Honey moon ~ Day 12 池袋-新宿 311-9級地震

 2011年3月11日 天晴 池袋-新宿

今日我地在當地時間早上五時就出發

咁早去邊??

緊係去築地啦~~遲去有排等架!!

我地搭地鐵過去...

約半個鐘就到達..快步去排隊啦!!!!

e個就係正宗既"天濛光"啦!!

不二之選!!大和

入坐仍然係唔比影相,,

同上次一樣..同一班師父...

仲識少少廣東話..真係好醒!!!

食物質素..一定good 啦~~

食飽飽,,都係六點幾..咁早咩都無得行

so本人就提出左不如回旅館眠一眠..

下午再出發東京之旅吧!!!

回到旅館..都只係早餐時間

但竟然比我地見到多左件豬扒 / 蛋三文治

本著唔蝕精神!!!食多餐!!!!

e個就係我同mr tai既第二餐...........早餐..真係飽到上心口!!

食飽就上房...覺覺豬

約好了1200再出發!!

我地見這十多日行程都係食食食 + 訓訓訓

我地黎個運動日!!哈哈

無搭地鐵..用腳行落新宿!!

路程 --> 池袋 --> 新宿..

我地好輕鬆咁行...用左兩個鐘時間..haha

有時用腳行..睇到既野會係更加多..乜都值返啦~~

*******************************************************

落到東京...我地又再出發搵MUJI

因為mr tai & 男友人仍然想搵到可以退稅既MUJI

咁我地就係去左一間鄰近京王百貨既商場行~~(行到都唔知邊間打邊間)

上到七樓...咁mr tai第一時間問下MUJI有無得退稅

結果...mr tai好失望呀...不過有時差少少...無傷肝啦~~(女人角度)

千金難買心頭好嘛~~

咁無就走人...去第二間MUJI再問下

等lift之時...女友人瞪大對眼望了一下我~

續說"你feel唔feel到??"

我就即刻下意識向上望吊牌~~(函館有經驗)

之後我好快答... "我仲睇到tim!!!"

就係我講完e句..(以下內容打出黎好似好長..查實我地動作好快)

我地眼前電梯開左門...熄燈停左

d客人都即刻出來..

mr tai本想拖我去逃生門走人

但已經趕不及了~~

震幅一次比一次強...開始企也企不穩

同時亦聽到cafe內的店員開始示意客人躲下枱底時

mr tai & 男友人著我地去一個無乜貨物地點蹲下來

搖晃幅度越來越勁..

我蹲下位置旁係一部嬰兒車..那女人蓋好嬰兒車蓋保護小孩..

自己就去拎一張圓椅蓋頭..蹲在嬰兒車旁

而mr tai 都開始攬實我個頭

開始聽到MUJI貨架上的貨物跌下聲音!!
CAFE 跌下玻璃杯碎落聲音!!
日本人的尖叫聲!!

我害怕得靜靜哭了

期間只聽到到mr tai不停安慰.."無事無事..唔駛驚"~

震動期間..我只係感覺到層大廈真係搖得好厲害

厲害得好像快要倒下一樣..好像與死神貼近一樣~我真的有這樣想過

跟函館那次係分別好大...

震動持續左兩分鐘....當開始感覺到慢慢停下來的時候

職員就立即開緊急逃生通道比客人離開

mr tai 九秒九扯我起身衝落樓下...

落到樓下...一個字亂...大堂化妝品專櫃全部跌晒...

出左商場外...滿滿是人...商場外爆裂滲出水來

每個日本人都打著電話...我想是報平安吧!!

我地果時仲未知道有幾多級震

但心知..函館果次咁都7.2級

今次應該都唔少野...

mr tai為怕免香港家人擔心..都打電話返去報平安

可惜的是....打唔到~=.="

我們隨著當地人..前往左所謂既避難處...公園

滿滿是人...他們都顯得很冷靜..

不慌不亂的等待公司指示才返回工作位置..

期間餘震不斷...我的心從未如此快去跳動這麼久..

我地見係公園好似都無咩可以做...JR又停了..

就開始舉步起程回池袋及搵食了吧(早知...出發就唔行啦=.=")

途間...mr tai入了三支大水及少量乾糧..for不時之需..

每入室內地方...mr tai 及男友人都著意我同女友人要在外邊等待

有乜事都唔怕走唔切

如果大吉利是...再震..我又點會自己走左去!?!!?

結左婚...甘苦與共!!!一定會入去拉埋mr tai先肯走!! (打到此又鼻酸)

***************************************************************

係我地回程期間...經過讀x新聞門口..播緊新聞..

