ready做媽媽前@準備 - 冬草蟲/蜂蜜/葉酸

由於mr tai開始都想為人父~

但本人確實是一個要有計劃既人..唔會容許意外發生

亦都希望自己係有能力將最好(住屋、生活質素等等)留給BB既時候..

簡單一句...生得佢出, 就唔駛左愁右愁

其實亦已計劃30歲前生一個

本身自己身子唔係好..廿歲頭貧血

貧血醫返好...就輪到傷風感冒見頭暈時時有~~

家庭醫身都suggest我係計劃造人前先來個大進補!!

生b前第一步...全身進補@冬草蟲

其實本人由結婚前一年已開始進食冬草蟲丸補身

我揀左屈人巿成日都做特價399有兩盒既冠軍蟲草

無可否認係用錢買健康...但有時有錢又未必話買就買到..

所以買得到..都係一種福氣...都係值

食左一年....病痛少左好多~~

計計手指頭...真係touchwood講句...今年我只係睇得兩次醫生..

比起往年....真係少左好多~~~

so e舊錢真係值的...

但至於無得醫既鼻敏感...冬蟲草唔算幫到上最大忙~

但...都比平時好轉了些~~

生b前第二步...氣管進補@蜂巢蜜糖

其實我亦於一年前都開始食用蜂巢蜜糖

咩叫蜂巢蜜糖???

即係除左蜜糖...還有一個已處理好無蜜蜂bb既蜜蜂巢在內

還記得係某次去工展會..見到養生園攤位

佢地狂sell我蜂巢蜜糖..最顯著功效係醫鼻敏感

記得價錢不貴..hkd99一個四方盒...夠食用數個月..

食晒一盒....朝早鼻敏感情況真係好左~~

無鼻水自然減少我always發生既鼻水倒流情況~~很讚!!

but自個盒食完...我又遇唔到工展...我又唔知佢地分店係邊~~

so都停左一段時間.....結果係honeymoon時..

係小樽比我又搵到蜂巢蜜糖...

e樽...好大樽.....大約港紙3xx

我食左一段時間...朝早鼻敏感情況亦同樣得到改善~~

其實除左鼻敏感...仲有其他療效↓

具有抑菌消炎、鎮痛、清熱、解毒、利尿、治療慢性氣管炎、咽炎、胃炎、腸炎等等等等等

so我食後腸胃都好好...日日都可以去幫襯下個廁所大大架!!

由此我有理由相信....無論係咩brand...只要係正宗蜂巢蜜...都有佢用處~~

生b前第三步...為bb@葉酸

其實一直有問開友人..

邊隻葉酸係適合生前食用~~

做護士朋友話...最好就係生b前半年開始服用400微克葉酸..

咁長遠對將來懷有bb同自己都有好大幫助~~

因為葉酸功能：促進細胞及器官形成、製造紅血球的主要養份..可大大減少嬰兒神經系統出現問題.

如果係有bb一年前食用...更可減低早產風險!!!!

但巿面上..葉酸實在太多種類...

要細粒d..易吞d...一定要慢慢揀

有朋友試過係約房配...大大粒好似必利x咁大粒..一日一粒

佢話食到想嘔咁滯~~

結果我幾經辛苦....我都係買左GNC

係萬寧買的....hkd7x有100粒!!

一日一粒...一樽夠3個月..計落都好抵~~

但可惜的是....我食左兩星期~~

出現左頭暈 / 成日好攰 / 作悶 / 胃頂既情況

(註：我唔係有左!!)

so我暫停左服用.....情況真係有好轉

再問一問友人..原來先知唔係個個人都受到葉酸~

友人亦幫我問過營養師.

佢話唔一定靠食補充劑..平時逢係綠色疏菜都可以吸收每日足夠葉酸

so黎緊....樽野應該送贈朋友..

而我....就只好努力食多d菜啦!!!!!

各位計劃生bb既sis...齊齊為將來小寶貝加油!!!