歸於平淡 - 回巢了~~

新工作很忙..

忙得有點不可開交

唔好話上theztyle打blog..我諗我連放工上一上facebook都唔再情願

因為..真係一天朝九晚八咁對住個電腦...

講講新工情況先..

一個字"忙"

如果lunch你帶飯的話..

就很抱歉了...食飽你就要開工..有1hr休息=休想!!!

想準時1715hrs放工 = 休想!!!

好~~忙就預左架喇~~我默默接受~~

但e間公司...我入職第三天...是非已經傳晒入我隻耳

與同事食飯....席間都係聽到說三道四

與A同事食飯就說B同事..

B同事食飯就說A同事

但A&B同事又可以扮fd一齊食飯架喎!!

真係嘆為觀止囉~~~

唔想做三八既我..保持沉默作風

你有你講,,,我有我點頭...務求快趣食飽餐飯走人!!

與同事間....我相信唔可以用個夾字去形容...唉~~

仲要比個23歲零經驗早入職我三個月既妹妹仔拎住雞毛擋令箭!!

話自己有人照? <- so what???

第一日入錯野, 佢就嗌到全公司都聽到 <- 我公司都有成三十人!!用不用??

不停與同事細聲講大聲笑,跟住又望住我 <- 你估我同你一樣, 玩心理戰??仲細呀??

好~我諗住忍啦~~

點知舊公司呀姐msn我問我做成點~

我咪直言話麻麻地~~~

咁佢就問有無興趣回舊公司...價錢佢會同boss爭取到合我條件!!

咁我咪答..爭取到就回來吧~~好過留係是非之地

打工為錢jar~~~

點知只係大半日...夜晚我舊公司boss已經call我

好有誠意叫我回巢...仲加到合條件價錢比我

續返我之前四年多既年資(咁即係有產假啦!!)

so....我就決定人工+條件合的話..做生不如做熟啦~~

回巢去了~~

(或許有人覺得我會被看死日後走唔出e間公司, 但我自己想法是 >>> 一間公司個老闆可以咁有誠意親自出聲叫自己返去.無幾多間可以做到..打工為錢啫~我e個年紀唔通仲學人去搏咩!!so我唔會後悔自己既決定....)

第二天就即刻回公司辭職了....上司實問點解

我都直接話人事問題~~忙我唔緊要..但太多人事上既是非

好煩好煩好煩~~feel so bad!!

咁上司話咁樣都無野可以再留我~~

就問我可以做到幾時...i say...即日唔該!!

就係咁.

我辭左新工...,亦抖左一日...

就正式返舊公司上班....舊同事見到我無諷刺無取笑

見到面只係講"你終於返黎啦!!回來就好了.."

確實很窩心~~

 就係咁...我又可以keep住打返blog..haha

一個女人結左婚+到左咁上下age

工作上既要求或者與後生時已經係南北兩極

或許而家應求的只係安隱/開心/舒服既工作

安心生b/準時回家為老公煮一餐飯

已經好好~~

坐得巧C服既寫字枱~~我回來了~~有無掛住我呀???

(我黐左)

又可以回歸著拖鞋返工既日子了....enjoy it!!!!!