我地四個人..就企係度睇...

四個人望住電視新聞既反應係呆左~

有海潚???8.9級(果時仲係)???沖走晒d屋走??

我個心又再酸一酸...我地知道情況後

mr tai就建議不如去cafe坐下先...等大家cooldown一下先

心情好下來再起程..

看..mr tai 強顏歡笑~~但佢都係唔想我再驚而已~~love u!!!!

由於網絡不通...打不到回家

好在友人有電話卡..用來上網(上網無影響)

我地四個坐在cafe輪住用上網...一開facebook..

原來已經好多人在wall上留言叫我地快d報平安

好擔心我們...香港消息真的很快

快快打了數字...報了平安

就叫點食物..去忘記下這份憂愁先
(因朋友留言說兩個機場都close左 + 仲會有不停級數餘震, 所以唔到我唔愁)

我同mr tai都點了杯Cuppacinno...好香好香的一杯咖啡

再來一件cheese cake..用心製作的一款~

唔知係咪地震既關係..

還送多我地每人一件朱古力cake拎走

是雪中送暖嗎??

日本人這種性子真係好值得香港人學習!!

離開cafe時...天氣凍了不少

mr tai話可能海潚扯走左d空氣搞成咁

我真係凍到震....再攰再凍都要捱埋落去

途間...友人再提議不如先行食個麵

未知池袋咩情況...食左好d

咁我地去返歌舞技町....博多天神拉麵塞一塞個肚

3年後重遇既豬八戒與豬先生!!!

蔥叉燒拉麵...豬骨湯還是你最好!!

食飽飽就要努力行返去池袋啦~~

全日本人陪我地一齊行!!

沿途睇水牌時...都有不少日本人問我地有無事?

有咩可以幫忙...其實真係好窩心.

就算言語不能溝通..那份待人既真摰係完全感受到的..

好不容易返到池袋...天黑了~

但見各大大少少旅館/酒店大堂都塞滿人龍~

mr tai提議不如先去晚飯先

既然....shopping唔到...就去食好d吧~~

補返d膽水都好!!!

在旅館附近有間牛兵衛

地址：171-0021 東京都豊島区西池袋1-10-2 日高ビル1F
電話:03-3983-7676

這兒係專食山形牛的...

來...叫最好的食下~hahaa

山形牛一頭六種盛

唔知d肉邊到打邊到了..只係知道好味到無朋友~~

入口即溶.....好味道呀!!!

每次四件..免燒得太久又或者兼顧唔來燒焦...

我地真係太PRO啦~~~wakakakkakakakaa(發癲中)

我估我燒到佢六成熟啦~~超好味~~

一咬bit油!!哈哈~~超香~

再來一客....雪花多到呢~~~

牛刺身....放在熱騰騰的飯上1分鐘再食

感覺非常良好!!!

看...mr tai今次又做廚師啦~~

但燒出來確實不錯~~

你返到香港咁鍾意煮野就好喇!!!

食飽飽...已經晚上十時許...

回旅館了..

剛才的人龍都散了

電梯只開了一部...當地政府在旅館大堂放了免費支裝食水供住客飲用

我地無拎到..回到上房(最高果層14樓)

我地四人都係第一時間睇逃生路線

因為今次震得太怪..好少震完(7.2級))咁快再大震..仲不停餘震
(或者係我地concept錯誤)

回房後...物件散滿一地...搖晃程度可以看到

友人房內掛鏡亦搖至鬆脫...恐怖

我地入房後..各自快速沖涼(門不鎖的)

就係mr tai沖涼果下..有一個5級餘震

我嚇到蹲左係廁所門口..mr tai九秒九抹身出來陪我

另一邊...友人亦不停查看機場問題..

睇下我地班機會唔會delay~

但一切都confirm唔到..只好等明天情況吧~

機場重開...就有希望

回房上一上網...看到姐姐在facebook好擔心地留言

說"媽媽哭成淚人了...為何還不能給他一個電話"

這時我又哭起來了...只好留言叫家姐安慰一下媽媽..

我一定好平安回港的..

唉~~我不是不想打..而係打唔到電話

但都無心情爭拗..佢地都係出於關心我們..

mrs tai先叫我去睡先...

整夜...不停餘震...熟睡是無可能的事

各個電視台都播著新聞..

mr tai睇到三四點...都唔想再睇...搬開一切會有跌下危險既東西..

便熄燈.....睡覺了~

續...