孕書推介

作為第一任手新媽媽,,,

除左...問下身邊朋友意見..

當然都要落下苦功...睇多d孕書

所謂識多樣野唔駛C~~

今次就等我介紹一下...我睇過既書中...

三本我覺得幾好既書 **註: 只係個人意見, 不喜勿插~

**絕無廣告成份, 只係本人閱後分享~~

1) 第一次當媽媽 - 作者: Lucia

有咩咁好睇:

我覺得呢本書作者既第一身感受同自己有d似..

佢又係東區生bb..好多野都真係寫實咁講返出黎...令我有種心理準備既安定~~

由懷孕至產後生活...一一記錄...雖然無教d咩補身方法..或者咩修身大法...

但作為一個心理備用書...真係不錯之選

如果咁橋..有準mama都係東區生bb, 我好推介呢本...

2) 騎呢weak 7搞大咗 - 作者: kelly

有咩咁好睇:

係yahoo blog忠實fans應該實識呢個作者..

佢2個小朋友真係得意到.....我都想生個b似佢地~~

呢本係kelly第二本作品...第一本講佢拍拖,,第二本講佢生2個小朋友經過..

本人都寫實既書係特別有好感...唔假唔係賣廣告唔係老作!!

睇完得著會更多!!

我邊睇呢本書都邊同戴生研究...教囝之道....我同戴生都好認同kelly湊仔既方法..

作為一個參考用途真係不錯不錯~~好過睇d長篇大論你又唔明佢up乜既教子方程式參考書先丫

3) 潮媽教主 - 作者: 陳倩揚

有咩咁好睇:

其實我本身都好鍾意陳倩揚,,覺得佢多才得黎好內儉~

一個幾好既電視藝人....有次同朋友吹水..佢話陳倩揚係揀順產生b..仲痛左40hrs!!!

就令我更覺得佢好識為bb打算,,佢應該家境不差,但唔會為左疼而放棄順產(佢好後生架咋)

so我更加想買佢本書睇下...

雖然封面講明係有咩修身大作戰..其實有睇廣告都知佢有修身公司贊助修身..

佢提供既只係餐單...

我覺得呢本書最值得睇..係佢由懷孕至生育果part!!!

真係感受到佢既痛同付出....呢本書亦適合準baba睇...可以等佢地了解下..生囝有幾辛苦

老婆生左bb之後應該點樣對待可能有情緒問題既老婆~~

真的不錯~~~