Honey moom ~ Day 2 富良野

2011年3月1日 落雪 - 富良野

今日九點集合..

落酒店大堂食早餐

選擇都OK..質素都OK的..

我又係蛋蛋蛋...遲早蛋固醇過高!!kakaa

食飽飽...就落去滑雪場啦~

ready今日學滑雪之旅..

去到有得揀滑雪 / Snowboard ..

本人自知平衡力有限..都係唔揀snowboard啦~~

yeah!!先來個有姿勢無實際既post先

出發啦~~白雪雪一片..真係唔帶眼鏡..真係眼都傷埋~

第一次感覺係...失控!!!

完全唔識去平衡囉!!

即係一有斜坡我就屎硬啦!!!

點解??因為我跟住個斜坡落架!!!

人地剎制就係好型咁打斜塊板~

我剎制呢...就係成個訓係度先停到..

mr tai都no eye see=.="

唯有自己一個屎屎地氣係一個安全既area練下啦~

無謂累街坊嘛!!

係我自行練習時

兩個男士又無聊起來~

來個雪地戰!!每次行程都要打下...爆~~~

係未學識情況下..就走去上山..

真係大膽到無朋友呀!!哈哈

因為要著住對雪橇坐車...

落車情況點???

諗都諗到...首先落地→跟住跌落地→除撬→

再跟住要避開d吊車免阻頭→爬埋落地再碌碌離開現場先起身

哈哈...勁白痴=.="失禮街坊..難怪山上個職員睇見都笑~

帶比佢係寂靜工作上一點歡笑~wakakakakakakaa

e個身形..就係mr tai

佢同我一樣...第一次滑雪..

點解佢好似有板有眼=.="

男人學野唔通真係快d???

頂!!!

玩左大約三個幾鐘..肚餓..

就放返d野落去locker..出街搵野食醫下肚仔先啦~~

離酒店約13mins車程...就有間叫"小玉家"

即刻令我諗起櫻桃小丸子內既小玉..hehe

來..先看看餐牌先..

但都係只有日文meau...我地又係看圖點菜啦~~

我亂叫下..竟然叫左個我平時唔食既泡菜豚肉烏冬

但食落...又幾好味喎!!哈哈~~對泡菜改觀呀!!!

e個就係mr tai個set...

e間野質素都ok..係北海道好易搵到一間

可能類似mc記咁..係連鎖式...hahaa

lunch後..我地駕車周圍去..

去到差唔多又返去滑多陣雪...

好快就天黑啦~~

酒店包一個去酒店對外雪地遊戲既門票

我地唔執輸去睇下啦~~

入場是免費的...走時仲送每人一罐啤酒..so nice!!

mr tai玩e個水泡時..落緊都幾大雪..

so真係好凍..但唔駛錢..玩左先~~

又真係幾爽呀!!無人..好似包場咁..

任玩幾多次都ok..但唯一要求就係要自己拎返個水泡去起點比職員的

大家玩完...就去一去酒店外既森之時計

裏面真係好靚..好似卡通動畫咁..

好浪漫唷~~~

內有不同既工藝品出售...

有藝術氣質的人..去到應該好野買~

行完森之時計...

天氣凍...快肚餓..又係去搵食啦

天書介紹左e度...福壽司..地點唔難搵..

但唔好全信GPS..唔知係咪落雪搞到個GPS都shot shot地咁~

入到去...等了一會就有位..但都幾滿場的

證明都應該有一定品質啦~~

mr tai又扮日本人...哈哈~~

e度只係得兩種坐位選擇..

一係bar枱...一係就入房...我地就梗係坐房啦..

私人d嘛!!hahaa

先來每人一碗湯...唔好見佢清如水

有味架!!!咩味??

咪鹹味囉~~wakakakakaa

再來一客壽司併盤..e度係可以免費加大架~

但自問細食的你...可以食返普通size都ok

以上我地梗係加大左啦~~每件約一隻食指咁長..都真係幾大件架!!

估下e個係咩??

馬肉刺身...想當年睇speed d綜藝節目

上原多香子同島代寬子真係去食馬肉刺身..

都令我想試下架喇..今次真係試到..

感覺係.....

好香肉味喎~~但某程度...確實又好似有d殘忍咁~~

縱使好好味...但都係可一不可再..

再來個魚子海膽飯..uni真係好味到無朋友

香港...係邊度可以搵到好似e度咁新鮮呀??

再來多個雜錦魚生飯啦~

一個字新鮮..食完真係飽飽啦~~

好滿足~~

之後就駕車返酒店了~

泡一個溫泉...大覺睡了~~

明天出發旭川!!

續..