頻密的檢查

自4月頭第一次見到呀b初形...(一粒豆豉)

接住五月就係密集式咁去check up!!!

真係唔係講笑,一個5月可以去見4次護娘+醫生,.,咁當然,,係因為我政府私家兩邊走既關係啦~自己攞黎!!haha

講返..自4月頭果次...都好期待下次見呀b係點既景象

老實.,,,第一次佢係一粒野..又未feel到佢郁..其實我仲未有做媽媽既感覺!!

咁政府約左23/4去抽血見姑娘, 其實港島區政府醫院比我印象都唔係咁多雙非吧~但都有d既~~haha

呢次好簡單...見下姑娘用下m期計預產期, 再去抽兩枝血,,再去book埋下次覆診照oscar咁就byebye得架喇

好彩大個囡,,,無要求過戴生陪我啫~haha咪佢真係浪費半日假=.="

5月第一個check up - 9/5
就係返東區照oscar..

今週呀b有11w5d大了...好想見下佢咩模樣...期待!!

其實都想戴生見見..但我知政府一定好快檢查完..所以我都係叫戴生留返私家先請假啦~haha

去到就登記..基本野量血壓度高磅重...果時我已經重左6lbs今云大鑊啦~~~唉~~算啦~~生左先減=.="

咁係等候室等左無耐就可以入去..初時以為醫生照...但都睇過d forum,,好多醫院而家都比左護士做e 一part

點都好啦~去得就要信人地既專業...至少人地做到護士我做唔到先!!wakakkakaka

入到去姑娘比我感覺超nice..個心又震震地都定左落黎

接下就落gel 開始照...

e張就係搞到我自己喊左既一幕...今次見呀b已經係一個人形了...

姑娘講左句:" 你見唔見到bb同你say hi ar(因為呀b隻手係度上下咁fing)"

我笑住咁喊左出黎..哈哈~~超白痴!!但好感動....e刻我真係覺得有個生命係我肚入面啦~~

呀b今次度頸皮結果ok, 1.77mm..之後姑娘加多句..一切以驗血報告作實..

so出返去抽血+約返下一次覆診就可以bye bye啦~~

5月第二個check up - 14/5
就係見我話要等兩個幾三個月既女私家醫生dr. mo..

今次呀b有12w3d大架喇..其實上星期先見過...不過今次可以問下e生呀b係boy or girl嘛~haha

今次戴生同行...去到首先驗尿,,量血壓磅重..咁之後等叫名..

其實今次我有book埋叫dr. mo同我做多次oscar架..

但dr. mo佢知我係東區做產檢,,就提議我慳返d $$

因為東區出名產檢齊及準...wow...果下覺得dr. mo真係好忠肯!!唔係為搵錢而睇症既一個醫生先^^

好啦~咁唔做oscar,,,醫生話就做個普通產檢啦~~

又係訓上去...左照照..右照照....

e生仲幫我數下手指腳指...暫時情況都健康的..

戴生一路睇一路話"衰b..衰b"..果幾下我都覺得佢好期待呀b來臨...(佢第一次睇超聲波!!)

但到dr.mo好努力去睇下呀b係boy or girl既時候..個衰b..遮住左=.="

***唔駛咁神秘呀..................***

btw,,只要佢健康...係囝係囡我都咁愛咁鍚啦(每個daddy, mummy都係咁講, 但實際個心係想某一樣架啦~haha)

咁就睇完今次...一齊安心了~~

5月第三個check up - 18/5
點解睇得咁密?!?!?!?!?

唉,,,,第一胎乜都唔識....我個肚keep住痛左兩日

訓又痛, 起身又痛,,行又痛,,(好在未有見紅)我真係十萬個驚!!!!!

話晒我都未夠3個月, 我真係好驚...結果同戴生商量過..聽朋友講先訓一晚床..

如果第2朝再痛就要去睇....

典下典下,,,,第二朝都係痛....唔理啦~~打去私家睇下有無位啦~~

點知dr.mo full晒,,想攝針都攝唔入=.="

咁我唯有搵dr. chen...好在,,有位..

由於戴生又要on duty,又唔想怨佢..工作要緊...so我又係靠自己上去..

點知搭mtr時..出事...見頭暈..暈到我係月台踎左係度托住個頭..都無人理我...

果下真係行又行唔到,叫人幫又唔好意思...唉....唯有踎到唔暈先起身啦...
(可能途人以為我係強國人..哈哈)

好啦...無咁暈,,,就上返車出dr.chen診所....上到去都要等成粒鐘..

不過產科都係咁架喇...要詳細就要等...

終於到我啦~~~入去dr.chen問我咩事...

我照講頭暈又肚痛...咁佢問返我轉頭仲咩肚痛=.=" 想點先~~

我話我知就唔駛問你啦醫生...咁佢話上床照一照呀b先啦~~okok,,唔係鬥氣時間, 呀b要緊

上到去...個熒幕一開....呀b隻衰b!!!!!!!!!!!!!!!!!!!!!!

佢係度翻轉身背向上咁生蝦咁跳....dr.chen講左句"佢應該仲精神過你喎"=.=

我知我知~~~咁醫生見我無咩好講..就問我知道boy or girl未...我話未啦~

佢都唔比人照...咁dr.chen話應該照到架喇...so,,,佢好努力按我個肚要呀b翻返轉身...

結果....左照右照呀b都唔肯比我地睇...醫生忍唔住出動4D!!!

之但係.......

呀b: 我係唔比你睇..用個背脊"得"住你先!!!


呀b: 比你搞到我打側,,,我都要用大脾遮住!!!哼!!!

對住呀b咁...醫生都放棄....................wakakakakkkakakakakaa

真係無野似,,,未出世就似足佢daddy d頑皮野-.-

之後醫生可能見我個樣仲好想知呱...

佢講左句"你問我...我覺得似囝,,,但人地問你,,你話得六四波啦~"

其實我心知...一日未到照結構都唔可以信...但知道都好丫...解左我個八掛心理先嘛!!kaka

最後我為左肚痛去睇e生變左次要咁..dr. chen話無葯食架~~

咁頭暈,,,佢又話"個個大肚婆都會暈架啦..好正常!!"

咁即係無野好再問啦~~乜都係正常......咁乖乖地比錢埋單走人

睇完果下唔知點解有種感覺好唔想再睇佢=.=",,,,,哈哈

5月第四個check up - 30/5

今日返去東區第一次見醫生,,

準時1030am去到,,但就等到11xx先見醫生...

ok..唔駛錢,,無所謂....

到我啦~~~第一次見東區醫生..都係幫我聽下心跳..check下乳腺..再用一部測心機幫呀b聽下心跳~~

再做一d婦科檢查....　一切正常...就完左今日覆診...政府果然係快手d..

五月check up正式完結...記錄完畢hahaa