bb床終於送到~~

前幾篇都講過我係網上訂左張babytrend既bb網床..

可惜,,我亦係好好好好好早期講過我自己係住d舊樓,,即得一部lift果d..

又可惜....咁啱得咁橋係我訂完第二日壞lift...足足壞左成個星期....

結果....賣家超準時發貨..但我就唔準時收貨...要hold住係快遞到先

結果搞左一大輸...一星期多d終於收到貨...仲要係叫戴生落樓下拎

因為快遞唔再等我地了

好.....講返張床仔...

黎度第一件事緊係拆開去睇下有無損壞啦~~有可以即刻退換~~~

其實個盒唔係好大...女人拎可能有d重,,,但男人拎就easy job啦~~

之後就拆開睇下~~


拆開係一堆野..完全不知如何入手.....咁就去搵下份說明書...

成份說明書講得好清楚點樣安裝....咁戴生就快快手行動~haha

識砌係可以砌得好快~~戴生果然勁~~女人都無難度呀!!



我地大約砌好基本出黎...再檢查下有無損壞就放左係廳幾日散下d味...

我地仲未砌個吊飾玩具啦..同埋個換尿片墊

原因只得一個...懶得砌...因為預左又要拆返~~

但都有拎出黎疏疏氣~~~

而床板如網上評論所講.....有d硬.,..所以都要去買返張床褥架啦~~

我估網床...大多數都係只有訂造先fit size~~~又要action了...

總括...床仔hkd950..可以由初生訓到3-4歲...+hkd30 postage我本人覺得絕對超值!!

講到好似賣廣告咁...haha..傻左~~

又完成一單...但好似仲有好多野未買..努力呀!!!


**後記

之前話係bb展訂既huggies 濕紙巾同片片都送到...

望落好似買多左咁...但朋友話好快清晒...叫我信佢...哈哈~~希望無駛錯錢啦~~haha

睇件呀b咁多野...忽然諗起米雪一句,,"葯相都變成手飾箱"

而我就係"客房都變成雜物房" wakakakakakaka

***後話2

頭先講到床褥...

我同戴生都去過吉之島睇下價錢..但要fit晒張床仔size係無..

就算係差一吋...但d款同質地都勁唔得(註:我覺得太軟咋)

質地好d都過六百一張(什麼乳膠果d)...但記住..係好d咋喎..唔係好好~~haha

結果我同戴生去左海馬睇下...我睇過d質地同硬度都幾ok..所以問下有無現成size

而個職員就建議我訂造..佢話好多mama都係度訂造..一來fit size, 二來布料可以自己揀

但床芯就係佢地指定既健康綿....結果我張床仔size 26" x 38"床褥,,再換靚少少個防水布料

埋單只係hkd337!!!真係好抵!!

如果係傳統果隻(即有菱型格格果d),,,只係二百多咋~~

所以提提各位mama...要訂造床褥可以考慮下..haha

不過...只係我鍾意咋....大家自己判斷啦~hahaa