Honey moon ~ Day 7 札幌 Part2

 

上回話講到去搵食..

我地見e幾日真係食得太多拉麵同埋壽司了...

好想來個西餐...

結果就渣車去亂搵下..

比我地沿路發現左e間...

因為係隨處搵既關係...今次無地址提供..sorry

一入門口已經好多人..

仲好煙tim...e間店抽氣唔係太好..

不過唔理....入到去要自己畫位的..

即係..自己係張紙寫姓名、人數..

咁佢會順住叫人入坐...服務方面...一般啦~~

d侍應無咩笑容架~~不過兩個人做晒成間舖...

比我都笑唔出~hahaa

好~~肚餓了...先來個炸薯條先~~

好味道!!

mr tai叫左牛扒...左邊係醬油...右邊係一個比你再整熱d or整熟d既圓鐵位置

我就叫左招牌免治牛肉...都好好味架!!!

食飽飽..

我地又下一站了~~時計台

地址:札幌市中央區北1條西2丁目
電話:(011)231-0838

點解要來e度..其實只係唔想成日去shopping mall

去睇下札幌既歷史都好丫~hahaa

門口已經有個牌..簡單介紹左時計台了~

入場要比錢~~成惠200yen一位~

大家都排排坐...做咩??

就係聽緊世界各地既鐘聲....對我來說....無咩興趣..哈哈~~

之後上一層..就見到e個有仿時計台大鐘既細版...

可以細緻睇下佢係點樣運作的..

但有人睇到好眼訓~~

雖然我都無乜興趣...但話晒比左錢入場...點都要睇返夠本...咪蝕嘛!!

好~~mr tai搞咩??

e度有本書冊..佢係比遊人寫低到計時台既感受~~

而mr tai都寫左一句.."我與老婆新婚到此一遊"

有緣既您...看看下次見唔見到我地既筆跡?

可能已經比人刪左~wakakakakkakaa

睇完計時台..

我地就出發下一站..狸小路~~

狸小路購物街
地址:日本北海道札幌市中央区南２条西６丁目

其實狸小路對我個人而言...

唔係話好吸引...最最最吸引主要都係去葯房

每次黎日本都會喪入貨....入乜??

咪就係感冒葯囉!!!!!好過食幸X呀!!!

日本野..好野留返係國家唔出口係有原因~~

因為真係好得!!!哈哈~~

好..發完up瘋....講返行程先~~

行到唔知第幾段路...就見到e個牌...

眼晴閃左一閃...乜日本都有雞蛋仔???勁呀!!!

來個港日大比併先!!!(無聊ing!!!)

 

價錢:

日本: 10yen一粒..

香港: hkd13一底好多粒

味道:
日本: 雞蛋仔內裏密d..飽滿d..口感幾好..都幾香~~
香港: 雞蛋仔內裏吉d...但香口d 

結輪: 各人各好囉~~哈哈~我點會踩自己人呀!!!哇哈哈

之後我地行到中途

mr tai & 友人男...又肚餓起來

咁就去搵野食啦~~

〒556-0011 大阪市浪速区難波中3-1-17
TEL: 06-4397-6886
營業時間: 11：00 - 03：00

自上次去左大阪食一風堂之後

mr tai都記住佢有幾好味...

亦原來自己一早plan左到狸小路就再品嘗..駛唔駛呀!?!?!!??!?

menu唔大...款式唔多..印象中我無幾錯都係唔過五款拉麵

但都係果句...多款唔代表好味..

越簡單越試到佢既質素呀~(扮食家口吻)

好~~先來客餃子...

終於見到唔太濃餃子..一口一隻~~好味道呀!!

e度有個mr tai好鍾意既特色野~

就係所有生蒜都係自己壓,,包你新鮮衛生..要幾多壓幾多~~haha

所謂..落多d, 好味d..遇傷風  食多d..好文彩好文彩!!!

我地四個人都係叫左同一個麵..

品質有保證..我話的..hahaa

食飽飽.就在狸小路再行多轉...

就回百貨公司行下...嘆下暖氣了~~

續..