台灣遊~ 台南day 4

6月19日

今日終於搞好晒pre-wedding既野..正正式式咁去玩..而本人既感冒亦係e一日叫做好好多~~無再流鼻水了...真係多謝

由於本人仍然有keep住食葯...mr tai係無咩行程之下..容許我e一隻豬訓到成十一點先叫我起身..wooo第一次去旅行可以訓成咁囉..但又真係好爽呢~~

之後刷牙洗面就出發去台南...台南出名小吃多..但遊覽地方唔見得好多

首先我地去台鐵買飛...成惠NT 83/一位

買定d飲品上車先...台灣必飲之選.....

消暑解渴冬瓜茶也!!!哈哈~~
坐左大約一粒鐘就到左...車程間都訓左陣..都話我係豬來架啦!!!

咁去到第一站梗係搵野食啦~~睇天書做人...首站就梗係e肚啦~仲未食野架>,<"

第一站本舖老店度小月(地址：台南市中正路16號)..我相信邊本天書都會介紹e間野...so必食

我地叫左個魯肉麵+炸蚵仔..真係巧巧味架

我地每間試少少...so未有咁快停...轉個彎幾個街口位..

去左第二站..松竹當歸鴨麵線(地址: 台南巿中西區民生路一段152號)

人少少...但唔代表d野差少少..個麵真係好好味..個湯都係好好味架!!

食飽飽第二站, 要來個小休先..去左台南一個商場細商場,我都唔記得佢叫咩名lu..但係無咩人行...真係好似包場咁囉...我地百無聊賴...竟然去左打機=.="

型呢...我就無玩~~渣車我唔掂..hahaa

咁之後抖左陣冷河...又再出發搵食啦~~
第三站 - 武廟肉圓(地址: 台南巿中西區永福路二段225號(武廟前)

今次係我最想試既肉圓...

但要露天食...其實真係唔講得少架, 好熱架=.=",,,但點都要試下先啦~~
感覺外表似粉果d皮...d汁好好味..但內裏舊肉就有少少硬..但整體都幾好味..仲好飽果隻!!..滿足...

食左貢多野,,係時候飲下野...行返出大街...就有間阿川冬瓜茶(地址:台南巿中西區永福路二段216號)

阿川冬瓜茶...好出名仲好好味....hahaa

咁又周圍行下...mr tai果然胃口大...仲話想去埋天書內講食粽既地方..捨命陪君子~gogogogogoogogogogogoooo

第四站再發號台南肉棕 (地址: 台南巿中西區民權路二段71號)

就係e一間..大大個招牌包唔會睇佢唔到ar!!

e一隻就係再發號肉粽唔算好大隻..2個人share都還可以~~

仲叫左個當地人好愛吃既虱魚腸....感覺..一般呢..但可以一試(所謂唔試唔知好唔好!!)

咁真係肚滿腸肥....周圍去行下影下相

被要求企係馬路影相啦~~~我都係逃不過e個命運~hahaa

唔記得乜乜館外邊一個大石像..

左行右行...我地又去第五站啦~

台南花園夜巿(台南巿北區海安路與和緯路交界)

e個就係花園夜巿個外景...乜叉招牌都無的~,~"

入到去,mr tai見到d得意遊戲..2個無聊就玩兩箕飛標...hoho中左個唔知咩玩具..哈哈

之後其實第四站後都仲未消滯...咁一場黎度都要食返d野既..食返d香港都有既炸熱狗腸..但個皮就堅係好硬囉...真係唔係個個夜巿d野食都貢好味的..

我地行e個夜巿就搭返台鐵回高雄酒店lu..

ready明天出發墾丁..仲有兩個朋友過來join我地tim..期待ar!!!