Princess Beauty free trial~

係較早前..

同友人屎忽痕...見free trial就有你無理都登記左先

今次網上登記左princess beauty

登記翌日已收到電話跟我們約時間..都幾有效率

之後就book左6月7日1930hrs去做個free trial

由於本人腦殘關係....唔記得帶部G12去影

所以相片質素有限..

e度係位於銅鑼灣消防局對面的一座商業大廈5樓

一出lift就會見到超大個公司名..包你唔會入錯門口

當入到裏面...感覺簡約...平民化美容店

進來先填一份表格..再有一位負責人叫sandy跟我同友人逐一面談

先作一個簡單肉眼既皮膚分析...

可能本人真係皮膚毛病都係是離不開..多黑頭、毛孔大、角質層厚等等...

所以一望就望到啦~我都話我集最差於一身~wakkakakakaka

好..係面談期間..不覺得被sell..但每間美容院都係樣..

你唔join course..free trial都加少少錢做好d丫~

本身我登記時係諗住做無針破壁的...但因為上週三我先做完reenex既CPS

so為左塊面著數..都係唔好咁刺激..

咁sandy就介紹左另一樣野比我↓↓

RF射頻(詳閱上圖內文)

佢介紹我做原因想幫我去埋黃/收緊
(大鑊我唔係咁快變黃面婆呀????)

好~~唔理..靚就得啦~~今次佢幫我做晒full set..
我希望感受到係一個舒服既療程啦~

今次我刻意叫sandy安排我同友人一間房..

此終陌生地方..多個人陪伴會安心萬倍嘛!!!當我小心眼吧~

房間有兩張床..有多部儀器..地方算簡潔撲實

感覺還好嘛~~

e個就係我今次做既RF韓制射頻儀...

希望佢真係比到我想要既感覺
本人不求一次見效,,但至少過程舒服..e樣好緊要架!!
唔係女人點解要抽時間駛錢去比人搞塊面

本人今次facial程序包以下流程：

洗面→peeling→修眉→針清→搽保濕精華→RF射頻→面部按摩→
肩頸按摩→倒模→洗面→眼/面霜

試後感：(本人只會按自我感覺而說, 沒有廣告成份)

由於手機相片清晰度有限..唔post好過post

本人感覺係舒服..針清那一環真係四個字形容"痛不欲生!!"

第一次比人針到眼淚橫飛..

但美容師話我係千年污物..唔清唔得..咁我唯有忍啦~~
但個心就不停重覆"快d停快d停!!

其實我好想叫佢唔清..因為做完CPS唔應該去做針清的..

但本人又真係想試晒佢地full set感覺係點..

確實地..做完半塊面既RF..真係白滑左的..飽滿左既~

無咁暗啞..毛孔細緻左...

至於做眼圈果part..因為做眼個RF儀要換過一個細頭...

我見佢換左個細頭..只係look左我左眼無幫我look右眼???定係我feel錯??

黑眼圈情況我又覺得幫助不大..haha

講完我...講埋我朋友..佢今次試做係碳粉laser↓↓

佢今次free trial係一個叫碳粉laser療程(詳閱上圖)..

但free trial就真係五分鐘搞掂..要加錢先做耐d

咁最後我個fd都加左錢...

但個療程佢話返比我知就係..個美容師有點hea

碳粉laser程序包以下流程：
洗面→敷炭粉→等→等→等→做laser→敷水份mask→完

過程簡單係人都知..

不過..我睇過其他blogger..都好少話會痛..但我個fd話痛..

但美容師解說話因為面部有斑..所以打落去會痛d..

可能e個情況因人而己吧

但確實做一次係睇唔到d咩效果既..

有興趣&愛美既lady不妨一試..

***************************************************************

完成入房記：

sandy一定問做完感覺如何

確實係...做完我就幾舒服(不過仍覺得look漏左一隻眼)..我個fd就幾痛

咁實會傾下course..其實價錢一d都唔貴..

只係覺得感覺未必係自己鍾意..我唔擔保日後會唔會幫襯

但至少....今日唔會先...RF <- 比我睇下hold到幾耐先嘛..kaka

至於我朋友一直都係yankee做開..

所以佢覺得一比較下..唔係佢想要既野..

maybe碳粉laser唔係佢想要去relax既一個理想facial

所以我地都勁唔好意思推掉了sandy既熱情

其實一d都唔hard sell..e個真係不錯..

只係傾談方式..做到最優惠價..不計成本都做比我地

但確實係..想試到最好先考慮join..haaa

*************************************************************

後記：

一天後我拍了鼻頭一張照片

可以看看兩者分別...

前者明顯係黑頭滿佈的

但我唔知係咪因為CPS既關係,,所以我都唔敢gi佢..hehee

做完針清+RF..的確係乾淨左好多...同埋收細左..

但自問堅係怕痛既我...

都係用CPS算...

我真係慘叫左幾下..hahaaa