晨咁早起身就過機場..但好不幸地本人重感冒係e一日先開始發作=.=喉嚨超級痛...勁唔開心啦~~點解返工唔病,,放假先黎病...唔通連個天都唔鍾意我..
anyway..我同mr tai搭晨早六點零五分班車去機場..係車上,,梗係叉叉電啦~~話晒我都係病人...咁去到機場,,mr tai就好好咁幫我去買葯(都睇唔切e生了
) 咁之後我就去排隊等check in...搞好晒手續後..頂丫!!!話架機好爆要分開坐..仲要係分開九行囉~~我真係妖妖妖
但嘈佢都無用..廢時浪費我僅餘既精力..之後就同mr tai入左閘先食早晨...第一次食味千當早餐..好貴呢..so只係叫左一份share...諗住上飛機都有得食...只係想食d野再食葯咁解...
0915am...上左飛機等起飛....大約1010am就到達台灣高雄啦~~
mr tai既方向感真係好強..唔讚都唔得...唔知真係以為佢黎過玩=.="
咁佢就帶我地去搭台灣既地鐵啦....但發現..都無咩人坐..咁就無聊影下相~~
唔會出鏡既mr tai...hehee
咁到達美麗島站...mr tai話試下影唔影到101喎...真係無佢貢好氣~~雖然好q曬..but黎到乜都影啦~~
見到嗎??哈哈....一句講晒2條友無鬼聊
咁去到酒店要2點先比上房..真係仲有大把時間..係高雄比我感覺只係一個擬似大陸地方...一早係無咩行...我地係酒店附近最常出入就係"屈神巿"..你都唔好話唔勁!!!入去過下冷過都好過無..因為真係無咩market可以比我地行...夜巿又要等到六點先有喎..真係37度熱到攞你命x1000000000000000000000000
由於乜都未開..咁就是但搵間野食...經過一間"五花馬"門面都幾四正既就入左去坐下先
我同mr tai點左一客小龍包, 一個酸辣面
首先就黎個前菜,,,本人對酸既野係無咩興趣..咁就由mr tai清左去~~kaka
e碗野都ok..但我唔稱得上好味(註: 本人絕對唔係一個嘴尖既人)
e個小龍包係咪好似好得啦~~~但我想講既係...如果鍾意食生豬肉既朋友可以一次~~
我都唔識講...問佢地話係咁喎~~so我同mr tai食左四隻, 吐左兩隻就完了~咁你話結論係咩...自己估下啦
wakakakakakaka咁食飽無野做..又未上得房..唯有周圍行下..但貢既天氣,,我又感冒真係好難頂!!結果由行shopping mall變成"搵葯房之旅"...型呀!!!
高雄中山一路其實真係無咩好行..要行就要出返其他站..但兩點就要上房+去藏愛試衫...咁又無謂周圍走丫...咁就去搵..我無記錯佢地d路係井字型規劃...我行左足足四五個街口先搵到一間所謂既葯房...但無咳水買的=.=真係好爆~~但我都要尊重唔同city既文化....打搞完一輪無幫襯..又閃左啦~~
一hea...hea到點半...頂唔順行返酒店問下可以上房未...原來已經ok...good!!即刻閃上房休息下先啦~~
兩個都變左汗水人...極速去沖個涼抖下.....打去藏愛話遲少少...約三點先去到藏愛試衫~kakaa
咁抖完就行去藏愛..其實真係距離酒店好近..mr tai果然做到野!!!!
咁去到就有人好親切咁招待你...我地就抖陣飲杯水就上去三樓揀婚紗晚裝...
試衫過程都好開心...個職員唔會嫌你麻煩,,,見你想試與唔敢試咁多之間..佢都會笑住用廣東話講一句"試下啦, 唔駛怕喎"..好搞笑~你會覺得好親切~~
結果係個好似呀sa既職員介紹下...本人揀左以下2婚紗. 2晚裝...
我諗真係唔駛半個鐘就揀完...之後有d要改..就到mr tai試左男禮先...到佢試完..我d裙又改好..可以即時做埋final fitting..效率高到我唔識講呢~~~
試完衫..佢話約左攝影師tony(聽到話係tony, 我有d開心..因為上網serach過佢既評價真係不錯不錯, 亦見過佢d作品係幾合我心水的
)...咁約左夜晚七點半傾明天既行程...咁我同mr tai..就先回酒店抖下啦~~因為我由上機到落機...d鼻水都未stop過...上到房訓到大約六點..就出發周圍行下啦~~~準時七點五到達藏愛...咁就同tony傾下想要咩景 ,,and咩景著咩衫...但過程都好快..亦見到tony真係好認真咁去諗...so我都好放心佢發板...佢比既意見我都無咩問題^,^
咁傾完我地就去e肚啦~~~~去左六合夜巿
想試下d大大條既魷魚so(連喉嚨痛都唔理啦)...
e個就係我既target...mr tai試左第一口,,,反應係:"垃圾"
咁確實....我都覺得超鹹,,and韌過我面皮囉
..或者可能我地揀錯左一間唔好呱..但以後都唔會再試lu...kakaa之後就去試下胡椒餅...
e個餅,,,應該難食極都有限...但本著安全起見..都只係買左一個黎試下...結果- mr tai只係用ok形容..未至於係好好味啦~~haha
係試完兩云都麻麻地既情況下..我地決定離開六合夜巿喇~~周圍行..點知搵到間粉麵店...見都幾多人食...就入去試下啦~~mr tai點左以下一齊食~~
當歸鴨肉米粉 + 炒通菜 + 魯肉飯(肥肉飯)
樣樣都好好味....真係可以再食過...尤其個米粉囉~~個湯好掂!!!!
終於有種感覺...可以食返餐好架喇~~hahaaa
之後..我地約九點幾就回酒店休息啦~~明天仲要早起ready辛勞一天>.<但又好期待~~女人....確實係麻煩的
沒有留言:
張貼留言