 但價錢又再貴dd

早期呀b食左化痰又真係work..所以又keep住食啦~~~雖然好貴, 但老實...佢有佢既價值!!!

另外仲有隻叫做猴棗散..都係位元堂...

呢隻平d, 但我唔知點解...

朗朗一食親就咳到甩肺..即係咳得仲勁...

婆婆話呢隻可能係for bb咳返d痰出黎...所以食左會咳好多~~

但見到朗朗食完咳到面都青...我真係心痛到無朋友!!!呢種痛真係唔知點形容...

so,,我停左呢隻散...btw....我唔想朗朗餐餐食餐餐咳到嘔晒奶...高峰期一日五餐嘔三餐...唉=.="

***************************************
另外就係病既時期...

每日同朗朗洗鼻...睇左好多資料....BB有痰原因..多數好大機會係因為BB有鼻水倒流

唔識呻出黎or吐出來...流左入喉嚨變左痰...所以洗鼻呢part好緊要

朋友介紹....好多診所都用mustela既鹽水....


所以我都托左朋友幫我買盒...超平!!!!一盒20枝有排用~~~

每次只可以用一枝...早晚各洗一次...

但洗完之後都有step...唔係滴左落個鼻就算...

係咩???........就係吸返佢d鼻涕出黎...

滴左鹽水既鼻涕鼻屎會再軟化d....會易d吸出黎...

我就買左d普通既吸鼻器...無影相...大約係呢款(上網cut圖)↓↓

一邊塞入朗朗個鼻窿,,,另一邊就起世咁吸!!!

朗朗次次吸次次喊架~~~但吸左佢果晚訓覺真係舒服好多....無咁易因為鼻塞乍醒!!

而次次都要婆婆 / 大姨 or 戴生一齊捉住佢2隻手先搞得掂....汗顏

吸出來就係咁...呢張相算好好...透明色...有次試過一pat黃色-,.-

老實講句,,,我未買呢舊野前...我都試過用口幫朗朗啜鼻涕,.,

係唔衛生...但果刻無呢d配件又真係要做事...d母愛勝於一切!!!!!真係屎就屎....戴生話諗起都核突=.="

呢個好用架~~平靚正....

當然有d電動吸鼻器...但戴生話驚吸損呀b...

但我又搵到台灣有隻叫寶信既洗鼻機好似好好!!

唔知有無媽媽用過????

如有, 請賜教賜教...thanksssssss

******************************************************************************************
經過2wks,,,朗朗越咳越勁...

final都係帶左佢去st. paul見醫生....我知醫生都會係果句"唔食葯好d"

但此終想檢查下...肺 and氣管有無問題安心好多...

結果一切正常...象徵性開左d止咳化痰葯比朗朗...亦叫醫生開多枝退燒水來看門口就走人~~

開左4日葯,,,朗朗今次食左2日我又同佢停左....情況都係差唔多..無好到

我唔想佢再食...因為食左無乜胃口同好散...佢成日都好攰無精神...

計無可施既情況下.....又要呀Q精神....

繼續上網睇下有咩溫性d方法幫到朗朗.....

又睇有媽媽會煲陳皮水當水飲 and 沖奶奶飲!!! 可化痰止咳...無葯性又正氣!!

所以即刻問婆婆拎左d自己曬既千年陳皮去煲水!!

記得!!!一定要落一d生米落去....2樣都正氣d..同埋可以清下熱氣!!

我而家煲法係...6碗水+2片果皮(去囊) + 1/4杯米(洗淨)..煲45mins...

足夠一日食用份量

touchwood...加左奶落去...呀b都好接受陣陳皮味...佢好肯飲~~

又有d米氣...飽肚d....個肚腩仔終於出返黎...感恩~~

至於咳方面...的確少左好多......而痰仲係有的...只係唔咳你聽唔到...

再問下做健康院姑娘既朋友,,,跟足佢講法....每餐後再餵少少暖水比朗朗...

咁樣有助佢沖走奶既甜味...無咁易再積返痰....結果飲左5日....真係大吉利是...好過食中or西葯!!

希望keep住食ok啦~~~

********************************************************************
而我燒完104度後..

keep住一直咳..又有痰...對住朗朗我只好戴mask!!!

睇左3次醫生都好唔晒...決定唔再睇...

用偏方學人燉橙啦!!!!!

食左又係work 喎!!!

有時真係...世事既野估你唔到...一個橙幫你k.o左d咳...吹脹-.-"

直到今日...我已經無痰只係間唔中有幾聲咳..但我會keep住食維他命丸..

咪我都唔知點撐落去...

至於朗朗......醫生話..咳少左, 痰多左 = 佢身體自己康復緊...因為bb氣管比較窄

康復時間需時...叫我比多d耐性...

我一定會...只要佢好返!!!!!

我唔訓照顧佢又有咩所謂!!!

希望朗朗快d斷尾啦~~~我會加油!!!!

**************************************************
同場加映....病到好嗲既朗朗↓↓

陰公豬~~~