Per Face free trial 3As激光美白去斑療程(含大約price)

2011年6月26日

其實一直都有睇開唔同blogger介紹per face

但好壞各半..

但天生唔靚又貪靚既我當然想去試下

其實我想試既都係佢宣傳得最勁既"3As激光美白去斑療程 "

在per face網站見到有兩款"3As激光美白去斑療程"試做..

一款係答問題唔駛錢free trial (至6/7/2011)

另一款就係加388去試(無限期)

咁我e個c9咁緊係一定揀唔駛錢果隻啦~~

條問題好簡單..

答完填好資料..唔駛兩日就有電話打黎話同我約時間..

效率果然高呀!!

咁我就約左26/6上去cwb分店 free trial啦

 上到去..地方好光猛 / 白淨 / 時代感

一入門口就有親切既服務員同我打招呼...真係感覺良好

好..接住先填份表格..

再刻對一下身份證...

我今日個顧問就正式出場..佢叫ms wong..

先同我講解下今日個療程..等我e個無知婦孺比人帶入房都知道咩事嘛!!

首先ms wong先指出本人皮膚既問題..

亦都查問我最想改善既地方..(但老實丫..我集最差於一身..好多想改善喎!!)

so我都唔知點答....反問返佢.."你覺得我最應該改善係咩"(我又係到考人反應)

咁當然...佢就指出我最突出最顯眼既弊端去改善

就係黑頭多.毛孔大既問題...

原來今次e個laser treatment除左美白去斑...仲可以去除皮層污物..清潔毛孔..刺激底層膠原增生

未做都聽到我心動動呀!!

好喇...接住就係治療師陪我入房..

我今次個治療師叫呀bell...佢好細心..先幫我放野落去locker

之後就入房...未住!!!!!!!!!!!!點解無得機做皮膚分析??

我見好多blogger都有架??定係我果個唔包????

anyway...算..我亦無問...唔駛錢廢時咁多聲..唔做港女啦~

入到房就先訓上床...bell就幫我洗面...我無化妝架...但佢都好好咁幫我洗左2次

確保乾乾淨淨接受療程...

之後就不停講解返部機既功能同性質...某程度..我覺得佢比ms wong更詳細講解~~讚一個

好啦..開波做喇..

先用膠布封條眉同眼..以確保安全..

"3As激光美白去斑療程 "分兩個step

step 1: 以高速振動的laser去分解黑色素採用以短脈衝50億份之1秒高速振動的激光，喚醒沉睡細胞及促進過厚角質脫落，

將皮膚內的黑色素分解，重點擊退色斑，令肌膚回復嫩白細緻

 做左兩round....第一次就低力度d..第二次當我適應左就較返高d

全面打一次...再集中打我毛孔粗大位罝

打完半邊面..就比塊鏡我照下...

老實一句...係白左...尤其d唇毛!!wakakakkakaka賺左tim!!

毛孔方面..明顯係乾淨左..

但bell話無咁快睇到佢收細作用...

因為其實療程係有一個專用laser頭係專打毛孔粗大既地方..

咁當然,試做係唔包架啦!!!

ok..咁接住做埋另一邊面...成個過程我無睇鐘..但都打左好耐..

bell好有心機....起碼15-20分鐘吧~~

打好..再轉房做埋step 2

step 2: 獨有紓壓細胞按摩排走黑色素

於激光療程後，隨即進行3As紓壓細胞按摩療法，讓身心放鬆。 療法有助釋放細胞壓力，促進細胞呼吸養息，增強其吸收氧分能力，加強細胞循環再生，防止暗啞、色斑等問題再現，真正從根本改善粗糙、喑啞及色斑問題，令肌膚回復嫩白剔透。

入到房間,,先換件衫, 因為要配合佢有個肩頸既按摩

首先bell幫我做個保濕..再倒模

接位就開始由手指開始按摩至頭部...

過程10-15mins..但足以令我舒服到震(我覺得bell手勢好good!!)

按完bell就出去比我休息下

佢話e個係最佳既時間..好好relax下休息下等身體返d更新...

咁樣對剛才既laser 療程都會有好大既幫助~~

咁大約過左一陣..bell就入來幫我起模

再幫我抹去身上多出既按摩油..就完成今日既療程

換好衫...bell係出面接我去locker拎返個袋..

由於我唔駛化妝...咁就直接去見返ms wong~~

當然啦~~ms wong實問感覺如何..

老實丫...心動囉(不過無正面答)

咁其實我都想知下個價錢...咁就問下佢先啦..

其實e個laser treatment係分兩part

面 / 眼

實數唔show..大約啦~都係想各sister大約有個數考慮下join唔join..試唔試啫~

面: 1xxx
眼: 9xx

total全個: 26xx (包埋個mask + 紓壓按摩) / per one

當然...睇到個price眼都突埋啦~~

但確實我都估到係咁上下價錢架喇~~

即時有效既treatment又點會平丫~

當然...佢一講就講叫我join 10次~~

價錢約15xxx (當然佢會話可以分期啦~12/18/24/36)

其實好老實..本人唔算太多斑...我亦唔敢未完reenex個cps又join一個新醫學療程

我敢寫包單...join左per face一定比mr tai 將我斬件都似呀!!

(我自己都過唔到我自己)

咁之後佢見我無咩反應..再sell一個6次plan

但都過萬...唉~~唔諗啦!!

想起身離房之制...ms wong再提出有一個專for新客既試做優惠

3次"3As" + 送2次"GL細胞更生療程"

咩叫GL???咪即係reenex既cps..

我亦好八咁問左e個GL要幾錢一次..都係要930一次的..

再問同reenex有咩分別????

佢話會包敷水份mask同倒模...佢知reenex無倒模做完就叫你走~

但我本身仲有27次cps...我就問....如果唔想要GL咁點??

佢就話可以轉其他treatment..好標明係唔平既treatment!!

即用返佢地代理既醫學產品SkinCeuticals既treatment..每次價值950

咁講咁耐...e個3+2係幾多錢呢??

成惠hkd58xx!!!

其實老實一句...我個心動左...隻手仲入左落個袋到架!(想拎銀包呀!!)

個心係度諗..五千幾一炮過比都ok丫~~一次都有效果..

三次可能仲work~~

but!!!!!!!!!!!!!

個腦不停浮現mr tai一句..."唔係唔比你試, 唔係唔比你買..但你用完先再買新得唔得??"

隻手即刻縮返出來~~

再同ms wong講...想睇下黎緊皮膚情況先考慮

點都係剛剛試完嘛~~~唔知一個鐘後效果會點~~

咁ms wong都無留難我..成個過程唔叫hard sell (比起Dx. 已經好好多倍!!!)

咁出去簽個名就可以走...

******************************************************************************

treatment後感:

做完第一日..明顯係白淨左...因為我面毛都算多細毛毛的

但都一一幫我變白了...

至於少量既斑..我暫時唔見到有咩淡到

毛孔方面...係細左~~當然我深明唔會一次就超細緻..

但keep住做效果應該更好~~

客戶服務方面..

我見到d顧問對待舊有客戶都表現熱誠關心...

e點我覺得比reenex係優勝d..

如果cps完左...我相信我好大機轉過來

但到時又要睇下佢加左價未了~~hahaaa

文字太長...唔係專業beauty blogger無影相...
純粹分享...唔好意思~hahaa