Honey moon ~ Day 5 層雲峽 - 札幌

2011年3月4日 大雪 層雲峽 - 札幌

今天九點落到去食個早餐..同東橫INN差唔多..

勝在e度多少少種類,,我有最愛既蛋..煎/炒/卷都有!!!

食飽飽就回房執好d行李了...ready落札幌 - 東橫INN了

由於車程都要三個鐘頭..所以中途站.見到小型商場..

入去小解下兼買野填一填肚先!!

入去只有d紀念品買..見到e架機..即刻想食章魚丸呀!!

等1x分鐘就有...出黎熱辣辣的

係車內自制章魚丸..其實只係灑返D紫菜粉上面架咋~完成

味道仲好好添!!!

係再出發途中...遇到一人生第一次遇到既暴風雪

果下幾驚呀..情況最壞時..前面架車都睇唔到..打燈都無用~~

好在有驚無險咋~~~

順利到達札幌外..

見到supermarket..我地又停左車..入去買下d乾糧先...

主打掃飲品同生果...日本d餐廳太多肉少菜了~

haha..滿載上車

我地就住既東橫INN未到check in時間..

所以先去鄰近既場外巿場...食個飯先..

一揀就揀左e間...貪佢前面就係停車場呀!!

入到去...包場咁...其實人地就收工..(已下午兩時許)

不過做埋我地生意咁解..haha真係唔好意思

我同mr tai都叫左個海鮮丼...我要細size..佢要中size

唔好睇menu幅圖碗飯咁漲~~實物都好鬼漲架!!!!

真係本屎食埋去!!

真係好新鮮..好好味...齒夾留香我終於知點解..

我地誤打誤撞..結果都無入錯舖...good!!!

戰況..除左同行女友人..我地三個都可以清碗

我又再一次欣賞自己超凡既食慾能力=.="

食飽飽..我地係場外巿場閒遊一回..

就去東橫INN 札幌北口check in了

地址: 北海道札幌市北區北六條西1-4-3 TEL:+81-(0)11-728-1045

check完in...抖下..

司機友人..渣左3個鐘頭車...都要比佢抖下

到夜晚..我地去左出發 - 札幌工廠
地址:北海道札幌市中央区北2条东4丁目
Tel:(011)207-5000
營業時間:
購物10:00 - 20:00
餐廳 11:00 - 22:00

 

再去左 JR TOWER
地址: 日本北海道札幌市中央區北５条西２丁目５
電話: 011-209-5500
時間: 10:00～23:00

但我地無入去...因為留返d錢去函館睇夜景

之後又係醫肚時間..haha都係果句..天氣凍..快肚餓嘛!!

我地去左 ESTA百貨內既 拉麵共和國

地址：北海道札幌市中央區北5西2-1 ESTA10層 　

來到日本..今次算係第一碗豬骨湯拉麵

係你想像唔到咁好食~~我比100分!!!

e個係mr tai點既辛xx拉麵(唔記得)

本身以為佢辣..但其實好有蕃茄味既湯底..good!!

而我就點左唔知乜..

但真係好好味...

但我上返拉麵共和國個網址已經無左佢間舖..?!?!?!

咁我咪即係一世無得再回味!!

唉~~

之後食飽都十點幾,,,

今日行程到此為止...坐車坐到pat都痛..kakaa

明天出發小樽..

續..