吉之島BB用品展@放血篇!!

20/8 星期一

終於同戴生等到今日...下午先去私家覆診...之後就進攻吉之島BB用品展!! 滿心期待呀!!

咁去到...第一站當然係BB用品部....

首先我第一時間去執2件50碼既仿羊毛內衣, 因為上星期同媽咪黎過...但未到感謝日

所以等埋今日先一次過買...去到已經成個亂攤子咁..

左搵右搵都係得返d 大size..=.=" 初時都諗住放棄...

但本著唔蝕底...不停撈底!!wakakakakaka

終於比我搵到2件50碼既藍色仿羊毛內衣~~

原價 - hkd99.9,  bb用品展照價8折+j card折實後hkd75.9/per one

之後見到有另一個款,,但無呢隻咁密針..但質地都唔錯..又係仿羊毛底衫...我都執左一件

原價 - hkd59.9,  j card折實後hkd56.9/per one

好啦~~咁之後就再去睇下其他衫仔...見到全棉和尚袍都唔錯..又執左三件~

原價hkd99/3件, j card折實後hkd93.9

跟住就去睇下包被仔...其實都好抵...全部做緊7折!!仲未計j card果95折..

我同戴生就揀左呢個清少少既款...佢條圍帶好cute 架!!仲幾厚身..
咁就啱了..因為薄身包被朋友已經送贈

咁買埋呢張就夠數~~

原價hkd289, bb用品展7折+j card 95折= 折實hkd192.1

之後戴生見到一件厚身夾乸衣同佢細時果件差唔多一樣...
公仔係就係唔算太cute..但勝在厚身兼拾返起戴生童年回憶..難得戴生鍾意...買埋去!!

原價hkd229, bb用品展7折+j cad 95折= 折實hkd152.2

本身睇中左一套winnie the pool bb床套裝只係hkd599..但我鍾意果既藍色就無貨...
售貨員叫我2號再去..到時大堂會再擺展..到時會返到貨~~
咁我地唯有等下啦~~~

由於睇中果套床set送既枕頭比我感覺一般..即超扁兼無咩承託力..
我同戴生就買多個有凹位既全棉圓型枕..個size都fit個枕套架~~
質地手感都不錯不錯

原價hkd61.2, j card折實後hkd58.1

好啦...雜星野買到呢到為止....再去睇下bb傢俬...

前篇都介紹過我有target地去...係左試右試之下...終於揀左combi...仲係今日送埋貨黎
吉之島果然好有效率!!!

屋企本身都清理緊,,,再加埋呢兩箱野....簡直得一個字可以形容 --> 亂!!

Combi Roanju high chair - 原價3880, bb用品展95折+感謝日95折+j card 95折 = 折實價hkd3327.6

選購原因↓ (只屬個人意見,不喜勿插)

餐枱質量比aprica好, 實淨好多...腳身用係不锈鋼物料造..不重亦不易有損壞!!

附送既初生床墊, 軟硬適中, 亦易於去清洗...

附有一個小型儲物箱, 不用怕推到那又要回頭拎東東...

其次選擇原因 -----> 戴生一早對佢情有獨中

************************************************************************************
再來就係手推車

Combi Miracle Tune - 原價hkd4480, bb用品展95折+感謝日95折+j card 95折 = 折實價hkd3841

獨有combi避震頭墊, 即雞蛋跌落去都唔爛(佢講咋)
但手感又真係好好!!軟得黎有彈性...


專用嬰兒坐墊..避震頭墊已攝於坐墊內....整體bb訓落應該好舒服!!

其餘選擇原因 ---> 相對於aprica坐既位置,,我同戴生都用手去摸過/壓過/感受過,,

感覺aprica 係bb大脾至腳位..真的有d野頂住頂住..不夠combi舒服...

其次...其實大部份功能都一樣...aprica還要輕d同埋平d,,,

但經過研究...最緊要呀b舒服...

係bb用品部就到呢個段落......放血都放得好金下~~~

但未完....因為一早係家品部已經睇中左個膠櫃用黎放呀b d衫

趁今日訂埋啦~快快趣搞埋d野....下次黎係到我買埋張winnie the pool床set & 走佬袋用品既時候了~~

就係呢個日本製既膠箱...夠實淨同埋多色選擇...
我地揀左呢隻綠,,,比呀b隻眼仔多d 色彩...(因為全家以黑白為主調色)

內格仲一d都唔細,,,放晒呀b d衫仔應該無問題!!!
再講下幾jetso...呢個櫃原價hkd799, 折實只係hkd653!!

真係抵到爛!!

同場我都即場申請左aeon,,即場送左我地hkd90蚊coupon..咁即係全單再減hkd90
雖然hkd90唔係多...但c9數既我...感覺已經抵左架啦~~
今日血併完畢...
留待2/9再出擊~~~今期真係想儲錢都難呀!!

**後記
25/8/2012
今週六戴生又要on call,,,咁我唯有自娛...
自己去左長沙灣bb開倉用品...點知去到先知摸門釘....我頂!!

咁個颱風天秤又扯走下d風..個天氣又熱又焗..行到想暈咁滯

但難得放假又唔想咁就回家...

結果就出去旺角, 個fd話花園街好多平靚正既bb衫~

所以出到花園街...大肚婆都唔知係咪易見暈..唔掂..搵間野坐底食下野先~~

食飽又真係好d

就係食野對出一間排檔...就係賣bb衫....唔貴喎..連衣褲hkd45一件...咩size都同價..

咁就搵下啦~~結果買左呢3件~ 0-3m...


之後左行右行...見人派單張有bb開倉...
自己又鼠左上去睇下有咩好野執!!



第1樣野睇中係呢張珊瑚絨皮,,,摸落唔似會甩毛粒..好滑好軟
之前聽媽咪話過..買張呢d..冬天用黎墊係呀張床面..呀b會暖好多..註:即係唔係用黎蓋被..haha 價錢為hkd99


再行下...就買埋呢條幾厚身下既紗巾沖涼巾....貪佢夠大索水快..快乾...但花紋就得呢個..
所以只買一條...成惠hkd59


好老實講...呢間bb開倉買既野...我係淘寶都見過晒...(除左toys!!)

價錢又唔係話得十分平...質量又一般...單係我想買條褲仔既手感已經..... 仲要hkd39一條

咁我情願比hkd99係h&m買2條set裝質量都好過佢...

所以我只係買左呢2樣野就走人...(都係果句,,純粹個人意見)

我其實係淘寶都訂左批信譽唔錯既bb野...

等收到貨再同大家share下^^

happy shopping...荷包就黎ending!!  wakakakakkaka