貓@大忌

久別了yahoo blog...一來唔識搞佢既更新版

二來就係懶...

至於theztyle我直情諗住放棄.

因為人地以扮靚為主...老實我都唔多化妝..

無謂踩過界...

做返個平凡人...寫下生活記錄可能仲開心..

唔需要為試用而寫...其實仲free

講返自己近況...點解咁耐無寫blog

其實就係因為屋企裝修..至現在裝修完畢...

搞到人都癲...生b大計又未有著落.

做人懶懶閒之事就想來打返自己有幾無聊...hahaa

*********************************************************************
其實裝修好後...我本身有養開貓..那隻都已經養左成12年貓..

今年6月足13歲架喇...仲好健康好醒目..但就越老越嗲人..

一心諗住裝修好後...搬埋佢過來同我& mrtai住..

就係一切準備就緒之時...

臭be剛來都係正常貓搬新屋不習慣既反應..縮埋上圖中間貓屋內..

成兩日唔出來...唔食野唔飲水...

我真係擔心到跌渣之時...

諗住試下塞佢食d佢最愛既濕糧啦~~

結果佢係肯食..只係唔肯離開間屋食

anyway..肯食就有救0啦~~~

到第3晚開始..有我地係度佢都肯行返出黎..變得無咁驚了

而我都鬆一口氣...

mr tai亦好開心↓↓

平時唔比我係房食野既mrtai...都向臭be投降..係房餵佢食野啦~

無計..佢唔肯出廳食

仲開始跟我地一齊訓...佢最鍾意就係我同mr tai中間打直訓..真係比佢激屎!!!

******************************************************

看似有d進步之時....大約搬來第7日..佢仍然未有便便

再無便便就唔掂啦...要同佢去睇獸醫...

結果網上睇左d blog友...最後我地決定幫下佢通便先~~

就係用甘油泵...但每次只可以用5c.c.

咁我就捉臭be入廁困獸鬥...

都未gi到d油入去...可能比我吉到有d急..

自己入去廁所屙左一大篤...嘩~~安心晒..

*************************************************

臭be係新屋開開心心過左一個新年..

******************************************

一個月後...一切以為臭be定下來之制...

我同mr tai都發現左...原來只係我地一廂情願..

由於我地係同奶奶住....臭be又勁驚唔熟既人..

所以佢活動範圍都只係我地間房..

而去廁所只係在於我同mr tai返左屋企...

奶奶訓了..前廳熄燈之時...臭be先敢去廁所小小&大大

平時前廳有咩聲..佢都縮返入被內...

唉~~~好似坐監咁...我個心好痛..

棵貓樹由於驚...佢玩都未玩過...

其實係咪我地人類一廂情願比佢安享晚年..

但其實係害左佢..

結果我同mr tai做左個好沉重既決定..

就係帶佢返外家住了...

雖然唔捨得...但為左佢生活...點都要試下~~

結果就係某一個weekend...帶左臭be返去外家...

幸好...回到外家...

臭be好像已經認得所有...只係有d唔適應...

但起碼佢行動之如...想出廳又得...望窗又得...去邊都得先~

我真係安樂晒喇~~

雖然唔捨得...但為左臭be健康.

媽咪同爸b都係好鍚佢..或者咁對臭be到來係最好既生活..

i love u forever!!!

*****************************

後記

所有愛貓之人...

或者你同我情況一樣..

有隻老貓又要搬屋...或者要認真考慮下...

佢適唔適應到...搬左係咪會唔開心..

貓咪等於自己囝囡一樣..

有咩事....都好傷心~~

就算迫住要搬...都要努力搵好多方法令佢適應...

加油!!!各位貓奴~~