Skinic Fine1.5 微肌激活再生治療

較早前上網見到skinic 有個"微肌激活再生治療既free trial

咁又真係唔執輸登記左去試下啦~hahaa

咁唔駛兩日..skinic職員就打黎同我約時間上去做free trial
(但電話職員把聲本人覺得都寸寸地,,)

不過唔理啦~~唔駛錢...試下啦~~

因為見網評e間都唔錯~~

咁09/Jul/2011下午三時我就準時上左去cwb既skinic

上到去環鏡都幾乾淨..以白色為主

首先例牌要填返份form....

跟住就會有個consultant帶左我去一間房做皮膚分析

果時唔影得相(我亦無問..)

皮膚分析就係好似上圖咁...

一照...嚇屎我呀媽個細囡..

嘩~~本以為做緊reenex...d黑頭唔會block得咁"肯"架啦!!

但睇完個圖...我自己都覺得好鬼核突~~

跟住consultant就開始將我逐個缺點放大去講

毛孔粗 / 色斑 / 荷爾蒙斑 / 角質層厚 / 暗啞 等等等等....

再講落去都想屎..

咁consultant又講返今次free trial既"Fine1.5 微肌激活再生治療"功用係咩~~

解說: 長聚激光在肌膚內轉化為熱能, 直達皮膚層至1.5mm加熱,
因而刺激膠原蛋白增生及活化細胞, 有效持續收細毛孔及細緻嫩膚,

完成後肌膚瞬間變得幼嫩及白裡透紅.

建議治療次數 : 每次治療約需30分鐘, 平均每7-10天進行1次..10次為一個療程

 好~~當佢講完一大輪野解釋比我聽..

我以為可以開波trial啦~~

點知!!!仲未講完喎~~

佢話" 你毛孔咁多dirty野~唔清走去~點收細毛孔呢??? 仲有你咁多斑..等我介紹多兩個trial比你啦..等等"

佢出左去果下..我心諗...今次大鑊=.="

 咁佢入黎呢..就開始講今次最好就試多2個項目療程!!!!! ..咁就更有效果

 係咩??等我又講下~~

 1) 合成基酸更生治療

即係咩黎呢??

解說 : 要促進新細胞再生, 去角質的護膚步驟不可忽視!!所謂角質層,

就是表皮上一層死掉的皮膚細胞, 它不僅令人看起來面色暗淡..欠缺光澤,

而且會將護膚品隔絕外, 至使皮膚無法吸收當中的養份.

所以應定期進行合成基酸更生治療, 去除過厚角質層, 暢通毛孔, 減少油脂分泌.

改善暗瘡粉刺等問題, 令暗啞, 粗糙肌膚回復光亮潤澤.

睇完頭果一句..各位sister都應該估到係咩~~

咪即係reenex既cps囉~~~不過唔同名啫~~

咁我都有問佢同reenex有咩唔同

佢既答案係...skinic有好多隻唔同果酸,...而reenex只係得一種.

skinic會因應客人皮膚..作出適當既選擇..達至最佳既效果~

ok...聽完~~~

到第二樣

2) 納秒定位點淨白更生治療

解說: 運用white 1.2納秒群定點激光, 利用震破原理將積聚層的色素打散,

達到代謝淡化效果, 從而有效令色斑減退, 並有助收細毛孔及具美白作用,

皮膚變得細緻嫩白.

建議治療次數: 每次治療約需時30分鐘, 平均每7-10天進行1次, 10次為一個療程

咁我又問題中女..問佢兩種激光一齊打???

咁塊面會唔會有問題???

 佢既答案係...無!!

原因:  微肌激活再生治本係打入皮層1.5mm

而納秒定點淨白更生治療係打入皮層1.2mm

so係無衝突的!!!!

 好啦~~~各位sister唔好以為咁著數

比我free trial多兩個項目~~(我只係一個普通c9 blogger)

trial價如下:

合成基酸更生治療 : hkd 325

white1.2 納秒定點淨白更生治療 : hkd 380

係我考慮緊既時候..個consultant又不停話.."你唔做唔得架喇~咁dirty..單做1.5點收毛孔呀..最好兩個都做埋啦?"

