BEBE試妝篇 part 1

8月17日

地點：尖沙咀IN WEDDING
時間：0700PM
試妝費： HKD150 (此價只限join左租衫服務)

今日book左in wedding既試妝服務..其實因為係E度租衫，就試埋佢地個MUA. 睇下好唔好, 如果ok就諗住一間租晒唔駛煩嘛~~

MUA咩名就唔好講..我一去到..就傾化咩妝既野啦!!但....

我唔係同個MUA傾, 係同我d 姊妹傾

初時我諗住係佢要ready, 先唔主動比意見我地. 因為我覺得一個專業MUA係應該量度客人輪廓去提議妝容...但佢永遠答案都係：「你鍾意啦~你睇下d書邊個鍾意丫?」

咁都無計, 比左錢都要繼續,, 同d姊妹傾好...就係d書攝好紙仔比佢睇.

咁佢就開始幫我化啦~~嘩嘩嘩....↓↓↓

1) 化妝第一個step洗面,,佢係無幫我洗就開始化!!!
我感覺：我果下O左嘴囉!!!

2) 初時好溫柔...未落化妝掃還可以...一落呢..我勁痛...d掃好吉肉
我感覺：我試完第二日眼皮對下位置仍然痛緊

3) 佢用粉樸時...一手拎粉樸又畫eyeline..咁個粉樸呢...成個塞左落我個嘴到!!
我感覺：我真係食晒佢d粉囉!!唔該晒佢...失驚無神架佢d動作

4) 到整頭啦~~不停話我個頭又厚又齊又粗好難set..無層次, 應該剪返d層次先去試妝set頭!!!!
我感覺：一個PRO既MUA, 係咪無論係再糟糕既情況下都可以SET到一個好頭呢??同埋駛唔駛每個準新娘..都剪定個頭ready佢去試妝呢??? <-記住: 只係試妝而已

5) set頭就扯到我個頭好痛,,插夾時仲好多位令我痛到想縮咁滯
我感覺：我有嗌痛, 佢既回覆叫我忍下..而唔係佢去改變佢既力量同落夾方向!!

6) 佢所有頭都係照書set,,我個sister只係揭左去第二頁.佢就話唔識set要睇返!!!

我感覺：真係PRO極有限=__="

真係.....唉唉唉~~~但有禮貌既香港人!!!!我忍!!!我都期望三位姊妹再比意見我再作決定~~cos我驚自己太主觀

首先set左個褂頭

後面睇

側面睇(樣子都不屑中...)

正面....我對黑眼圈係咪好明顯呢???我d sister話我好似比人打左兩拳咁
一d都遮借唔到, 仲有對睫毛.....係我最唔鍾意果d一長一短一長一短果d...

不過比左錢就試埋個晚裝頭....登..登...登.....登(pls自行配樂!!)

一個字亂 (佢果時係趕收工!!!話set住咁多先!!)

我覺得e張...似伴娘or 姊妹頭多d囉=.=
仲有我已經講明唔鍾意兩條卷卷放落黎=__="
唔通廣東話佢唔明!?!?!?!?!??!

咁試完...正常都要落妝....但落法亦都豪邁過人!!
1) 假睫毛係一手扯出黎!!!x 100
2) 個妝就只係用一張乾紙巾由額頭大力抹到落下巴(包括埋唇膏) x 1000000

嘩!!真係唔該晒佢...我最後只能講...hkd150試妝費, 真係一分錢一分貨=___="

最後店員好有禮服問我有無興趣用e個MUA??

咁我明知自己唔會用佢..都好有禮貌婉轉咁話要考慮下啦~~~

點知~個MUA即刻變聲話：「你今日唔BOOK, 我唔會留個期比你架喎!!」

真係妝前妝後兩種態度, 我真係用左E個MUA既話, 我相信到我BIG DAY真係唔止我一個受佢氣囉!!!

趕時間就媽媽夫夫..咁in wedding職員都仍然好有禮問我會唔會再考慮即時join!!
我話...咁我比左hkd150你地先...我要再考慮...
另外個sister仲型,,,百五咋嘛..豪出去試下d唔好既野啦!!!
雖然好似好無禮貌..但我又覺得條氣順返晒!!

幸好...in wedding d職員唔會即刻變臉既人...咪我真係怕怕=.="

***後記***
我相信以上只係本人不幸既個別例子, in wedding係有好多化妝師..唔係個個都咁差.
我亦知道好果d好早已經比人book左..so各位唔好比我影響對該店MUA既信心!!!

我亦唔想影響人生意, so MUA姓名都不便透露啦~~

只係在此呻呻不快經歷!!