卸貨了@Elon~

卸貨了~卸貨了~~

話說到左預產期,,elon 都係未有動靜
已經令我心急如焚!!!

個肚又大又脹,,訓得又差...見個個11月媽媽會既bb都出晒世既時, 呀b仲係肚入面嘆下嘆下唔肯出黎..真係想屎呀!!

仲記得...逾期前後果d時間, 我晚晚訓得好差...

結果..最後都要直接入東區醫院約30/11催生...

唉~~勁唔開心架~~一心諗住做11月bb架嘛~~無啦啦又遲左~~

如是者, hea下hea下到左28/11,,,我產假已經由前2後8變左前3後7,,

因為呀b仲未肯出世嘛...28/11我真係頂唔住係屋企發毛喇~~

結果單拖一個人去左中央圖書館hea下..行多d希望好生d啦~~

行左三個鐘就回家...大肚婆真係好易攰架~~

回到家有好多分泌....即刻入廁所睇下係咪見紅啦~~

點知又係流料...勁唔開心...打定輸數做12月mama架啦~(唔好問我點解咁想做11月媽媽,,haa)

到左夜晚....我到零晨一點都未訓得著,,,mr tai已經訓到扯晒鼻寒

咁我無無聊...又唔想嘈醒mr tai, 自己係黑暗中玩手機啦~~

點知玩玩下....無啦啦聽到"卜"一聲!!

已經心知不妙, 九秒九衝入廁所...原來一黎就穿水+見紅...真係多謝晒即刻叫醒mr tai話自己穿左水啦, mr tai好搞笑咁即刻彈起身第一句"我有咩可以幫到你!"

哈哈~~我話唔該你換衫陪我上醫院...佢嚇到好似驚魂未定咁款~haha

零晨兩點左右上到東區急症...勁少人..

登記左就等叫名....等左無耐就有個姐姐叫我入病房~

上到去先比醫生檢查....嘩~~勁唔鍾意囉~~~

穿左水仲要比醫生伸手入去...仲要男醫生...勁唔舒服+唔自然

但無計啦~~政府醫院無得我揀...之後檢查好晒...比醫生證實左係穿左水就可以換衫入病房~~

而mr tai就止步了,,因為佢唔入得...佢幫我填埋張upgrade 病房form就走了~~

我就入左病房, 因為我有b型鏈球菌..所以要種豆落抗生素..

一個字..痛!!咁大個囡都未種過...嗚~~為左呀b,,,唯有忍啦~~

咁如是者..訓下醒下...whatsapp下就到29/11, 0800am~~

早餐時間兼醫生巡房...今次病房係女醫生...感覺良好好多..

佢一黎就問我有無覺得有陣痛...我話一d都無~~

醫生就話..."咁樣你都係要催生架啦~你又有b鏈, 唔可以hea得太耐~驚影響bb"

其實我都預左催..但估唔到咁快咁解...

call 一call mr tai通知聲

29/11, 0900am..就推落產房~~嘩~~人生第一次~~

感覺係....成間手術室咁...但光猛好多果隻~haha

之後好多助產侍係度問我野...

之後就開始同我落催生劑+抗生素...真係乜都落齊..

而mr tai都於0930am到左..勁有效率..

陪產好處...唔駛咁悶...

係到1000am左右...助產侍問我有無痛既感覺..

其實真係好輕微果隻...之後就見佢地好似話加到最大落葯(催生劑)

**mr tai呢個moment暫時離開..因為返公司做埋d野先~
嘩~~唔駛半個鐘...d痛加大左...黎料黎料

初時都頂得住唔駛吸笑氣...自已用呼吸法...但到左1100am...

開始頂唔順啦~~~救命!!

問姑娘可唔可以比笑氣我聞,,,姑娘既回覆係"你d呼吸法好好呀, keep住丫,我驚你吸左笑氣唔識得生呀!!"

咁我唯有繼續屎忍難忍啦~~救命呀!!!

我痛到真係喊左出黎...成面淚水...

無幾耐,,,有個老年資d既姑娘問我仲咩事喊得咁淒涼..
(其實我無喊出聲,,但只係成面眼淚)

我就話我真係好痛呀...可唔可以比笑氣我呀..我頂唔住喇~~

咁個姑娘話你唔早出聲..真係陰公...唔好喊,,而家比你聞..

嘩~~我都痛到唔想再出聲應個姑娘...

我有要求架,,但你地唔想比我住咋~~嗚~~

之後mr tai返黎之時,,我都吸到開始ring 下ring下...

完全無理mr tai咁滯,,係痛痛下之制...

無啦啦好多姑娘圍住我床位,,醫生都黎埋....