老實一句 "我果下覺得自己係一隻羔羊咁

..勁想走囉!!唔做又唔駛屎"

兩個加埋要hkd705!!!!!傻架!!我黎trial唔係黎比人"湯'!!!

但佢講到個合成基酸咁勁...我又想同reenex做個比較..

至於個1.2..老實丫...一次邊到見到效丫..試做都380...service又無per face咁正~我真係唔制呀!!

so最後我都係加左325去trial個合成基酸..

好啦~~我點左頭佢就九秒九call ba幫我做啦~

 入左房...唔算大..但都叫乾淨...

但就無櫃放袋囉~~真係無咩安全感~~

之後ba就入黎....幫我洗面...感覺佢好似好趕咁..

係洗面期間又勁問我係reenex d野~~當然係問我比左幾多錢人賺~

咁我係咁易帶過就算~~

好..到做唔駛錢既"微肌激活再生治療"

感覺無彈下彈下..只係feel到有d熱通面走咁~~

佢做完半邊面比我睇....最明顯既一樣野係虎口紋無左

(估佢唔到)

至於毛孔...老實...我唔覺得有咩分別~~

之後就到另一邊..佢話需時30分鐘...但我心裏打數

整晒成塊面....10mins就搞掂

雖然係free trial..但我確實覺得佢好"那西"...唔通唔駛錢係咁~~

咁之後又叫我等下..佢ready合成基酸..

reenex果邊呢...就千分咐萬分咐...做左cps唔可以做laser..

但點解e 度...........唔通又真係有分別??定reenex 棍我??

咁唔理..上左賊船(恕我口衰)...咁就試埋啦~~

佢話佢今次幫我做係同reenex唔同..佢係pha..

一塗落面....嘩~~乸到飛起..感覺強烈過reenex果隻好Q多!!

咁佢知我勁乸..就幫我吹風扇仔...又不停同我講..

係咪呀~~感覺同reenex唔同呢....你一定睇埋返鏡就知道我地好過佢地~~

 咁好啦~~3mins...就用中和劑...

有別於reenex..佢係抹的....抹左3次...我已經無乸

咁佢就話幫我敷過"凍水mask"去cooldown一下返面~~

記住..唔係補濕mask...係凍水mask...

咁算啦~~

做完...九秒九推我起身(e隻我覺得無咩禮貌, coz我未ready好)...

望住我著鞋...帶我入去consultant room

開始sell啦~~好趕喎!!!唔得閒不如收左錢就比我走算

咁佢問我效果點..

問心一句..望住塊鏡...效果明顯係好過reenex..

coz黑頭位置係清晒..而reenex係會谷更多黑頭出來~

當然我仍相信reenex係慢工出細貨(大佬..比左錢喎..一定要信啦!!)

咁好啦~~我答ba 幾好丫~~

佢第一野唔係sell我開course

係sell我買防曬~~

 就係e 枝 "ELTA"

我實在材疏學淺...自問唔係美容專家..好多brand我都唔曉

e隻我都唔例外..

無疑佢既質地有外於一般防曬

因為spf46..但搽落質地勁清爽....少少少少黐淋淋感覺都無

 咁我都有d興趣..但佢話要hkd380 / 50ml

剛比左hkd325既我....聽到都唔想再係度放更多買路錢~~

so reject左~~咁佢話日後有興趣都可以上返去買~~

各位sister有興趣...都可以上去單買product~~

好喇..ba講完...枝防曬正式開波講course

 

• 成基酸更生治療 - hkd5850/10次
  
  
• 
  
  納秒定點淨白更生療程 - hkd 7500/10次
  
  
• 
  
  Fine 1.5微肌激活再生治療 - hkd 8000/10次

如果淨白+1.5一齊買..可以用優惠優 hkd10,000/各10次

無可否認..佢地價錢吸引..

但你話入到房既服務..本人就未必太滿意..

so縱然係平...但我都唔甘心比錢去做e個趕頭趕命既facial..

或者只係我今次感覺不良....

網上話加送一個抗氧美白導入...完全係無架囉~~唉~~

我係一隻羊鼓..羊鼓...羊鼓....羊鼓....羊鼓 (咩.......)

但都當一次經驗啦~~~hahaa

分享完畢