Honey moon ~ Day 9 洞爺湖 - 函館

2011年3月8日 時雪 洞爺湖去函館

早起床...落去萬世閣餐廳

食個buffet早餐後....滿足地執拾行裝...

ready我地北海道既尾站(不捨.. ) -----> 函館

回到房間...有人仲好留戀個戶外景唔肯換衫..

來來來...半催半話咁先可以走出房間

check out後...就出發去函館啦(車程約2.8hrs)

到達函館時間約下午一時許...

仲未可以check in東橫INN函館站前朝巿
地址: 北海道函館市大手町22-7
TEL:+81-(0)138-23-1045

so我地又先去醫一醫肚先...

今次又係天書介紹既海光房

地址:北海道函館市若松町11-8
電話: 10：00 - 15：00/17：00 - 23：00

入到內就有多種新鮮海鮮可以即場即煮的...

但好多都唔知咩名..哈哈

來....先看看餐牌先..好多選擇

價錢就因人而已..平有平叫, 貴有貴食的

先來一客芝士焗蟹蓋,,

好香滑喎!!!有個意粉真係唔錯架!!

再來一客魷魚刺身...新鮮!!

友人點的魷魚刺身配蟹肉飯...

我總於海膽(就黎爆都要食!!)..好好味唷~~

活魚刺身!!

就係e條唔知咩魚..真係好核突,,,=.="

我覺得佢個樣好似我最憎既四腳蛇+青蛙

肉質如何??

其實都幾好味~~鮮甜..肉質有少少咬口..

如果唔望佢個魚頭..e個都ok...

我仲未知佢叫咩魚...?!?!?有無人識??

食晒d野..

仲係好似唔夠喉...再來一個炭燒帶子...wow~~大隻唷~~

新鮮多肉...好想食呀!!!

mr tai唔理我影相...已經忍唔住食左先=.="

好...再來多款炭燒北寄貝...

真係好好味呀...

燒出來有陣淡淡海水味...淡淡已經好好~wakakakakkakaa

之後差唔多時間..

我地就回東橫INN..check in...

回房..我地又比個時間自己抖一抖..

回來時我地又去買左個超大apple...

無花無假...我隻手咁大!!!(我女仕來說..手當唔算少的)

同mr tai係房k.o左佢..

食咁多肉..要清下條腸先!!kaka

**********************************************************

食完apple,,抖多陣就出發喇

今站係--->金森赤レンガ倉庫
地址: 日本北海道函館市末廣町14-12

係我地就住既旅館...行過去只需12mins左右~~

好方便...

天氣凍..去到見到有門口就入去~

入左一間專買地道食品+手信既店舖...

比我地見到有得散件買..

我地又口痕症又發作了

先來個綠茶草餅...wow

好難食呀>,<"

再來古古力餅餅..

e個好好味架!!!買黎手信一梳..但要雪的=.="想點~

再係門口影下相~唔知咩黎..

乜都影左先~無執輸呀!!wakakakkakaa

好靚雪呀!!!好凍既人呀!!

我就係後面既倉內既一間舖出事啦~

出咩事??唔駛驚...

女人係煩d..乜都煩一餐..

就係睇中左個音樂盒囉~~~但又覺得好貴

但香港又一定無得買喎!!

咁點好呢??

買?唔買?

mr tai見我諗咁多...話比多日機會我

明天仲係咁掛住個音樂盒..就陪我回來買~~

好了...行到六點左右...

我地知今次函館東橫INN係有免費DINNER供應的

所以就返一返旅館

咖哩無肉飯一碟...每人只限一碟

男女老幼都係同一size的

碟飯太少..我加多罐粟米湯飲下..

但e個都唔及旭川動物園那罐好味道!!!

再加個乳酪,,好滿足呀!!

但對男仕來說..

又點夠飯丫~~

我地係旅館hea左陣..

又出發回金森赤レンガ倉庫

去食佢兩位男仕一早想試既 - 成吉思汗

地址：北海道 函館市豊川町12-8 

來...先看看餐牌..

雞牛豬....選擇

但我地果日想叫果種唔知咩牛就買晒

咁是但叫d啦~~

點完菜...先來一條口水肩先(實為防油彈污衣服)!!

wakakkaaa型呀!!!廿幾年無戴過~~wakaaa

豚肉 + 牛排~

雜菜 (可以免費任fill的)

估下係咩??

係牛腸...巧肥既牛腸~~~

雖則肥...但真係好好好香口...

但一碟都夠晒流!!

今次燒烤我完全唔駛落手~

全因有兩位型男大廚主理...爽ar!!!

食飽飽...就走啦~~

我地都食到人地打烊呀!!哈哈

mr tai又黎料!!!

馬路留影!!!知你靚喇~

都仲係唔明點解咁鍾意同馬路影相!!!

今日函館既手信!!!

送比~~~~~~~~~我自己的

因本身我有鼻敏感..

之後有食開一隻蜂巢蜜調理..但又懶得去買

見e到有...就順個便買埋..而且價錢同香港差唔多

good~

明天繼續函館行程~~

續...