朗朗初體驗@遊公園

今期成日講點病...點預防病...點增強抵抗力...真係人都din!!!

正能量一點....最實際...我同戴生都覺得要帶多d朗朗去公園玩下,,曬下太陽...

放下電...出下汗...吸下新鮮空氣..身體自然好過成日困係屋企~~~

朗朗快8個月...

開始坐得定d....可以試下去公園比佢玩下騎馬馬,,,,,玩下千秋...

昨天出去...太陽伯伯真係好比面.....

天氣咁熱...我地多數唔會帶bb車...因為覺得會更熱..

但又唔會帶揹帶....因為揹住都好熱...

係咁抱出街就算...

今次選擇地點....維園...行過去好近....

一去到...唔知係咪天氣熱呢....無乜小朋友玩喎竟然!!!

朗朗就可以任玩啦~~~

第一次....學人玩千秋

初時就喪望住個地下..唔識笑架~~

可能有少少驚....

但當我企係佢前面...引下佢...戴生負責扶住同搖朗朗

佢就開始越玩越開心...see see↓↓↓

朗朗: 呢架咩黎...點解咁過癮既???

熱到溶既笑容...哈哈~~~

再黎!!!

每向前一下就笑一次...

退返後就望地下...keep左好耐都係咁...好爆笑

到抱佢走時...佢好似唔捨得咁...望住架~~~但又未至於扭計唔走...但都叫開始識野喇~hahaaa

之後戴生就話要搵馬馬比佢騎下....

去到另一邊...竟然無咩人...

即刻搵隻黎騎下....

朗朗一上去...見到個扶手就識自己扶住..醒喎呀囝!!!

戴生之後就勁搖佢....開心到佢呢....

就係咁玩下..搖下..又一個鐘...

朗朗呢個大汗包....成頭成身汗...

好在未玩時已攝汗巾<=夏天必備!!!

扯一條換返另一條..飲埋水水就.走人回外家了...

呢個假日節目不錯....雖然超熱...但出身汗...我連自己都覺得舒服好多!!!

wakakakkakakakakaa!!! 又一個happy weekend~~

****************************************************************************
後記:

是日回到外家...衰豬唔肯訓...

就開playmat比佢玩....話說大姨買左部玩具電腦比佢

個mon可以開可以刪...但朗朗既玩法係唔同...

佢成日認為刪埋個mon係個玩法...次次都係咁...頂佢唔住=.=" 呀囝...刪埋個mon點玩呀???