對自己好一點~

我老公一向唔係d細心爆既人...

佢成日認為多d時間陪我就係最好既禮物(咁呢個當然啦)

但有時suprise下都好架嘛...but he will not la

我作為老婆...老公心理上滿足到自己....咁物質上想自己開心d..

唯一方法自己滿足自己~~

so今期..我都著手plan下有咩係可以for坐月扮靚既野,,

一來調節下產後情緒問題...二來有邊個女人唔想靚~

我已經為左呀b cut左一間facial...

而家仲欠reenex 8次CPS就真係bye bye架啦~~

so, 我著手家居美容既東東...

對自己好一點 - 美顏篇
a) toner

首先唔駛錢既家中搜尋...

發現原來...老公上年去新加坡..買落幾枝so cleanser 我仲未用晒!!

就係呢枝...等同clinique 果枝step 2 toner, 但就無酒精成份...

每次洗完面再抺, 舊棉花都有d dirty野..

感覺乾淨好多~haha **無酒精成份架~~所以都啱大肚婆用~~


仲有成堆...頂!!好在expiry date到2015, 咪真係屎得!!

不過都送左2枝比人...仲有5枝努力用埋去~~唔好晒左戴生份心意!!!

b) mask 篇

i) erno laszlo 冰白面膜

我估好多人都識...

老實我一次都未用過架~~但又膽粗粗買左佢隻皇牌冰白面膜..

佢主打保濕/收毛孔 <= 廣告 / blogger講~

why會買...其實係個fd幫我買...hysan place而家開左erno laszlo..新店期內唔知到九月幾

全店正價9折....咁就叫佢幫我入左貨啦~~so nice!!

難得有折- 折實hkd522/1盒...已經無諗戴生想唔想...就入左貨lu~

我已用左一次...收毛孔又好似幾work喎~~

但唔可以咁浪費,,,,其餘3枝留返生完bb再用啦~~

ii) 彩豐行 C.L 十倍淨白纖維面膜

買完貴野...要執返d平野...經朋友介紹

彩豐行呢隻mask..可以媲美bicelle既hydrating mask!!

兩隻都係生物纖維..大家主打都係補水..(雖則前者個mask 名係美白)

但相對於價錢....2隻分別真係好大架

C.L mask - hkd25/pc
Bicelle mask - hkd430/5pcs (=hkd86/pc)

咁當然...C.L唔可以媲美醫學品牌...但輪價錢同成效...其實一點也不差...haha

我同戴生示範左兩隻mask..2隻都真係好貼面...唔易走位~好like

我敷果個係bicelle, 戴生敷果個係C.L

貴野佢話留返比我用....佢幫我清下d平野去~haha

咁如果有錢..當然bicelle係好d...(聽聞A字頭水貨店,,賣緊229/5pcs, 又抵喎!!)

但無錢錢...C.L都唔差架~~好多精華!!多到可以搽埋手腳..haha

要掃定d..坐月敷先得...

iii) clarisonic mia2 / plus潔面儀


由於個朋友買左用後極力推介,,佢話有左呢部野...好過去做facial....

所以真係搞到我心郁郁~~

plus係有刷身功能 / mia2只有刷面功能...考慮ing!!

其實佢主要功能係清潔面部..每日一次(官方網話2次)...

但我個朋友話夜晚用便可...每次1min

咁就可以做到切底清潔...去黑頭/收毛孔/去皺等..

同時令d護膚品吸收多d~

刷身就可以一星期一次...時間就無限

joyce beauty而家賣緊plus-hkd2100 & mia2-hkd1480

用hsbc 白金卡 or joyce beauty vip card有九折....

心動中...應該十月action!!!暫時仲考慮自己會唔會刷埋身~~

iv) skii 神仙水 / 鑽白精華


我都曾經講過...我用過神仙水既tester真係好work..我用既tester係30ml裝,,

我cheap cheap咁用都可以用到14-17日...哈哈~~

果2weeks既效果真係令我中晒毒

皮膚色tone一致左...毛孔細左(suprise)...最大功效..我額頭既油都少埋~~

呢個point...連mioggi生命水都幫我唔到....

當然人夾essence啦~~~好多人話生仙水不外如是..

但我試用過係自己身上又真係work喎~~

so佢都係我坐月target......生左呀b..可以安心咁用~~

其次就係佢枝鑽白精華!!

圖中...中間果枝...

價錢唔平...但勝在真係work...當然又係用過啦~~

係朋友不知道我用緊tester情況下見到我...都話我皮膚白左...

