Elon 成長記 - 6個月

不知不覺朗朗已經半歲人仔...

時間真係好快.....所以我無後悔同個囝日影夜影~~

有d moment過左去就無得返轉頭...留個永久記念嘛~~hahaa

又係記錄呀b既情況...

行為狀況:

開始識得要求要d咩....情緒表達更分明~~

例如有時佢玩緊玩具...咁想幫佢開個制..我會同佢講"媽咪幫你開左制先" 我真係當佢大個囝..姑娘話唔駛同佢講BB話架~~

咁我拎左...佢會扁咀...等到唔夠十幾秒就喊架喇~~以為我搶左佢=.="

以前...佢會自己拎過第二樣...現在,.,,佢鍾意就會玩死果樣~~hahaa

開始識爬,,,,爬得越黎越快...但正確黎講仍然係"冷"...未識得屹蘿

但我又唔心急...雖然睇d mama會有d已經識得扶住野行..

但我個信念係..只要身體健康...識行識走係遲早既問題~~~hahaa

開始識得一d有邏輯既野...

例如我會同佢玩...我用手遮住塊面....要佢爬過黎掂一掂我頭髮先會拎開隻手比佢見..

如佢只係掂我隻手 or 夾硬大力扯我對手...我係唔會拎開隻手比佢見....等佢知道遊戲原則

佢好鍾意咁玩....亦知道每次係要掂頭髮先有得見媽咪...叻叻~~

健康院方面:
今個月要返去打六個月針針...足足三支

四合一(第三針)
肺炎球菌疫苗(第三針)
乙型肝炎疫苗(第三針)


↑↑初時衰豬仲識好開心笑架~~~~

見姑娘...姑娘今次睇佢坐唔坐度同企方面..腳仔有無力..

一切正常...朗朗一味對住姑娘係咁笑(個姑娘係完全無聊佢)..搞到本身cool爆既姑娘都忍唔住笑左出聲~~

對住朗朗講: "你好識氹人喎"...見姑娘有反應..佢仲笑埋出聲彈下彈下

睇黎呢個囝都係世界仔...

見完姑娘出去等打針...仲識得係咁聊人玩..唔識都聊一餐笑一餐~~~

真係無佢符...

好啦~~叫名入房啦~~~

除褲....第一針....都喊架喇~~但好快收

但第二針....又黎扯到紅晒塊面出唔到聲果隻喊...直到枝針抽返出黎先出到聲~~陰公

姑娘話"第三針仲痛...你要大力d禁住bb大脾仔"

心知不妙啦~~~嘩~~佢拎起第三枝..我見到枝針..大人都驚啦~~好長架~~

仲要成枝啪晒入大脾...個心真係不其然心痛到想爆粗...(恕我失禮)

咁打完呀b仲喊...第一次喊得咁淒涼...今次喊左一陣先肯收聲..

可能真係好痛呀~~~陰公啦~~

無計啦~~為左健康都要打架喇~~~~咁daddy去拎葯..

我就繼續氹下呀b...餵佢飲水水....就開始收聲了~~~

今次仍係有d微燒...比左兩次退燒水+退熱貼就無再燒...keep住36.8左右~~


食奶狀況:

同第5個月一樣...維持每餐飲7oz

糊仔keep住一日一餐...但間中都會比佢食粥仔...

粥仔材料我多數用 波菜/南瓜/蘿蔔/三文魚/瘦肉煲

每次都食到bb碗1碗滿...另外再飲4-5oz奶奶就一餐~~

開始餵BB小食...有時係BB Puff, 有時係笑牛牌芝士粒(要暖返先餵)

呀b好鍾意食!!haha



身體發展:
磅重已經升到8.2kgs
長度去到70cm....又高左了~~!!

開始"牛" 下面門牙兩隻開始黎料..見到脹晒(牙型果隻脹)..但未出牙頭

唔知要等幾耐....希望呀b出牙唔會太痛啦~~~

尿片SIZE: 仍然M 碼

興大人溝通方面:開始識得ee 哦哦....你唔會知佢講咩~~

但佢又會e得好開心....我會比反應佢架...同佢鬥講..佢見人有反應..佢會好開心~~

自己玩緊時....同上個月一樣...初時玩到咁上下會望下你係唔係度...係度就繼續玩

而家可能又再大左..望你都唔夠.,,,,爬過黎要你抱抱架~~~(其實我好冧架~~媽媽抱抱)

湊B六個月感受 <= 新增一欄!!



其實我覺得朗朗係一個易湊豬(大吉利是反彈無得翻轉頭 <=又迷信..唔讚得)

雖然認真呀B係屋企時間只係兩日..

但平日我都會KEEP住返外家睇呀B...我可以放棄出去玩~~~

有時我覺得在職媽咪陪小朋友時候係永遠唔夠架~~

某程度我仲覺得自己好似欠左朗朗....但我知道自己唔可以咁諗...因為戴生話唔好比D無形壓力自己

初為人母我已經算做得好好~~

曾經有fd話接受唔到我呢種生活....生左就無左自己

其實...我自己覺得...每個人都係個體..你接受唔到我呢種生活係好正常~~~

老實一句...我從來無因為朗朗而呻過一句(眼訓除外)..haha

我已經要返工....日間已經無得好好陪朗朗,....夜晚~~我自己set好左..1wk只係可以比1-2日自己休息~~

其實好多時...我都會推d食飯...或者有時仲專登就星期五..我湊埋呀b出去...咁咪唔會錯左見呀b既機會...

其實身體上係好攰...但我精神上又好滿足...

我自己覺得自己好幸福...朗朗唔係靚仔...但佢確確實實係一隻開心豬仔~~

你每次見到佢..你未出聲佢已經笑住彈下彈下等你抱~~~

每日放工都係等呢刻...你又叫我點捨成日同fd去玩唔見個囝丫~~~

呢d moment佢再大d就唔會有....而家唔珍惜???等幾時呢???

我唔係咩大富之家...無車無工人....學識亦唔係上等人..wakakakakkakaa

so我從來唔會跟某d朋友去聚會...一去就講半歲要玩咩playgroup, 一歲要玩咩~~

兩歲要入咩校..小學要讀邊間...........自問...我覺得無需要住...

我普通c9一名,,,我角度...人生開心既時間其實唔多...可以全天侯無煩惱咁玩更加少

點解小朋友咁細過就要掉佢入playgroup...有心既,,自己都可以教..有心既約埋班fd 既小朋友一齊出黎都ok

其實父母一齊陪小朋友玩..已經係最好既playgroup...半歲...仲係一舊飯...

去playgroup佢都唔知發生咩事....我係屋企...慢慢教..又可增加親子關係

又可以比佢慢慢學....最最最最緊要...i dun like朗朗同任何小朋友去作比較!!!!

佢而家應該做既係..無煩惱及無壓力地...好好去吸收新事物..好好去玩下.....

再大d入唔入playgroup到時再算....或者約到一班龍囝龍囡普通出黎玩下..已經係最好既playgroup~~

而讀幼稚園一事....遲多幾個月再睇啦~~haha

最後一句"香港人..放鬆d啦~"

c9又廢up完...失禮晒~~~