bebe租媽咪衫+家姐裙

6月28日

今日放工就約左媽子&家姐前往金都商場

一放工...落狗屎囉~~唉~搞到兩點半大家先集合到..仲要未有野落肚..陰公呀!!

但試衫要緊...媽子一早同爸子去食左野..so係我同家姐都唔餓既情況下..先去金都揀衫

我有一位朋友介紹左一間媽咪衫ok既地方比我...係金都地庫角位...松柏.

入到去...媽咪就真係雙眼發光,係咁搵佢心水衫..

其實早前我已經係facebook比過d相媽咪睇..so我大概都知道佢鍾意咩款..咁就叫店員拎比佢試下啦~~

一試就試左六套唔同款既長衫...本身諗住就租一套, 但媽子話家姐都唔會擺酒,,要靚一生人只有一次!!!!佢想租多一套喎~~

佢講到咁大....亦知道係事實...當然比佢租啦~~
係搞左成粒鐘既情況下....終於有揀到租咩啦~~

媽子最緊要就係閃..閃..閃...最好閃爆來賓對眼!!哈哈~~佢好爆笑~~但e兩件佢確實著得好好睇..但最好就減下個肚先啦~~唔係真係girdle + 腰封都幫佢唔到呀!(我正衰囡來)

咁佢試完就到家姐...家姐就同媽咪要求好相反..佢話唔要閃唔要誇..仲要沉色...最好果 日佢可以變成透明人=.="我頂!!!!

咁由於同一間既款都唔啱佢...太個鮮了~咁就先同媽咪埋單...成惠1760....但店員話到時奶奶都係到租就可以join返三件以上既package..但到時先算啦wakakakkaka

之後就上左二樓...同家姐睇衫...佢揀左件紫色紗tubedress...

 

一著出黎佢就勁鍾意..即刻唔駛再煩啦~~~成惠880 ...e一件就媽咪埋單..好快搞完~

咁媽咪話會包我套褂..咁就順個便睇下啦~~其實本身我係in wedding都包埋褂..但我想睇下有無d再靚d..因為本人係唔鍾意著傳統褂..感覺硬係格格不入

但原來潮褂真係幾貴, 我地睇左幾間..都成八百幾樓上...有d仲要千七八..傻既咩~~~
但d款係同in wedding既潮褂同款喎..咁我梗係唔會租佢地啦~~

之後...硬係覺得心有不甘...無理由搵來搵去潮褂都係得以下兩隻款既!!!
1) 直襟潮褂

2) 斜褂潮褂

我嫌佢地唔夠金呀!!!同埋好花碌碌(純粹個人意見)

咁就問媽咪可唔可以去冠南華到睇下啦~~咁媽咪又肯喎~~咁我地就食左少少野就行左去佐敦果間冠南華了

一入到去好古舊感覺..個店員問我想要d咩褂..第一句~潮褂

咁佢就比左d圖我睇先...係潮褂一part中真係多好多款的..唔係單單以上兩款~

但點多款都好...都要問下佢幾錢一套..我深知唔係我比錢唔代表幾錢都得!!

佢一開價...成惠3800 <-聽完個人呆左同家姐對望無反應啦!!!有無貴成咁呀!!

咁我知27-29/8/2011係婚展期,,,咁我咪問下個店員有無得折有無婚展價啦~~

佢話有...可以做個折頭比我...成惠2000一套...可惜.....我都仲係覺得好很貴呢=__=

咁一場黎到, 點都要試下既(試又唔一定等於要租既道理下)

我就係試左我心水e一件金線龍鳳斜襟裙褂...

一著上..我黐左線囉....超級鍾意..個心自己諗"終於搵到件係合自己所想style啦"

但媽咪又勁問個店員: 件褂係咪頭褂?? 件褂好皺喎?? 件褂到時會唔會仲舊??

咁佢問得..我都知佢其實嫌貴唔想租....咁我咪除左閃人...但個心...好不捨啦~~

個腦即刻浮現出新公式: 好鍾意 + 好很貴 = 放棄 T.,T

e一刻我好想學細過時咁扭計..我仲想不如我自己補返個差價啦~~

但理性同自己講,,,等埋mr tai同我去in wedding試左再決定吧!!

**睇咁多blog..真係有一句話無錯..結婚既女人係最易敗家...**