醫生先幫我度子宮開左幾多度....佢塞隻手枝入去..嘩~~吸左笑氣都覺得好痛!!!>,<

仲係一度都未開=.=....din 架!!!!我果下諗...仲要我痛幾耐?!?!

係忍痛之時...醫生話有件事要同我講..

因為落催生劑,,呀b心跳有一下慢左落黎....而家會同我較返少d催生劑份量先...

如果再慢多一下要即刻開刀拎bb出黎~

嘩~~果刻嚇到我丫...但我又諗..係開刀就快...真係好鬼痛呀!!!!

所以果刻開始--禁食!!

如是者...痛到29/11, 15xxhrs, 終於開左2度喇~~感恩呀!!

但亦都證明....我有機會要再痛多48小時先生得...

因為14小時內子宮未開先會開刀, 若已經開左,,就會等我48小時!!

想點=.=".................

如是者,,,痛痛痛,.,,吸吸吸...個人已經處於迷離狀態..

不停聽到mr tai係隔離話加油...姑娘話就生得...等等既說話...

不經不覺已經痛到29/11, 21xxhrs....我終於聽到姑娘話我開到8度了~~

點解2度開到8度..需時7hrs....sign~~~

其實我keep住都有勁急屎既感覺,,但姑娘就不停叫我唔好亂痾..

到左8度...姑娘比我試生喇~~

但我已經痛到無晒力+唔識用力...(話晒第一次生嘛,,點識=.=)

但姑娘既結論係,.....呀b個頭仔有野頂住, 你個子宮要再開多d先再試啦~

結果又再痛到29/11, 23xxhrs, 開到九度啦~~又再試生..

但結論又係...仲係頂住左....想點呀子宮!!!...你係咪唔曉開呀!!救命呀!!

直至30/11, 1300hrs,,,我開始唔痛了~~~

因為已停催生劑,,,我子宮已全開...

只係睇我識唔識自己生....我已經跟足姑娘意思

一痛就向下push!!....但我停左催生劑,,我發現我可以10mins先痛一次~

所以變左push既時間少左...而我又唔識用力...

重覆左半個鐘.....醫生黎喇~~~

佢都不停"了"我下面(好那痛!!!)話刺激下我生bb喎!!

其實我已經無氣無力...佢覺得我放棄左咁...

就嚇我"你唔好諗住而家開刀呀, 呀b仲危險架!!"

其實我想講, 我都想生,,,只係我真係唔識&無力生囉~~

如是者..1個鐘過去了....e生話唔可以再等喇~~

叫我簽紙吸呀b出黎...

但都加多句嚇人說話"你唔好諗住吸出黎你就唔駛用力呀, 個吸盤只係出兩成力架咋, 你至少要出八成力呀b先出到世...你唔用力生..呀b條頸隨時會斷, 你自己小心啦~"

唉~~~聽完佢咁講..嚇到本身面青既我再面青d啦

好啦...開始吸喇~~佢地不停叫我向下push..但我真係唔識用果度力..

我無理佢地喇,,用自己方法啦====>就係條腰向後拗...

個姑娘見到大叫我唔好咁生...生完之後你就知味道..(佢mean係腰骨痛)

但個醫生話見到頭仔喇...叫我keep住啦..唔理啦~~生到就咩方法都ok啦~

所以我係咁拗係咁拗...mr tai都係咁捉住我隻手同我一齊用力

呀b個頭仔終於出黎啦~~

聽到佢地幫佢吸鼻吸口...

但個身仲未出..我要再用力拗...mr tai係咁同我一齊用力..叫加油加油就得架喇~

終於.....

30/11, 02xxam 出世啦~~

 
太殘了...要遮一遮~

elon出世 7lbs 8oz

但呀b出黎唔係即刻喊...要比姑娘打兩野先"哇哇哇~~"真係無用豬~我都喊埋....生你真係好辛苦呀囝....姑娘見我喊就比呀b我鍚返啖先去抺身..

之後醫生就幫我清埋個胎盤同其他野...開始聯針...

聯針對我黎講已經唔痛(其實少少咁啦~會打局部麻醉針架嘛)

姑娘將呀b放我心口...話係最好既止痛葯...我認同架~~

真係望住呀b....咩痛都唔怕~~~果下終於有做人呀媽既感覺~~

聯完針...mr tai就可以入黎同我地影全家福...好幸福果一下~~

之後要係產房等床位...姑娘就叫我不如試下餵人奶..

個衰b....好識啜.....姑娘話佢啜得好好...kaka

約四點左右...我叫mr tai走先..

而我都任務完成...可以上病房訓個大覺了~~~

後記 ~

第一日, elon 已經有靚姐姐黎睇你...好幸福呀囝你~~

訓住都識笑既elon
 超似daddy囉...=.="

elon: mama, 我要奶奶呀!!!