咁係咪證明真係work??haha

當然兩枝都唔係平...

神仙水 - 75ml / 150ml / 215ml / 250ml
價錢(hkd) - 470 / 870 / 1080 / 1200

鑽白精華 - 30ml / 75ml
價錢(hkd) - 890 / 1740

so我真係會等sogo感謝日 or 聖誕睇下有無d抵d既set裝先入手...
單買實在太貴了......長期買真係好肉赤..或者先用住神仙水先吧~

餵埋呀b第一個月人奶先再打算啦!!!
我都識自制架!!wakakakakakak ~

對自己好一點 - 飲食篇

係懷孕期要戒口戒口....但有時都可以放肆...

我多數係戴生要ot時間...就去放肆!!!

i) 甜野篇
好多人話孕婦第一要戒係甜..朱古力

因為會引起妊娠糖尿..同埋令bb有過動活躍症既可能!!

但我係忍左口六個月既時間....個fd請我去ritz-carlton high tea

機會難逢...破戒一次都唔係過份啫~~心理安慰ing!!

呢個set真的不錯,,,但老實一點...一下子要食咁多甜野..其實都幾漏下~haa

ii) 濃味篇

話說未有bb時我已經係豚王忠實fans...

有左後...有朋友叫我少食...因為此終有左要清淡d好...(註: 我好鍾意填味道 - 濃味/味油 - 多)
 

今次同朋友去....照填!!

但果然....食左之後返去痾=.=有報應.....

iii) 美心

成日好掛住紅豆冰....

自己又唔會落茶餐廳...咁唯有去快餐店先飲到...

咁橋又扒餐...自己一個嘆下先~~~~

第一啖紅豆冰...爽ar.....但好罪惡~~


但飲完..touchwood 個肚仔無事

對自己好一點 - 肚紋篇

大家都知有左bb..一有肚紋就好難收返...

所以點都要對自己好一點.....

由三個月開始...經朋友介紹就用緊bio oil呢隻油...


但老實..本人好懶...只係晚上沖完涼先用...但我會用多幾滴...

等個肚皮沾滿晒油..好似好潤為止....等到佢差唔多乾先放返件衫落黎...

touchwood...到而家差唔多7個月...肚線都未好明顯(肚圍38.5")~~~

而肚紋..仲未有發現...

我朋友教我一個搽油方法..有興趣mama可以學下...佢話吸收d架喎..haa

將個肚臍位作中間線...滴d油係掌心...搓熱去...

好核突咁大約劃左個圖...希望大家明啦~~


之後左右手同時由肚底部開始..由內至外咁推上去~~~

推到最盡...即係call機位都要推埋...

切勿在肚上亂打圈...會影響呀b....(唔知堅唔堅)

btw...暫時我係用呢個方法...希望黎緊3個月...唔好有紋出現啦~~

各位mama...記得肚底&胃部果part都要搽埋....尤其本身瘦底既mama...^^

對自己好一點 - 物質篇

上次個fd返澳洲..

佢話果邊買ugg平香港起碼一半...

呢對都係約港紙900....抵呀!!!香港ugg專門店..normal款都1.8k啦~

搞到好心動....

佢話要就出聲..佢會幫我買返黎...



考慮....買唔買...!?!?!??!?!或者過埋christmas才打算~,~
不過問過戴生...佢好似唔多想我入貨咁.....
暫時..給自己理由===>都係慳d駛~
之但係....我真係好愛黑色果對ar.......=.="

***後記1

各位放心..我唔係百萬富翁...

一下子真係唔會買咁多野....但每個女人都有自己"想"擁有既野...

同男人一樣,,,男人愛車愛電子產品;
女人就愛晒所有可以有機會令自己靚既東東咁解~

so我會係逐步逐步黎...haha

都係果句...女人要開心好易....唔一定要駛男人錢既~hahaa

自問唔係港女,,,亦唔會變怪獸家長...

我知道身邊果個心/身理上對自己好已經要感恩同知足...

作為一個職業女性/mama...物質慾望..其實可以自己滿足自己的!!

駛男人唔係做女人最終目的,,,搵到一生最愛才是最幸福!!

後後後記- 發現駛係呀b/老公身上真係幾錢都肯
  駛係自己度真係要計過度過,,今期做埋會計c咁滯=.="

**後記2

不經不覺倒數86日...

即係距離elon出世仲有2個多月...我要比心機!!!

elon都要同mama一齊加油...足月出世唷~~一言為定!!

elon, dad & mama love u forever!!!