未來奶奶試衫

今日一早約好mr tai....約定未來奶奶(下稱tai's mama)同大嫂去租衫..

下午先一齊食個lunch...之後再回家抖下..因為大嫂要湊囡囡..要大約五點先可以到

咁差唔多時間我地就同tai's mama搭車出去金都..

仍然係去返松柏婚紗到睇...因為多媽咪衫嘛~~

大嫂未到..tai mama先行睇下, 我同mr tai揀左四件唔同色大約都為旗袍款式比佢試, tai's mama鍾意d簡單d..但一定要大紅大紫,,著得佢好睇...hahaa

第一套好簡單..企領旗袍款式...tai's mama著得好靚...可能因為夠高...但腰圍再修下會好睇好多..hahaa

第二套紫色,,,圓領款..又係簡單款式..tai's mama已經試到笑晒口..見牙唔見眼

tai's mama好有主見, 其實試左四套..佢已經心有定案,,試到第四套佢出黎已經話要一紅一紫..haha真係好快搞掂~~

之後大嫂都來了, 因為佢唔知著咩..而e到又有個幾優惠既五件package套餐,,so都叫大嫂租埋啦~~

就係e件..大嫂揀衫好簡單..唔要暴露, 唔要搶眼..簡單為主...果然係傳統2囡媽媽

結果我地無咩比意見,,佢話鍾意就落左e件灰銀色既長裙..我地就扑鎚啦~~

真係話咁快就搞掂,,,之後就等埋呀哥收工dinner..

又完成左一單喇,,,感覺又鬆左一口氣!!hahaa